Մատչելիության կարգավորում

Ընտրել լեզուն

Անցնել երկրորդական մենյուին

Անցնել ցանկին

Անցնել բովանդակությանը

Եհովայի վկաներ

Հայերեն

Օնլայն Աստվածաշունչ

ԱՍՏՎԱԾԱՇՈՒՆՉ. ՆՈՐ ԱՇԽԱՐՀ ԹԱՐԳՄԱՆՈՒԹՅՈՒՆ

Սաղմոսներ 103։1-22

Դավթի սաղմոսը։ 103  Օրհնի՛ր Եհովային, ո՛վ իմ հոգի+, Եվ իմ ամբողջ ներսը թող օրհնի նրա սուրբ անունը+։   Օրհնի՛ր Եհովային, ո՛վ իմ հոգի, Եվ մի՛ մոռացիր նրա բոլոր գործերը+։   Նա ներում է քո բոլոր մեղքերը+, Բուժում է քո բոլոր ախտերը+,   Քո կյանքը ազատում է գերեզմանի փոսից+, Պսակում է քեզ սիրառատ բարությամբ ու գթասրտությամբ+   Եվ կյանքդ բարիքով է հագեցնում+. Քո երիտասարդությունը նորոգվում է, ինչպես որ արծվինը+։   Եհովան արդարության գործեր է կատարում+ Եվ դատավճիռներ է կայացնում բոլոր խաբվածների համար+։   Նա հայտնի է դարձնում իր ճանապարհները Մովսեսին+, Իր գործերը՝ Իսրայելի որդիներին+։   Եհովան բարեգութ է և ողորմած+, Դանդաղ է բարկանալու մեջ և լի է սիրառատ բարությամբ+։   Նա իր մտքում ընդմիշտ չի պահում մեր սխալները+, Եվ ոչ էլ հավիտենապես ոխ է պահում+։ 10  Նա մեզ հետ չի վարվում մեր մեղքերի համեմատ+, Եվ մեզ չի հատուցում մեր անօրենությունների համեմատ+, 11  Որովհետև որքան բարձր է երկինքը երկրից+, Այնքան մեծ է նրա սիրառատ բարությունը իրենից վախեցողների հանդեպ+։ 12  Որքան արևելքը հեռու է արևմուտքից+, Այնքան նա հեռացրել է մեզանից մեր հանցանքները+։ 13  Ինչպես հայրն է գթում իր որդիներին+, Այնպես էլ Եհովան է գթում իրենից վախեցողներին+, 14  Որովհետև նա լավ գիտի մեր կազմությունը+, Հիշում է, որ հող ենք մենք+։ 15  Մահկանացու մարդու օրերը կանաչ խոտի օրերի պես են+, Նա ծաղկում է այնպես, ինչպես դաշտի ծաղիկն է ծաղկում+։ 16  Քամին անցնում է նրա վրայով, և նա չկա+. Նրա տեղը այլևս չի ճանաչի նրան+։ 17  Բայց Եհովայի սիրառատ բարությունը հավիտյանս հավիտենից է+ Իրենից վախեցողների նկատմամբ+, Եվ նրա արդարությունը՝ որդկանց որդիների նկատմամբ+, 18  Նրանց հանդեպ, ովքեր պահում են իր ուխտը+, Եվ ովքեր հիշում են իր պատվերները, որպեսզի կատարեն դրանք+։ 19  Եհովան իր գահը հաստատել է երկնքում+, Եվ նրա թագավորությունը տիրում է ամեն ինչի վրա+։ 20  Օրհնե՛ք Եհովային, ո՛վ նրա հրեշտակներ+, որ ուժով զորավոր եք և կատարում եք նրա խոսքը+՝ Լսելով նրա խոսքի ձայնը+։ 21  Օրհնե՛ք Եհովային, ո՛վ նրա բոլոր զորքեր+, Ո՛վ նրա սպասավորներ, որ նրա կամքն եք կատարում+։ 22  Օրհնե՛ք Եհովային, ո՛վ նրա բոլոր ստեղծվածներ+, Ամենուրեք, ուր որ նա տիրում է+։ Օրհնի՛ր Եհովային, ո՛վ իմ հոգի+։

Ծանոթագրություններ