Մատչելիության կարգավորում

Ընտրել լեզուն

Անցնել երկրորդական մենյուին

Անցնել ցանկին

Անցնել բովանդակությանը

Եհովայի վկաներ

Հայերեն

ԱՐԹՆԱՑԵ՛Ք № 4 2016

 ԳԼԽԱՎՈՐ ԹԵՄԱ | ԻՆՉՊԵՍ ԶԱՐԳԱՑՆԵԼ ԼԱՎ ՍՈՎՈՐՈՒԹՅՈՒՆՆԵՐ

3. Հաստատակամ եղեք

3. Հաստատակամ եղեք

Ինչպես նշում է մի մասնագետ, նոր սովորությունը արմատավորելու համար 21 օր է հարկավոր։ Սակայն ուսումնասիրությունները ցույց են տալիս, որ ոմանք ավելի կարճ ժամանակում են կարողանում լուրջ փոփոխություններ անել, մինչդեռ ուրիշներից դրա համար ավելի երկար ժամանակ է պահանջվում։ Որքան էլ երկար ժամանակ պահանջվի փոփոխություններ անելու համար, դա չպետք է վհատեցնի ձեզ։

Նկատի առեք հետևյալ իրավիճակը. ենթադրենք ցանկանում եք շաբաթը երեք անգամ մարզվելը սովորություն դարձնել։

  • Առաջին շաբաթը կարողանում եք երեք անգամ մարզվել։

  • Երկրորդ շաբաթվա մեջ միայն երկու անգամ եք մարզվում։

  • Երրորդ շաբաթը կրկին հասնում եք ձեր նպատակին։

  • Չորրորդ շաբաթվա մեջ հազիվ մեկ անգամ եք հասցնում մարզվել։

  • Հինգերորդ շաբաթը կրկին հասնում եք ձեր նպատակին, և այդուհետ ձեզ հաջողվում է կանոնավորաբար շաբաթը երեք անգամ մարզվել։

Փաստորեն, նոր սովորությունը արմատավորելու համար հինգ շաբաթ պահանջվեց։ Գուցե թվա, թե դա շատ երկար ժամանակ է, բայց ձեր դրած նպատակին հասնելով՝ ուրախ ու գոհ կլինեք, քանի որ կարողացել եք լավ սովորություն զարգացնել։

ԱՍՏՎԱԾԱՇՆՉՅԱՆ ՍԿԶԲՈՒՆՔ։ «Եթե արդարը նույնիսկ յոթ անգամ ընկնի, վեր կկենա» (Առակներ 24։16

Աստվածաշունչը հորդորում է հաստատակամ լինել։ Վերջին հաշվով՝ կարևոր չէ, թե քանի անգամ կսայթաքեք, կարևորն այն է, որ կրկին ոտքի կանգնեք։

Վերջին հաշվով՝ կարևոր չէ, թե քանի անգամ կսայթաքեք, կարևորն այն է, որ կրկին ոտքի կանգնեք

ԻՆՉ ԿԱՐՈՂ ԵՔ ԱՆԵԼ

  • Մի մտածեք, որ եթե մեկ անգամ չհաջողվեց հասնել նպատակին, ուրեմն այլևս չի հաջողվի։ Հիշեք, որ նպատակին հասնելու ճանապարհին սայթաքումներ լինում են։

  • Կենտրոնացեք այն պահերի վրա, երբ ձեզ հաջողվել է հասնել ձեր նպատակին։ Օրինակ՝ եթե ցանկանում եք ավելի լավ հաղորդակցվել ձեր երեխաների հետ, հարցրեք ինքներդ ձեզ. «Վերջին անգամ ե՞րբ է եղել, որ ուզեցել եմ բղավել երեխաներիս վրա, բայց չեմ բղավել։ Ի՞նչ եմ արել այդ ժամանակ։ Ի՞նչ քայլեր կարող եմ ձեռնարկել, որ մյուս անգամ էլ այդպես վարվեմ»։ Նման հարցերը կարող են օգնել, որ հաջողության հասնեք, ոչ թե շարունակ մտածեք ձախողումների մասին։

Ցանկանո՞ւմ եք իմանալ, թե աստվածաշնչյան սկզբունքներն ինչպես կարող են օգնել ձեզ նաև կյանքի այլ բնագավառներում. օրինակ՝ ո՞ր սկզբունքները կարող են օգնել հաղթահարել անհանգստությունը, երջանիկ ընտանեկան կյանք ունենալ և գտնել իսկական երջանկություն։ Այս ամենի մասին իմանալու համար կարող եք խոսել Եհովայի վկաներից մեկի հետ կամ այցելել մեր վեբ կայք՝ jw.org։

Իմացիր ավելին

Ինչո՞վ են օգտակար Աստվածաշնչի սկզբունքները

Հիսուսն ասաց, թե ինչու մենք առաջնորդության կարիք ունենք և որ երկու սկզբունքները առաջնային կարևորություն ունեն։