Անցնել բովանդակությանը

Անցնել երկրորդական մենյուին

Անցնել ցանկին

Եհովայի վկաներ

Հայերեն

Օնլայն Աստվածաշունչ | ԱՍՏՎԱԾԱՇՈՒՆՉ. ՆՈՐ ԱՇԽԱՐՀ ԹԱՐԳՄԱՆՈՒԹՅՈՒՆ

Սաղմոս 5։1-12

Նվագավարին։ Նեհիլոթ*։ Դավթի երգը։ 5  Ակա՛նջ դիր իմ խոսքերին+, ո՛վ Եհովա, Հասկացի՛ր իմ հառաչանքները։   Ո՛ւշ դարձրու օգնության իմ աղաղակի ձայնին+, Ո՛վ իմ Թագավոր+ և իմ Աստված, որովհետև քեզ եմ աղոթում+։   Ո՛վ Եհովա, առավոտյան դու կլսես իմ ձայնը+, Առավոտյան ես կդիմեմ քեզ ու կսպասեմ+։   Որովհետև դու անօրենությանը հավանություն տվող Աստված չես+, Չարը երբեք չի բնակվի քեզ մոտ+։   Պարծենկոտները չպիտի կանգնեն քո աչքերի առաջ+։ Դու ատում ես բոլոր չարիք գործողներին+,   Դու կկործանես սուտ խոսողներին+։ Արյուն թափող+ և խաբեբա+ մարդը զզվելի է Եհովային։   Իսկ ես քո մեծ սիրառատ բարության*+ շնորհիվ Քո տունը+ կմտնեմ, Եվ քո հանդեպ երկյուղով լցված՝ դեպի քո սուրբ տաճարը կդառնամ ու կխոնարհվեմ+։   Ո՛վ Եհովա, առաջնորդի՛ր ինձ քո արդարության մեջ+՝ պահելով ինձ իմ թշնամիներից+, Քո ճանապարհը հարթի՛ր իմ առջև+։   Որովհետև նրանց բերանում վստահության արժանի ոչինչ չկա+, Նրանց ներսը լիքն է աղետներով+, Նրանց կոկորդը բաց գերեզման է+, Շողոքորթ լեզվով են նրանք խոսում+։ 10  Աստված նրանց հանցավոր կճանաչի+, Նրանք կընկնեն իրենց իսկ ծրագրերի պատճառով+։ Իրենց օրինազանցությունների շատության համար թող որ նրանք ցրիվ գան+, Որովհետև ապստամբեցին քո դեմ+։ 11  Բայց բոլոր քեզ մոտ ապաստան գտնողները կուրախանան+, Հավիտյան կցնծան ուրախությունից+։ Դու կպաշտպանես նրանց, Եվ քո անունը սիրողները կհրճվեն քեզանով+։ 12  Որովհետև դու կօրհնես արդարին+, ո՛վ Եհովա, Քո հավանությամբ դու կպատես նրանց+, ինչպես մեծ վահանով+։

Ծանոթագրություններ

Եբր. բառ, որի նշ-ը հայտնի չէ։ Կարող է լինել փողային գործիք կամ երաժշտ. ստեղծագործ. անվանում։
Կամ՝ «նվիրված սիրո»։