Մատչելիության կարգավորում

Ընտրել լեզուն

Անցնել երկրորդական մենյուին

Անցնել ցանկին

Անցնել բովանդակությանը

Եհովայի վկաներ

Հայերեն

Օնլայն Աստվածաշունչ

ԱՍՏՎԱԾԱՇՈՒՆՉ. ՆՈՐ ԱՇԽԱՐՀ ԹԱՐԳՄԱՆՈՒԹՅՈՒՆ

Եսթեր 1։1-22

1  Ասուերոսի* օրերում+ (այն Ասուերոսի, որը թագավորում էր Հնդկաստանից մինչև Եթովպիա՝ հարյուր քսանյոթ գավառների վրա)+,  երբ ինքը՝ Ասուերոս թագավորը, նստած էր իր արքայական գահին+, որը Շուշան+ ամրոցում+ էր,  իր թագավորության երրորդ տարում խնջույք+ արեց իր բոլոր իշխանների և ծառաների համար։ Պարսկաստանի+ ու Մարաստանի+ զորքը, ազնվատոհմ մարդիկ+ ու գավառների իշխանները նրա առաջ էին+։  Իր փառավոր թագավորության հարստությունը+ և իր մեծության փառքն+ ու գեղեցկությունը նա ցույց տվեց շատ օրեր՝ հարյուր ութսուն օր։  Երբ այդ օրերը լրացան, թագավորը թագավորական պալատի այգու գավիթում յոթ օր խնջույք արեց Շուշան ամրոցում գտնվող ողջ ժողովրդի՝ մեծամեծների և փոքրերի համար։  Գավիթը զարդարված էր կտավից, բարձրորակ բամբակից պատրաստված վարագույրներով, նաև կապույտ+ վարագույրներով, որոնք ամրացված էին բարձրորակ կտորից պատրաստված պարաններով, ծիրանիով+ ներկված բրդյա ժապավեններով, որոնք անցկացված էին արծաթե օղակների մեջ և ամրացված էին մարմարե սյուներին։ Հատակի վրա, որը ծիրանաքարից, մարմարից, սադափից ու սև մարմարից էր, ոսկե և արծաթե մահիճներ+ կային։  Գինին փոխանցվում էր միմյանցից տարբերվող ոսկե անոթներով+։ Արքայական գինին+ առատ էր՝ թագավորի հարստության համեմատ։  Այս անգամ մարդիկ իրար չէին ստիպում խմել, ինչպես որ օրենքն էր ասում, քանի որ թագավորը իր տան բոլոր պաշտոնյաներին կարգադրել էր, որ կատարեն յուրաքանչյուրի ցանկությունը։  Իսկ Վաշթի+ թագուհին Ասուերոս թագավորի արքայական տանը խնջույք արեց կանանց համար։ 10  Յոթերորդ օրը, երբ Ասուերոս թագավորի սիրտը գինուց ուրախացել էր+, նա իր առաջ ծառայող+ յոթ պալատականներին՝ Մեհումանին, Բիզթային, Արբոնային+, Բիգթային, Աբագթային, Զեթարին ու Քարքասին, ասաց, 11  որ Վաշթի թագուհուն արքայական գլխածածկով բերեն թագավորի առաջ, որպեսզի ժողովուրդներին և իշխաններին ցույց տա նրա գեղեցկությունը, քանի որ նա արտաքնապես գեղեցիկ էր+։ 12  Պալատականները Վաշթի թագուհուն հաղորդեցին թագավորի խոսքերը, բայց նա հրաժարվում էր+ նրա մոտ գալուց։ Այդ ժամանակ թագավորը խիստ բարկացավ, և նրա զայրույթը բորբոքվեց+։ 13  Թագավորն ասաց իր իմաստուններին+՝ հին ժամանակներին քաջածանոթ+ մարդկանց (թագավորի գործերը քննվում էին բոլոր նրանց առաջ, ովքեր լավատեղյակ էին օրենքից ու իրավական գործերից, 14  և նրա մերձավորներն էին՝ Կարսենան, Սեթարը, Ադմաթան, Թարսիսը, Մերեսը, Մարսենան և Մեմուքանը՝ Պարսկաստանի ու Մարաստանի յոթ+ իշխանները, որոնք ելումուտ ունեին թագավորի մոտ+ և թագավորությունում առաջին տեղերն էին զբաղեցնում). 15  «Ըստ օրենքի՝ ի՞նչ պետք է արվի Վաշթի թագուհուն, եթե նա չի կատարել Ասուերոս թագավորի խոսքը, որը նա հաղորդել է պալատականների միջոցով»։ 16  Ի պատասխան՝ Մեմուքանն+ ասաց թագավորի և իշխանների առաջ. «Վաշթի թագուհին ոչ միայն թագավորի հանդեպ է սխալ գործել+, այլև Ասուերոս թագավորի բոլոր գավառներում եղող բոլոր իշխանների ու ժողովուրդների հանդեպ։ 17  Երբ բոլոր կանայք իմանան թագուհու արարքի մասին, կսկսեն արհամարհել+ իրենց ամուսիններին*+ և ասել. «Ասուերոս թագավորն ասաց, որ Վաշթի թագուհուն բերեն իր մոտ, բայց նա չգնաց»։ 18  Հիմա Պարսկաստանի ու Մարաստանի իշխանուհիները, ովքեր լսել են թագուհու արարքի մասին, նույն ձևով կխոսեն թագավորի իշխանների հետ, և ամենուրեք շատ անարգանք ու վրդովմունք կլինի+։ 19  Ուստի եթե թագավորին հաճելի է+, թող նա հրաման արձակի, և թող այն գրվի Պարսկաստանի ու Մարաստանի օրենքներում+, որպեսզի անվավեր չդառնա+։ Այնտեղ թող ասվի, որ Վաշթին չի կարող ներկայանալ Ասուերոս թագավորին, և թող թագավորը թագուհու դիրքը հանձնի մի կնոջ, որը նրանից ավելի լավն է։ 20  Թագավորի հրամանը պետք է հայտնի դառնա նրա ողջ թագավորությունում (որը շատ մեծ է), և բոլոր կանայք կպատվեն+ իրենց ամուսիններին*+, ինչպես մեծամեծներին, այնպես էլ փոքրերին»։ 21  Այդ բանը հաճելի եղավ թագավորի ու իշխանների աչքին+, և թագավորը Մեմուքանի ասածով արեց։ 22  Թագավորը գրավոր նամակներ+ ուղարկեց բոլոր գավառներին, ամեն գավառին+՝ իր գրով և իր լեզվով, որպեսզի յուրաքանչյուր ամուսին իր տան մեջ տեր լինի+ և խոսի իր ժողովրդի լեզվով։

Ծանոթագրություններ

«Յոթանասնից»-ում կոչվում է Արտաքսերքսես։ Ըստ ամենայնի, Քսերքսես I-ն է՝ Մեծն Դարեհի (Դարեհ Վշտասպի) որդին։
Բռց.՝ «տերերին»։
Բռց.՝ «տերերին»։