Մատչելիության կարգավորում

Ընտրել լեզուն

Անցնել երկրորդական մենյուին

Անցնել ցանկին

Անցնել բովանդակությանը

Եհովայի վկաներ

Հայերեն

ԴԻՏԱՐԱՆ ՓԵՏՐՎԱՐ 2011

 Սովորեցրեք ձեր երեխաներին

Նա սիրված էր Աստծու և իր ընկերների կողմից

Նա սիրված էր Աստծու և իր ընկերների կողմից

ԱՅՍՕՐ ոչ ոք չգիտի նրա անունը։ Նրան ճանաչում են իր հոր՝ Հեփթայեի անունով։ Եկ Աստվածաշնչից իմանանք այդ երկու մարդկանց մասին։ Մենք կտեսնենք, որ Հեփթայեի աղջիկը սիրված էր Աստծու և իր ընկերների կողմից։

Հեփթայեի և իր աղջկա մասին կարող ենք կարդալ Աստվածաշնչի «Դատավորներ» գրքի 11-րդ գլխում։ Քանի որ Հեփթայեն Աստծու հավատարիմ ծառան էր, անկասկած, իր աղջկա հետ կանոնավորաբար քննարկում էր Աստծու կողմից ներշնչված գրությունները, որոնք կային այդ ժամանակ։

Հեփթայեն ապրում էր այն ժամանակաշրջանում, երբ Աստծու ժողովուրդը՝ Իսրայելը, դեռ չէր խնդրել նրան, որ մարդիկ թագավորեն իր վրա։ Հեփթայեն ուժեղ տղամարդ էր և լավ պատերազմող էր։ Ուստի իսրայելացիները խնդրեցին նրան առաջնորդել իրենց ամմոնացիների՝ հարևան ազգի դեմ պատերազմում. վերջիններս պատերազմի էին դուրս եկել նրանց դեմ։

Հեփթայեն խնդրեց Աստծուն օգնել իրեն, որ հաղթի ամմոնացիներին։ Փոխարենը՝ մի բան խոստացավ. նա ասաց, որ Եհովային կտա նրան, ով առաջինը տնից դուրս կգա իրեն դիմավորելու, եթե ինքը հաղթանակած վերադառնա։ Այդ անձնավորությունը պետք է իր կյանքի մնացած մասը անցկացներ՝ ծառայելով Աստծու խորանում՝ այն վայրում, որտեղ մարդիկ այդ օրերում երկրպագում էին Եհովային։ Գիտե՞ս՝ ով դուրս եկավ առաջինը։~  *

 Այո՛, Հեփթայեի աղջիկը։ Հեփթայեն շատ տխրեց. նա ընդամենը մի երեխա ուներ։ Բայց խոսք էր տվել Եհովային և պետք է պահեր այն։ Առանց տարակուսելու՝ Հեփթայեի աղջիկն ասաց. «Հա՛յր իմ, եթե քո բերանը բաց ես արել Եհովայի առաջ, ապա ինձ հետ արա այն, ինչ դուրս է եկել քո բերանից»։ Այնուհետև նա հորից երկու ամիս ժամանակ խնդրեց, որ գնա լեռները և ողբա։ Ինչո՞ւ։ Քանի որ հոր երդումը պահելու պատճառով երբեք չէր ամուսնանալու ու երեխաներ չէր ունենալու։ Բայց նա գնաց այդ քայլին, քանի որ իր սեփական ցանկություններն ամենակարևորը չէր համարում, այլ ցանկանում էր հնազանդվել հորը և նվիրված մնալ Եհովային։ Ի՞նչ ես կարծում, նա ուրախացրե՞ց Եհովային ու իր հորը։~ 

Հեփթայեն աղջկան ընկերուհիների հետ երկու ամսով ուղարկեց լեռները։ Երբ նա վերադարձավ, հայրը պահեց իր երդումը՝ ուղարկելով նրան Սելովում գտնվող Աստծու խորան, որ կյանքի մնացած տարիները այնտեղ անցկացնի։ Ամեն տարի Իսրայելի երիտասարդ կանայք գալիս էին Սելով և քաջալերում էին Հեփթայեի աղջկան։

Ճանաչո՞ւմ ես այնպիսի երեխաների, որոնք հնազանդվում են իրենց ծնողներին և սիրում են Եհովային։~ Լավ կլինի, որ մոտիկից ճանաչես նրանց ու դառնաս նրանց ընկերը։ Եթե ընդօրինակես Հեփթայեի աղջկան և լինես հնազանդ ու նվիրված, լավ ընկերներ ձեռք կբերես։ Դու կուրախացնես ծնողներիդ, իսկ Եհովան քեզ շատ կսիրի։

^ պարբ. 6 Եթե ընթերցում եք երեխայի հետ, ալիքաձև նշանը հիշեցնում է, որ պետք է դադար տալ և քաջալերել երեխային արտահայտվել։

 

Իմացիր ավելին

Հնազանդվիր ծնողներիդ

Ինչո՞ւ է կարևոր հնազանդվել ծնողներին։ Դիտիր այս մուլտֆիլմը և իմացիր պատասխանը։

Հնազանդվիր Եհովային

Կարևո՞ր է, թե ինչ խաղալիքներով ես խաղում։ Դիտիր մուլտֆիլմը և տես, թե ինչպես է Կարենը դառնում Եհովայի ընկերը։

Ինչո՞ւ Աստվածաշնչում ոմանց անունները չեն նշվում

Պե՞տք է եզրակացնել, թե բոլոր նրանք, ում անունները չեն նշվում Աստվածաշնչում, վատն են կամ կարևոր անձնավորություններ չեն։