Մատչելիության կարգավորում

Ընտրել լեզուն

Անցնել երկրորդական մենյուին

Անցնել ցանկին

Անցնել բովանդակությանը

Եհովայի վկաներ

Հայերեն

ԱՐԹՆԱՑԵ՛Ք ՕԳՈՍՏՈՍ 2013

Դիտում ենք աշխարհը

Դիտում ենք աշխարհը

Միացյալ նահանգներ

Ամեն օր Միացյալ Նահանգների նախկին զինծառայողներից ավելի քան 20-ը ինքնասպանություն է գործում։ Ամեն ամիս մոտ 950 վետերաններ, որոնք օգնություն են ստանում ԱՄՆ-ի վետերանների գործերով նախարարությունից, ինքնասպանության փորձ են կատարում։

Չինաստան

«Աշխատելու նպատակով մի քաղաքից մյուսը տեղափոխված մինչև 30 տարեկան չինացի կանանց գրեթե 50 տոկոսը հղիացել է նախքան ամուսնանալը։ Սա չամուսնացած չինացի մայրերի գրանցված բարձրագույն թիվն է՝ համեմատած մեկ սերունդ առաջ եղած թվի հետ»,— ասվում է «Չայնա դեյլի» թերթում։ Այնտեղ նաև գրված է, որ չինական հասարակության մեջ «գնալով ավելի ընդունելի է դառնում արտամուսնական կյանքով ապրելը»։

Հունաստան

Հունաստանում նորից գլուխ է բարձրացնում մալարիան՝ հիվանդություն, որը տվյալ երկրում վերացել էր դեռևս 1974թ.-ին։ Կարծիք կա, որ պատճառը տնտեսական ճգնաժամի ազդեցությունն է առողջապահության ոլորտի վրա։

Հնդկաստան

Մի ուսումնասիրության արդյունքում պարզ է դարձել, որ, չնայած հասարակության մեջ տեղի ունեցող կտրուկ փոփոխություններին, հարցվողների 74 տոկոսը նախընտրում է ամուսնանալ ծնողների, ոչ թե իրենց ընտրությամբ։ Իսկ 89 տոկոսը նախընտրում է ապրել ծնողների և հարազատների հետ, ոչ թե առանձին։

Իտալիա

«[Կաթոլիկ] եկեղեցին նախկին ազդեցությունը չունի ո՛չ Եվրոպայում, ո՛չ էլ Ամերիկայում։ Մեր մշակույթը արդեն հին է, եկեղեցիները մեծ են, սակայն դատարկ, և դրանց բյուրոկրատիան թուլացել է։ Մեր ծեսերն ու հանդերձները շքեղ են.... Կաթոլիկ եկեղեցին 200 տարով հետ է մնացել» (կաթոլիկ կարդինալ Կարլո Մարիա Մարտինիի հետ հարցազրույց, որը հրատարակվել է նրա մահից հետո «Corriere della Sera» թերթում)։