2025 թ. սեպտեմբերի 25-ին «Բուալոյ» a թայֆունը հարվածեց Ֆիլիպինների արևելյան Սամար նահանգին։ Փոթորիկը իր հետ բերեց ոչ միայն հորդառատ անձրևներ, այլև ավելի քան 165 կմ/ժ (103 մղոն/ժամ) արագության քամու պոռթկումներ։ Այդ ամենը հանգեցրեց անսպասելի հեղեղումների ու սողանքների։ Ավերվեցին շատ տներ ու ճանապարհներ։ Պաշտոնական տվյալներով շուրջ 2,1 միլիոն մարդ է տուժել այս աղետից։ Ցավոք, 13 մարդ զոհվել է։

Տուժած հավատակիցներ և վնասներ

• Մեր եղբայրներից ու քույրերից ոչ ոք չի զոհվել և վնասվածքներ չի ստացել։

• 142 քարոզիչներ ստիպված են եղել լքել իրենց տները։

• 53 տուն ավերվել է։

• 104 տուն լրջորեն վնասվել է։

• 187 տուն թեթևակի է վնասվել։

• 1 Թագավորության սրահ լրջորեն վնասվել է։

• 7 Թագավորության սրահ թեթևակի է վնասվել։

Օգնություն աղետից տուժածներին

• Հոգևորապես քաջալերելուց ու մխիթարելուց բացի՝ շրջանային վերակացուները և տեղի երեցները գործնական օգնություն են տրամադրում տուժածներին։

• Աղետից տուժածներին օգնելու 3 կոմիտե է կազմավորվել հումանիտար աշխատանքները կոորդինացնելու նպատակով։

Վստահ ենք, որ այս դժվար ժամանակներում Եհովան կշարունակի զորացնել Ֆիլիպիններում աղետից տուժած մեր հավատակիցներին (Փիլիպպեցիներ 4։13)։