2025 թ. օգոստոսի 8-ից սկսած՝ Ճապոնիայի հարավում գտնվող Կյուսյու կղզում, չորս օր անընդմեջ աննախադեպ հորդառատ անձրևներ գրանցվեցին։ Քաղաքներից մեկում ընդամենը 6 ժամվա ընթացքում տեղումների քանակը հասավ 37 սմ (15 դյույմ)։ Մի քանի տարածքներում ջրհեղեղներից բացի, նաև սողանքներ եղան, որոնք ամբողջությամբ ավերեցին տներ, ճանապարհներ և գյուղատնտեսական տարածքներ։ Վտանգավոր իրավիճակի պատճառով իշխանությունները մի քանի միլիոն բնակիչների տարհանման հրահանգ տվեցին։ Զոհվել է առնվազն 8 մարդ։

Տուժած հավատակիցներ և վնասներ

• Ցավոք, 71-ամյա մի քույր և նրա ամուսինը մահացել են։

• 1 քարոզիչ վնասվածքներ է ստացել։

• 22 քարոզիչներ ստիպված են եղել լքել իրենց տները։

• 13 տուն լրջորեն վնասվել է։

• 87 տուն թեթևակի է վնասվել։

• 1 Թագավորության սրահ թեթևակի է վնասվել։

Օգնություն՝ աղետից տուժածներին

• Հոգևորապես քաջալերելուց ու մխիթարելուց բացի՝ շրջանային վերակացուները և տեղի երեցները գործնական օգնություն են տրամադրում աղետից տուժածներին։

Խորապես ցավում ենք, որ այս աղետը կյանքեր է խլել։ Բայց վստահ ենք, որ Եհովան կշարունակի «դիմանալու ուժ և մխիթարություն» տալ բոլոր նրանց, ովքեր տուժել են այդ հզոր փոթորիկներից (Հռոմեացիներ 15։5)։