Անցնել բովանդակությանը

Անցնել երկրորդական մենյուին

Անցնել ցանկին

Եհովայի վկաներ

Հայերեն

Դիտարան  |  Մայիս 2013

Կվստահե՞ս Աստծուն

Կվստահե՞ս Աստծուն

ՊԱՏԿԵՐԱՑՐՈՒ՝ ընկերդ, որով դու հիացած ես, այնպիսի բան է անում, որ չես կարողանում հասկանալ։ Ոմանք քննադատում են նրան ու կասկածի տակ դնում նրա մղումները՝ ասելով, թե նա դաժան է։ Անմիջապես կհավատա՞ս այդ խոսքերին, թե՞ կլսես՝ ինչ է ասում ընկերդ։ Մինչև նրա հետ խոսելը համբերությամբ կսպասե՞ս՝ առանց դատելու նրան։

Նախքան եզրակացություններ անելը թերևս հարցնես. «Որքա՞ն լավ եմ ճանաչում ընկերոջս, ինչո՞ւ եմ նրանով հիանում»։ Նմանապես նախքան Աստծու մասին դատողություն անելը, թե նա դաժան է, լավ կլինի մտածել այս նույն հարցերի շուրջ։

Քեզ համար գուցե դժվար լինի հասկանալ Աստծու գործելակերպը, կամ թե ինչու է նա թույլ տալիս այս կամ այն բանը։ Շատերը հնարավոր է՝ ասեն, որ Աստված դաժան է և դրդեն քեզ կասկածի տակ դնելու նրա մղումները։ Սակայն մի՞թե նախքան փաստերին տեղեկանալը իսկույն կսկսես կասկածել նրան։ Պատասխանը կախված է նրանից, թե որքան լավ ես ճանաչում Աստծուն։ Հարցրու ինքդ քեզ. «Ինչպիսի՞ Ընկեր է Աստված ինձ համար»։

Եթե դժվար կյանք ես ունեցել, թերևս հակված ես մտածելու, թե Աստված քեզ համար Ընկեր չէ։ Սակայն մտածիր. մի՞թե Աստված է պատասխանատու այն տառապանքի համար, որ կրում ես։ Ինչպես իմացանք, Սատանան է «այս աշխարհի իշխանը» (Հովհաննես 12։31)։ Նա է անարդարության ու տառապանքի պատճառը։ Ինչ խոսք, անկատարությունը և անկանխատեսելի դեպքերը նույնպես կարող են դրանց պատճառը լինել։

Մի՞թե Աստված է պատասխանատու տառապանքի համար, որ կրում ես

Իսկ ի՞նչ կարելի է ասել Աստծու մասին։ Աստվածաշունչն ասում է, որ նա «Ստեղծիչն է երկնքի ու երկրի», որ մեր մարմինը նա «զարմանալի կերպով է ստեղծել» և որ մեր շունչը նրա ձեռքում է (Սաղմոս 124։8; 139։14; Դանիել 5։23)։ Ի՞նչ է սա նշանակում։

Սա նշանակում է, որ մեր գոյության համար պարտական ենք մեր Ստեղծչին (Գործեր 17։28)։ Կյանքը, շրջապատող աշխարհի գեղեցկությունը, սերն ու ընկերությունը, համի, հոտի զգացողությունը, մեր սիրելիներին հպվելու հաճույքը, ձայների ընկալումը պարգև են Եհովայից (Հակոբոս 1։17)։ Արդյոք համաձայն չե՞ս, որ այս ամենը ցույց է տալիս, որ Եհովան իսկական Ընկեր է, որին արժե վստահել ու նրանով հիանալ։

Գուցե քեզ համար դժվար լինի վստահել Աստծուն։ Թերևս մտածես, որ լավ չես ճանաչում նրան։ Այս կարճ հոդվածաշարում, իհարկե, հնարավոր չէ նշել բոլոր պատճառները, թե ինչու են մարդիկ Աստծուն դաժան համարում։ Սակայն ինչ պատճառ էլ որ լինի, արժե ջանքեր թափել նրան լավ ճանաչելու համար *։ Վստահ ենք, որ այդպես վարվելով՝ կիմանաս Աստծու մասին ճշմարտությունը. այն, որ նա սեր է (1 Հովհաննես 4։8

^ պարբ. 8 Ավելի շատ տեղեկություններ ստանալու համար այն մասին, թե ինչու է Աստված թույլատրում տառապանքը, տե՛ս «Ի՞նչ է սովորեցնում Աստվածաշունչը իրականում» գրքի 11-րդ գլուխը։ Հրատարակվել է Եհովայի վկաների կողմից։

 

Իմացիր ավելին

ԲԱՐԻ ԼՈՒՐ ԱՍՏԾՈՒՑ

Ինչո՞ւ է Աստված թույլատրում չարությունն ու տառապանքը

Ինչպե՞ս սկիզբ առավ չարությունը, և ինչո՞ւ Աստված թույլ տվեց, որ այն շարունակվի։ Մի օր վերջ կդրվի՞ դրան։