Պողպատե պրոֆիլներով պատրաստում են C բնակելի շենքի տանիքի հիմնակմախքը։

Տեսարան դեպի հյուսիս՝ Սթերլինգ Ֆորիսթ լճի (Կապույտ լիճ) ուղղությամբ։ Շինհրապարակում միաժամանակ աշխատում է 13 կռունկ։ B բնակելի շենքի բետոնե հիմքը գցելու աշխատանքները ավարտին են մոտենում։

Պողպատե անկյունակներն ու շվելերները պատրաստ են տեղադրման համար։ Վարչական գրասենյակների և սպասարկման բաժինների համար այս մետաղական նախագիծը հնարավորություն կտա ապահովել հարկերի ընդհանուր լայնարձակ մակերես, իսկ շինարարությունը արագ կավարտվի։

Հավաքում են տանիքի հիմնակմախքի համար պատրաստի սյուները, ամրացնում են մետաղական ծալքաթիթեղները և պատում անջրանցիկ թաղանթով։ Այս երկկողմանի տանիքի հատվածը տեղադրվելու է C բնակելի շենքի վրա։ Հետևում պատրաստվում է տանիքի միակողմանի հատված։

Շինարարները տեղադրում են պողպատե շվելերները շենքի հարավարևմտյան հատվածում։ Շենքի այս մասում լինելու է խոհանոցը, ճաշարանը, լվացքատունը և սպասարկման այլ բաժիններ։

Շինարարը, որը զբաղվում է ջրահեռացման համակարգի աշխատանքներով, վերցնում է իրեն մեկնած խոզանակը։

Այս պատը կառուցվել էր որպես ցուցանմուշ նոր ժամանած որմնադիրների համար, թե ինչպես է հարկավոր աղյուսները շարել, ինչ գույն շաղախ օգտագործել և ինչ մեթոդով միացնել դրանք։ Այն արդեն ծառայել է իր նպատակին և հիմա քանդվում է։

Միակողմանի տանիքի հատվածը տեղադրվում է շենքի վրա։ Բնակելի շենքերի երկու կողմից եռանկյունաձև տանիքները կգեղեցկացնեն դրանց տեսքը հեռվից։

95 տոննա տարողության այս վառելանյութի ցիստեռնը իջեցվում է ներքև։ Այս ցիստեռների մեջ պահվելու է կաթսայատան համար վառելիքը։

Նկարի աջ անկյունում երևում է Կապույտ լճից մի հատված։ Տարբեր գունային գամմայի շինանյութերի օգնությամբ ընդգծվում են շենքերի արտաքին առանձնահատկությունները։

Ջրմուղագործ ամուսնական զույգը տեղադրում է կոյուղու խողովակները նախքան հատակը կսալապատվի։

Մաքրում են տանիքին նստած ձյունը։

Մեկ այլ ամուսնական զույգ ստուգում է խողովակատարների սխեման։

Էքսկավատորները և շաղախի մեքենաները աշխատում են նույնիսկ ձյան եղանակին։ Նկարի վերևի ձախ անկյունում գրասենյակների և սպասարկման բաժինների շենքի որոշ հատվածներ են, որոնք ծածկված են անջրանցիկ բրեզենտով, որպեսզի ջերմաստիճանը կայուն պահվի և ձմռանն էլ շարունակվի բետոնապատման աշխատանքները։

Աշխատողները ջրամեկուսիչ նյութով են պատում բետոնե պատերը, նախքան կտեղադրվեն արտաքին պանելները։

Արևելյան կողմից երևացող ընդհանուր պատկերը։ Նկարի վերին հատվածում բնակելի շենքերն են։ Մեջտեղի սպիտակ մեծ շենքը գրասենյակների և սպասարկման բաժինների շենքն է։ Շինարարությունը իրականացվում է ձեռքբերված մոտ 100 հեկտար տարածքի 20 տոկոսից էլ պակաս տարածքում, ինչի շնորհիվ շրջակա անտառը մնում է անաղարտ։

Տեսարանը արևմուտքից։ Նկարի ներքևում երևում են C և D բնակելի շենքերը։ C շենքի տանիքին շինարարները արդեն տեղադրել են մետաղյա ծածկը, և աշխատանքները ավարտման փուլում են։

Ատաղձագործը շարում է լամինատե մանրահատակ։ Առանձնացվել են հատակի, սալիկների, պատերի, կարպետի և խոհանոցային հարթակի գունային չորս տարբեր համադրություններ։ Դրանց համապատասխան չորս սենյակներ են պատրաստվում որպես մոդել, որպեսզի ապագա բնակիչները կարողանան ընտրություն անել։

Բետոնը հարթեցվում է ձեռքով՝ հատակի ջրահեռացման անցքի համար համապատասխան թեքություն ապահովելու համար։

77-ամյա վարպետը տեղադրում է բազմաճյուղ օպտիկաթելային մալուխ։ Նախագծի ընթացքում մոտ 32 կիլոմետր նման հաղորդալար կանցկացվի այս համալիր շինությունում։