Մատչելիության կարգավորում

Ընտրել լեզուն

Անցնել երկրորդական մենյուին

Անցնել ցանկին

Անցնել բովանդակությանը

Եհովայի վկաներ

Հայերեն

Օնլայն Աստվածաշունչ

ԱՍՏՎԱԾԱՇՈՒՆՉ. ՆՈՐ ԱՇԽԱՐՀ ԹԱՐԳՄԱՆՈՒԹՅՈՒՆ

Սաղմոսներ 80։1-19

Նվագավարին։ Շուշաններ+։ Հիշեցում։ Ասափի+ սաղմոսը։ Երգ։ 80  Ո՜վ Իսրայելի Հովիվ, ակա՛նջ դիր+, Դու, որ առաջնորդում ես Հովսեփին ինչպես հոտի+։ Դու, որ նստում ես քերովբեների վրա+, փայլատակի՛ր+։   Եփրեմի, Բենիամինի և Մանասեի առաջ արթնացրո՛ւ քո զորությունը+ Եվ ե՛կ մեզ փրկելու+։   Ո՜վ Աստված, մեզ հե՛տ դարձրու+ Եվ պայծառացրո՛ւ երեսդ, որ մենք փրկվենք+։   Ո՜վ Զորքերի Աստված Եհովա, մինչև ե՞րբ պիտի բորբոքվես քո ժողովրդի աղոթքների վրա+։   Արտասուքի հաց ես ուտեցնում+ Եվ մեծ չափով արտասուք խմեցնում նրանց+։   Մեզ կռվի պատճառ ես դարձնում մեր հարևանների համար+, Եվ մեր թշնամիները իրենց ուզածի պես ծաղրում են մեզ+։   Ո՜վ Զորքերի Աստված, մեզ հե՛տ դարձրու+ Եվ պայծառացրո՛ւ երեսդ, որ մենք փրկվենք+։   Եգիպտոսից դու որթատունկ բերեցիր+։ Ազգերին քշեցիր, որ տնկես նրան+։   Նրա առաջ տեղ պատրաստեցիր+, որ արմատներ գցի և երկիրը լցնի+։ 10  Լեռները ծածկվեցին նրա ստվերով, Եվ Աստծու մայրիները՝ նրա ոստերով+։ 11  Նրա ոստերը տարածվեցին մինչև ծովը+, Եվ նրա շիվերը՝ մինչև Գետը*+։ 12  Ինչո՞ւ քանդեցիր նրա քարե պարիսպները+, Եվ ինչո՞ւ ճանապարհով բոլոր անցնողները պոկեցին նրա պտուղները+։ 13  Անտառի վարազը ավերում է այն+, Եվ դաշտերի բազմաքանակ անասունները ուտում են նրանից+։ 14  Ո՜վ Զորքերի Աստված, հե՛տ դարձիր, խնդրում եմ+։ Նայի՛ր երկնքից, տե՛ս և հո՛գ տար այս որթատունկին+, 15  Այն ընձյուղին, որը քո աջ ձեռքը տնկեց+, Նայի՛ր այն որդուն, որին դու քեզ համար զորացրիր+։ 16  Նա այրվել է կրակով, կտրվել է+։ Քո երեսի սաստումից նրանք ոչնչացել են+։ 17  Թող քո ձեռքը լինի քո աջ կողմում եղող մարդու վրա+, Մարդու որդու վրա, որին դու զորացրիր քեզ համար+, 18  Եվ մենք երես չենք թեքի քեզանից+։ Կենդանի՛ պահիր մեզ, որպեսզի քո անունը կանչենք+։ 19  Ո՜վ Զորքերի Աստված Եհովա, մեզ հե՛տ դարձրու+։ Պայծառացրո՛ւ երեսդ, որ մենք փրկվենք+։

Ծանոթագրություններ

Այսինքն՝ Եփրատը։