Մատչելիության կարգավորում

Ընտրել լեզուն

Անցնել երկրորդական մենյուին

Անցնել բովանդակությանը

Եհովայի վկաներ

Հայերեն

Ի՞նչ է Աստվածաշնչի ուսումնասիրությունը

Ի՞նչ է Աստվածաշնչի ուսումնասիրությունը

Եհովայի վկաները առաջարկում են Աստվածաշունչ ուսումնասիրել մի ծրագրով, որի շնորհիվ կարող եք գտել մի շարք հարցերի պատասխաններ, որոնցից են՝

  • Ո՞վ է Աստված։

  • Աստված իսկապե՞ս մտածում է իմ մասին։

  • Ինչպե՞ս բարելավեմ ամուսնական կյանքս։

  • Ինչպե՞ս երջանիկ լինեմ կյանքում։

Ստորև բերված են Աստվածաշնչի ուսումնասիրության ծրագրի վերաբերյալ հաճախ տրվող հարցերի պատասխանները։

Ի՞նչ կերպով է անցկացվում ուսումնասիրությունը։ Մենք ընտրում ենք մի թեմա, օրինակ՝ «Աստված» կամ «ամուսնություն», և քննում ենք մի շարք աստվածաշնչյան համարներ, որոնք տարբեր կողմերից լուսաբանում են այն։ Համեմատելով դրանք՝ մենք ամբողջական պատկերացում ենք ձեռք բերում, թե ինչ է հայտնում Աստվածաշունչը այդ թեմայի վերաբերյալ։ Այսպես մենք ասես թույլ ենք տալիս, որ Աստվածաշունչը բացատրի ինքն իրեն։

Աստվածաշունչը ուսումնասիրելու համար մենք օգտագործում ենք «Ի՞նչ է սովորեցնում Աստվածաշունչը իրականում» գիրքը։ Գրքում պարզ կերպով ներկայացվում են տարբեր թեմաներ, որոնց թվում են նաև՝ ինչ է Աստվածաշունչն ասում Աստծու, Հիսուսի և մեր ապագայի վերաբերյալ։

Ի՞նչ արժե Աստվածաշնչի ուսումնասիրությունը։ Ուսումնասիրությունը, ինչպես նաև դրա համար տրամադրվող հրատարակությունները անվճար են։

Որքա՞ն է տևում ուսումնասիրության մեկ հանդիպումը։ Շատերը մեզ հետ միասին Աստվածաշունչ ուսումնասիրելու համար շաբաթական տրամադրում են մոտ մեկ ժամ կամ ավելի։ Ուսումնասիրության տևողությունը կարող է լինել փոփոխական։ Մենք սիրով կհարմարեցնենք այն ձեր գրաֆիկին։

Ի՞նչ է լինում, երբ ես տեղեկացնում եմ ձեզ, որ ցանկանում եմ Աստվածաշունչ ուսումնասիրել։ Երբ դուք տեղեկացնում եք մեզ, որ ուզում եք Աստվածաշունչ ուսումնասիրել, Եհովայի վկաներից մեկը հանդիպում է ձեզ հետ երբ և որտեղ ցանկանում եք։ Նախ նա մի քանի րոպե ներկայացնում է, թե ինչպես է տեղի ունենում ուսումնասիրությունը, ու եթե ցանկանում եք, շարունակում եք ուսումնասիրությունը։

Եթե ես ուսումնասիրեմ Աստվածաշունչը, ստիպված պետք է Եհովայի վկա դառնա՞մ։ Ոչ։ Մենք՝ Եհովայի վկաներս, մարդկանց սիրով սովորեցնում ենք Աստվածաշնչի մասին։ Մենք երբեք որևէ մեկին չենք ստիպում դառնալ մեր կրոնի անդամ։ Ընդհակառակը՝ մենք հարգալից կերպով ներկայացնում ենք, թե ինչ է ասվում Աստվածաշնչում՝ միաժամանակ հասկանալով, որ յուրաքանչյուր ոք իրավունք ունի ընտրելու իր հավատը (1 Պետրոս 3:15

 

Իմացիր ավելին

Ինչո՞ւ արժե ուսումնասիրել Աստվածաշունչը

Աստվածաշունչ ուսումնասիրելով միլիոնավոր մարդիկ գտնում են կյանքի կարևոր հարցերի պատասխանները։ Կուզե՞ս միանալ նրանց։

Ինչպես է անցկացվում Աստվածաշնչի ուսումնասիրությունը

Ամբողջ աշխարհում Եհովայի վկաները հայտնի են նրանով, որ Աստվածաշնչի անվճար ուսումնասիրություն են առաջարկում մարդկանց։ Իմացիր, թե ինչպես է այն անցկացվում։

Աստվածաշնչի անվճար ուսումնասիրություն

Աստվածաշնչյան անվճար դասընթացներ ձեզ հարմար վայրում և հարմար ժամին։