Մատչելիության կարգավորում

Ընտրել լեզուն

Անցնել երկրորդական մենյուին

Անցնել ցանկին

Անցնել բովանդակությանը

Եհովայի վկաներ

Հայերեն

Օնլայն Աստվածաշունչ

ԱՍՏՎԱԾԱՇՈՒՆՉ. ՆՈՐ ԱՇԽԱՐՀ ԹԱՐԳՄԱՆՈՒԹՅՈՒՆ

Սաղմոսներ 141։1-10

Դավթի սաղմոսը։ 141  Ո՛վ Եհովա, ես քեզ եմ կանչում+։ Ինձ մո՛տ շտապիր+։ Ակա՛նջ դիր իմ ձայնին, երբ կանչում եմ քեզ+։   Թող աղոթքս ընդունելի լինի քեզ, ինչպես պատրաստված խունկը+ քո առջև+, Եվ վեր բարձրացրած ձեռքերս, ինչպես երեկոյան մատուցվող հացի ընծան+։   Պահապա՛ն դիր, ո՛վ Եհովա, իմ բերանին+, Եվ պահա՛կ կարգիր իմ շուրթերի դռան մոտ+։   Մի՛ թող, որ սիրտս հակվի որևէ չար բանի+, Որպեսզի արատավոր գործեր չանեմ ամբարշտության մեջ+ Չարիք գործողների հետ+ Եվ չուտեմ նրանց համեղ կերակուրներից+։   Եթե արդարն ինձ հարվածի, դա սիրառատ բարություն կլինի+, Եթե հանդիմանի, գլխիս լցված յուղ կլինի+, Որն իմ գլուխը չի մերժի+։ Ես կաղոթեմ նրանց համար նույնիսկ նրանց նեղությունների ժամանակ+։   Ժողովրդի դատավորներն ընկած են ժայռի կողքերը+, Բայց ժողովուրդը լսեց իմ խոսքերն ու տեսավ, որ դրանք հաճելի են+։   Ինչպես որ փայտ կոտրելիս տաշեղները ցիրուցան են լինում գետնի վրա, Այնպես էլ մեր ոսկորներն են ցրիվ գալիս գերեզմանի* բերանի մոտ+։   Սակայն աչքերս քեզ են ուղղված+, ո՛վ Գերիշխան Տեր+ Եհովա։ Քեզ մոտ եմ ես ապաստան գտել+։ Մի՛ թող, որ հոգիս մահվան մատնվի+։   Պահպանի՛ր ինձ իմ դեմ լարված թակարդի ճանկերից+ Եվ չարիք գործողների որոգայթներից+։ 10  Ամբարիշտները բոլորը միասին կընկնեն իրենց իսկ ցանցերի մեջ+, Իսկ ես ապահով կանցնեմ դրանց կողքով։

Ծանոթագրություններ

Եբր.՝ շեոլ։ Տե՛ս հավելված 11։