Մատչելիության կարգավորում

Ընտրել լեզուն

Անցնել երկրորդական մենյուին

Անցնել ցանկին

Անցնել բովանդակությանը

Եհովայի վկաներ

Հայերեն

Օնլայն Աստվածաշունչ

ԱՍՏՎԱԾԱՇՈՒՆՉ. ՆՈՐ ԱՇԽԱՐՀ ԹԱՐԳՄԱՆՈՒԹՅՈՒՆ

Առակներ 27։1-27

27  Մի՛ պարծենա վաղվա օրով+, որովհետև չգիտես, թե օրը ինչ կծնի+։  Թող քեզ օտարը գովաբանի և ոչ թե քո բերանը, օտարականը՝ և ոչ թե քո շուրթերը+։  Քարը ծանր է, և ավազը՝ ծանր բեռ+, բայց հիմարի պատճառած վրդովմունքը երկուսից էլ ծանր է+։  Ցասումը դաժան է, և բարկությունը՝ հեղեղի նման+, բայց նախանձի առջև ո՞վ կարող է կանգնել+։  Ավելի լավ է բացահայտ հանդիմանությունը+, քան ծածուկ սերը։  Սիրող մարդու հասցրած վերքերը հավատարմությունից են բխում+, բայց ատող մարդու համբույրների համար հարկավոր է աղերսել+։  Կուշտ հոգին խորիսխի մեղրը կտրորի, բայց քաղցած հոգու համար ամեն դառը բան քաղցր է+։  Ինչպես իր բնից փախած թռչունն է+, այնպես էլ իր հարազատ վայրից փախած մարդն է+։  Յուղն ու խունկը+ ուրախացնում են սիրտը, նմանապես, քաղցր է այն ընկերը, ում խորհուրդը հոգու խորքից է բխում+։ 10  Մի՛ հեռացիր քո ընկերոջից կամ քո հոր ընկերոջից և մի՛ մտիր եղբորդ տուն, երբ դժբախտության մեջ ես։ Ավելի լավ է մոտ գտնվող հարևանը, քան հեռվում գտնվող եղբայրը+։ 11  Որդի՛ս, իմաստուն եղիր և սիրտս ուրախացրու+, որ ես կարողանամ պատասխան տալ նրան, ով չարախոսում է ինձ+։ 12  Խորագետը, տեսնելով փորձանքը, թաքնվում է+, իսկ անփորձները առաջ են գնում ու պատժվում+։ 13  Եթե ինչ-որ մեկը օտարի համար երաշխավոր է եղել, վերցրու նրա հանդերձը+, և եթե մեկը օտար կնոջ հետ է առնչվել, նրանից գրավ վերցրու+։ 14  Նա, ով վաղ առավոտյան բարձրաձայն օրհնի իր մերձավորին, դա նրա կողմից արված անեծք կհամարվի+։ 15  Կաթող տանիքը, որ անձրևոտ օրը մարդուն դուրս է անում, և կռվարար կինը իրար նման են+։ 16  Ով որ թաքցնում է այդ կնոջը, քամի է թաքցնում և իր աջ ձեռքով յուղ է բռնում։ 17  Երկաթը երկաթով է սրվում, նմանապես, մարդը սրում է ուրիշի երեսը*+։ 18  Թզենին պահպանողը նրա պտղից կուտի+, և իր տիրոջը պահպանողը պատվի կարժանանա+։ 19  Ինչպես ջրում երեսի առաջ երես է արտացոլվում, այնպես էլ մարդու սիրտը արտացոլվում է ուրիշի սրտում։ 20  Գերեզմանն* ու կործանման վայրը+ չեն կշտանում+. մարդկանց աչքերը նույնպես չեն կշտանում+։ 21  Ինչպես զտման անոթն է արծաթի համար+, և հնոցը՝ ոսկու+, այնպես էլ գովաբանությունն է մարդու համար+։ 22  Նույնիսկ եթե հիմարին մանրացրած հացահատիկի հետ միասին սանդի մեջ սանդակոթով լավ ծեծես, նրա հիմարությունը չի հեռանա նրանից+։ 23  Դու պետք է լավ իմանաս քո հոտի վիճակը և սիրտդ դնես անասուններիդ համար+, 24  որովհետև գանձերը դարեդար չեն լինելու+, ոչ էլ թագը՝ սերնդեսերունդ։ 25  Կանաչ խոտն անհետացավ, նոր խոտը հայտնվեց, և սարերի բույսերը հավաքվեցին+։ 26  Մատղաշ խոյերը հագուստիդ համար են+, ու նոխազները դաշտի գինն են։ 27  Եվ որպես ուտելիք՝ բավականաչափ այծի կաթ կա ինչպես քեզ համար, այնպես էլ տնեցիներիդ համար, նաև որպես ապրուստ+՝ աղախիններիդ համար։

Ծանոթագրություններ

Կամ՝ «մարդը ուրիշին ավելի լավն է դարձնում»։
Եբր.՝ շեոլ։ Տե՛ս հավելված 11։