2 Թեսաղոնիկեցիներ 3։1-18
3 Այսպիսով, եղբայրնե՛ր, միշտ աղոթեք մեզ համար,+ որ Եհովայի* խոսքը շարունակի արագորեն տարածվել+ և պատվով ընդունվել, ինչպես որ դուք եք պատվով ընդունել:
2 Նաև աղոթեք, որ Աստված փրկի մեզ վտանգավոր ու չար մարդկանցից,+ որովհետև բոլորը չէ, որ հավատ ունեն:+
3 Բայց Տերը հավատարիմ է իր խոսքին. նա կզորացնի ձեզ ու կպաշտպանի Չարից:
4 Որպես Տիրոջ հետևորդներ՝ մենք վստահում ենք ձեզ և գիտենք, որ դուք անում եք ու կանեք այն ամենը, ինչ մենք պատվիրում ենք:
5 Թող Տերը շարունակի ձեր սրտերին ճիշտ ուղղություն տալ, այն է՝ որ սեր ունենաք Աստծու հանդեպ+ և Քրիստոսին հետևելու համար դիմացկունություն դրսևորեք:+
6 Եղբայրնե՛ր, Տեր Հիսուս Քրիստոսի անունով ձեզ նաև պատվիրում ենք հեռու մնալ ամեն եղբորից, ով կարգազանց*+ է և չի հետևում այն ամենին,* ինչ սովորեցիք* մեզնից:+
7 Դուք գիտեք, թե մեր օրինակին հետևելով՝+ ինչպես պետք է վարվեք: Մենք անպատշաճ* վարմունք չենք ունեցել ձեզ մոտ եղած ժամանակ
8 և ձրիակեր չենք եղել,+ այլ օր ու գիշեր քրտնաջան աշխատել ենք, որպեսզի ձեզնից ոչ մեկի համար բեռ չլինենք:+
9 Պատճառն այն չէ, որ իրավունք չունենք+ ձեզնից մի բան խնդրելու, այլ ուզել ենք օրինակ թողնել, որ նմանվեք մեզ:+
10 Ձեզ մոտ եղած ժամանակ միշտ պատվիրել ենք. «Եթե որևէ մեկը չի ուզում աշխատել, թող ոչ էլ ուտի»:+
11 Բայց մեզ լուրեր են հասնում, որ ձեզնից ոմանք կարգազանց են,+ ընդհանրապես չեն աշխատում և խառնվում են իրենց չվերաբերող գործերին:+
12 Այսպիսիներին Տեր Հիսուս Քրիստոսի անունով պատվիրում և հորդորում ենք, որ իրենց գործով զբաղվեն և իրենց վաստակած հացն ուտեն:+
13 Ինչ վերաբերում է մյուսներիդ, եղբայրնե՛ր, մի՛ հանձնվեք, շարունակեք ճիշտն անել:
14 Իսկ եթե որևէ մեկը չհնազանդվի այս նամակում մեր տված հրահանգներին, աչքի տակ առեք նրան ու այլևս մի՛ ընկերակցեք նրա հետ,+ որ ամաչի:
15 Սակայն թշնամի մի՛ համարեք նրան, այլ շարունակեք խորհուրդ տալ՝+ որպես ձեր եղբոր:
16 Թող խաղաղություն պարգևող* Տերը ձեզ միշտ խաղաղություն տա ամեն ինչում:+ Թող Տերը բոլորիդ հետ լինի:
17 Այս ողջույնը ես՝ Պողոսս, գրում եմ իմ ձեռքով.+ այս ձեռագրից կարող եք ճանաչել իմ բոլոր նամակները:
18 Թող մեր Տեր Հիսուս Քրիստոսը իր անզուգական բարությունը դրսևորի ձեր բոլորի հանդեպ:
Ծանոթագրություններ
^ Տես հավելված Ա5:
^ Սա կարող է վերաբերել նրան, ով անհնազանդ է, չի ենթարկվում կարգուկանոնին և էապես շեղվել է քրիստոնեական չափանիշներից:
^ Կամ՝ «ուսուցմանը», «առաջնորդությանը»: Բռց.՝ «ավանդույթին»:
^ Կամ հնարավոր է՝ «նրանք սովորեցին»:
^ Բռց.՝ «կարգազանց»:
^ Բռց.՝ «խաղաղության»:
