Մատչելիության կարգավորում

Ընտրել լեզուն

Անցնել երկրորդական մենյուին

Անցնել ցանկին

Անցնել բովանդակությանը

Եհովայի վկաներ

Հայերեն

Օնլայն Աստվածաշունչ

ԱՍՏՎԱԾԱՇՈՒՆՉ. ՆՈՐ ԱՇԽԱՐՀ ԹԱՐԳՄԱՆՈՒԹՅՈՒՆ

Եսայիա 59։1-21

59  Եհովայի ձեռքը կարճ չէ, որ չկարողանա փրկել+, ոչ էլ նրա ականջն է ծանր, որ չկարողանա լսել+։  Ո՛չ, ձեր իսկ հանցանքներն են ձեզ բաժանել ձեր Աստծուց+, ու ձեր մեղքերի պատճառով է նա ծածկել իր երեսը, որ չլսի ձեզ+։  Ձեր ձեռքի ափերը պղծվել են արյունով+, ու ձեր մատները՝ հանցանքով։ Ձեր շուրթերը ստություն են խոսում+, ու ձեր լեզուն անարդար բաներ է մրմնջում+։  Ոչ մեկը հանուն արդարության իր ձայնը չի բարձրացնում+, դատի գնացողներից մեկն էլ չկա, որ ճիշտն ասի։ Դատարկությանն են ապավինում+ և փուչ բաների մասին խոսում+։ Նրանց մեջ դժբախտություն է հղիանում, ու նրանք չարիք են ծնում+։  Թունավոր օձի ձվեր են թխսում ու սարդոստայն+ են գործում։ Ով որ ուտի այդ ձվերից, կմեռնի, իսկ ջարդված ձվից իժ+ դուրս կգա։  Նրանց ոստայնը չի ծառայի որպես հագուստ, ու նրանք չեն ծածկվի իրենց գործերով+։ Նրանց գործերը չար գործեր են, ու նրանց ձեռքերում բռնություն է+։  Նրանց ոտքերը չարություն անելու են վազում+ և շտապում են անմեղ արյուն թափելու+։ Նրանց մտքերը չար մտքեր են+, կողոպուտ ու ավերածություն է նրանց գլխավոր ճանապարհներին+։  Նրանք արհամարհել են խաղաղության ճանապարհը+, և նրանց շավիղներին արդարություն չկա+։ Նրանք ծռել են իրենց ճանապարհները+։ Դրանցով քայլողներից և ոչ մեկը չի իմանա, թե ինչ է խաղաղությունը+։  Դրա համար էլ արդարությունը հեռացել է մեզանից, և արդարադատությունը չի հասնում մեզ։ Լույս ենք ակնկալում, բայց ահա մթություն է, պայծառության ենք սպասում, բայց շարունակում ենք խավարի մեջ քայլել+։ 10  Կույրերի պես շոշափում ենք պատը և աչք չունեցողների պես խարխափում ենք+։ Կեսօրին սայթաքում ենք, ինչպես մթնշաղին, և ուժեղների մեջ ասես մեռելներ ենք+։ 11  Բոլորս մռնչում ենք արջերի պես և վշտահար ղունղունում ենք աղավնիների պես+։ Արդարություն ենք ակնկալում+, բայց չկա, փրկություն, բայց այն հեռու է մեզանից+։ 12  Մեր ապստամբությունները շատացել են քո առաջ+, ու մեր բոլոր մեղքերը վկայում են մեր դեմ+։ Մեր ապստամբությունները մեզ հետ են, ու մենք լավ գիտենք մեր հանցանքները+։ 13  Հանցանք ենք գործել և ուրացել ենք Եհովային+, հետ ենք կանգնել մեր Աստծուց, հարստահարելու և ապստամբելու մասին ենք խոսել+, ստության խոսքերի մասին ենք մտածել մեր սրտերում ու մրմնջացել+։ 14  Արդարությունը հետ է վանվել+, և արդարադատությունը հեռվում է կանգնել+։ Ճշմարտությունը սայթաքել է նույնիսկ հրապարակում, և ճիշտը չի կարող ներս մտնել+։ 15  Ճշմարտությունը վերացել է+, և նա, ով հեռանում է չարությունից, կողոպտվում է+։ Եհովան տեսավ դա, և այն, որ արդարություն չկար, չարիք էր նրա աչքերում+։ 16  Երբ նա տեսավ, որ օգնող չկա, զարմացավ, որովհետև միջնորդ չկար+։ Նրա բազուկը հանուն իրեն փրկություն բերեց, և նրա արդարությունը աջակցեց նրան+։ 17  Նա հագավ իր արդարությունը որպես զրահ+ ու գլխին դրեց փրկության սաղավարտը+։ Հագավ վրեժխնդրության հանդերձները+ և նախանձախնդրությամբ փաթաթվեց, ասես վերնահագուստով+։ 18  Նա ըստ գործերի կհատուցի+. ցասումով՝ իր հակառակորդներին, արժանին՝ իր թշնամիներին+։ Արժանի հատուցում կտա կղզիներին+։ 19  Արևմուտքում* կսկսեն վախենալ Եհովայի անունից+ և արևելքում*՝ նրա փառքից+, որովհետև նա կգա որպես նեղություն բերող գետ, որը քշվում է Եհովայի ոգուց+։ 20  «Փրկագնողը+ Սիոնի+ մոտ կգա, նաև նրանց մոտ, ովքեր Հակոբում անօրենություններից հետ են կանգնում»+,– ասում է Եհովան։ 21  «Սա է իմ ուխտը նրանց հետ»+,– ասում է Եհովան։ «Իմ ոգին, որը քեզ վրա է+, և իմ խոսքերը, որոնք դրել եմ քո բերանը+, չեն հեռանա քո, քո սերնդի ու քո սերնդի սերնդի բերանից,– ասում է Եհովան,– այժմվանից մինչև հավիտյան»+։

Ծանոթագրություններ

Կամ՝ «արևամուտում»։
Կամ՝ «արևածագում»։