2025 թ. մարտի 28-ին 7,7 մագնիտուդով ուժգնությամբ երկրաշարժ տեղի ունեցավ Մյանմայի կենտրոնական շրջաններում։ Երկրաշարժը և դրան հաջորդած մի քանի ուժգին հետցնցումները լրջորեն վնասեցին Մանդալայ քաղաքի և դրա շրջակայքի կամուրջները, շինությունները և ճանապարհները։ Ըստ երկրից ստացված տվյալների՝ ավելի քան 3 400 մարդ վնասվածքներ է ստացել, ավելի քան 1 700-ը զոհվել է, և մոտ 300-ը համարվում է անհետ կորած։

Իսկ ավելի քան 1 300 կմ (808 մղոն) հեռավորության վրա գտնվող Բանգկոկ քաղաքում (Թաիլանդ) այս նույն ուժգին երկրաշարժը մեկ բարձրահարկ շենքի փլուզման պատճառ է դարձել։ Զոհվել է 18 մարդ, 33-ը վնասվածքներ է ստացել, և ավելի քան 75-ը անհետ կորել է։

Տուժած հավատակիցներ և վնասներ

Մյանմա

• Ցավոք մի ամուսնական զույգ զոհվել է։

• 9 քարոզիչ վնասվածքներ է ստացել։

• 142 քարոզիչներ ստիպված են եղել լքել իրենց տները։

• 46 տուն ավերվել է։

• 25 տուն լրջորեն վնասվել է։

• 52 տուն թեթևակի է վնասվել։

• 2 Թագավորության սրահ լրջորեն վնասվել է։

• 4 Թագավորության սրահ թեթևակի է վնասվել։

Թաիլանդ

• Մեր եղբայրներից ու քույրերից ոչ ոք չի զոհվել։

• 2 քարոզիչ վնասվածքներ է ստացել։

• 52 քարոզիչներ ստիպված են եղել լքել իրենց տները։

• 4 տուն լրջորեն վնասվել է։

• 69 տուն թեթևակի է վնասվել։

• 8 Թագավորության սրահ թեթևակի վնասվել է։

Օգնություն՝ աղետից տուժածներին

• Հոգևորապես քաջալերելուց ու մխիթարելուց բացի՝ շրջանային վերակացուները և տեղի երեցները գործնական օգնություն են տրամադրում երկրաշարժից տուժածներին։

• Մյանմայում աղետից տուժածներին օգնելու 1 կոմիտե է կազմավորվել հումանիտար աշխատանքները կոորդինացնելու նպատակով։

Ցավում ենք, որ այս երկրաշարժը կյանքեր է խլել և ավերածություններ պատճառել։ Աստծու խոստումների հանդեպ ամուր հավատով լցված՝ մենք անձկագին սպասում ենք այն օրվան, երբ «լացի ձայն և ողբագին աղաղակ այլևս չի լսվի» (Եսայիա 65։19):