Սոփոնիա 1։1-18
1 Հուդայի թագավորի՝ Ամոնի+ որդի Հովսիայի+ օրերում Եհովան իր խոսքը հայտնեց Եզեկիայի որդի Ամարիայի որդի Գոդողիայի որդի Քուսիի որդի Սոփոնիային.*
2 «Ես երկրի երեսից ամեն ինչ ամբողջությամբ կբնաջնջեմ,– ասում է Եհովան:+–
3 Կվերացնեմ մարդուն և անասունին,Երկնքի թռչուններին և ծովի ձկներին,+Նաև գայթակղության քարերը*+ չարագործների հետ միասին:
Երկրի երեսից կբնաջնջեմ մարդկանց,– ասում է Եհովան:–
4 Ես ձեռքս կուղղեմ Հուդայի և Երուսաղեմի բոլոր բնակիչների դեմ,Այս վայրից կջնջեմ Բահաղի բոլոր հետքերը+Եվ քրմերի անունը քահանաների հետ մեկտեղ,+
5 Նաև կկործանեմ նրանց, ովքեր կտուրների վրա խոնարհվում են երկնքի զորքի առաջ,+Նրանց, ովքեր խոնարհվում են Եհովայի առաջ և հավատարմության երդում են տալիս նրան,+Բայց միևնույն ժամանակ նաև Մեղքոմին են հավատարմության երդում տալիս,+
6 Նրանց, ովքեր երես են թեքում Եհովայից,+Ովքեր չեն փնտրում Եհովայի առաջնորդությունը և խորհուրդ չեն հարցնում նրանից»:+
7 Լռե՛ք Գերիշխան Տեր Եհովայի առաջ, որովհետև մոտ է Եհովայի օրը:+
Եհովան զոհ է պատրաստել, սրբագործել* է նրանց, ում հրավիրել է:
8 «Այն օրը, երբ ես՝ Եհովաս, զոհաբերություն անեմ,Հաշվեհարդար կտեսնեմ իշխանների, թագավորի որդիների+ և բոլոր նրանց հետ,Ովքեր օտարականի հագուստ են կրում:
9 Այդ օրը ես հաշվեհարդար կտեսնեմ բոլոր նրանց հետ, ովքեր բարձրանում են հարթակի* վրա,Ովքեր իրենց տիրոջ տունը լցնում են բռնությամբ ու խաբեությամբ:
10 Այդ օրը,– ասում է Եհովան,–Ձկների դարպասի+ մոտից աղաղակ կլսվի,Քաղաքի նոր հատվածից՝+ ողբ,Եվ բլուրներից՝ ուժգին թնդյուն:
11 Ողբացե՛ք, ո՛վ Մաքթեսի* բնակիչներ,Որովհետև բոլոր առևտրականները բնաջնջվել են,*Բոլոր արծաթ կշռողները կործանվել են:
12 Այդ ժամանակ ես ճրագներ կվերցնեմ ու կխուզարկեմ ԵրուսաղեմըԵվ հաշվեհարդար կտեսնեմ ինքնագոհ մարդկանց հետ,*Ովքեր իրենց սրտում ասում են. «Եհովան ո՛չ բարիք կանի, ո՛չ չարիք»:+
13 Նրանց հարստությունը կթալանվի, և տները կավերվեն:+
Նրանք տներ կշինեն, բայց դրանցում չեն բնակվի,Խաղողի այգիներ կտնկեն, բայց դրանց գինին չեն խմի:+
14 Մոտ է Եհովայի մեծ օրը,+Մոտ է և շտապելով գալիս է:+
Եհովայի օրվա ձայնը դառնալից է:+
Ռազմիկը կաղաղակի այդ օրը:+
15 Ցասման օր կլինի այդ օրը,+Նեղության ու տառապանքի օր,+Փոթորկի ու ավերման օր,Մթության ու խավարի օր,+Ամպերի ու թանձր խավարի օր,+
16 Եղջերափող փչելուԵվ ամրացված քաղաքների ու բարձր աշտարակների* դեմ+Պատերազմի կոչ անելու օր:+
17 Ես նեղության մեջ կգցեմ մարդկանց,Եվ նրանք կույրի պես ման կգան,+Որովհետև Եհովայի դեմ են մեղք գործել:+
Նրանց արյունը ոտքի տակի փոշու պես կլինի,Իսկ մարմինը՝* գոմաղբի պես:+
18 Ո՛չ նրանց արծաթը, ո՛չ էլ ոսկին չեն կարողանա փրկել նրանց Եհովայի ցասման օրը:+
Իմ նախանձախնդրության կրակը կսպառի ողջ երկիրը,+Որովհետև կործանում՝ սարսափելի կործանում կբերեմ երկրի բոլոր բնակիչների վրա»:+
Ծանոթագրություններ
^ Նշանակում է «Եհովան ծածկել է (փայփայել է)»:
^ Ակներևաբար, խոսքը կռապաշտությանն առնչվող առարկաների կամ գործերի մասին է:
^ Բառարանում տես «Սրբագործել»:
^ Կամ՝ «շեմքի»: Հավանաբար վերաբերում է թագավորական գահի պատվանդանին:
^ Բռց.՝ «լռության են մատնվել»:
^ Ըստ ամենայնի, դա մի թաղամաս էր Երուսաղեմում, որը գտնվում էր Ձկների դարպասի մոտ:
^ Կամ՝ «նրանց հետ, ովքեր նման են գինու տակառի հատակին նստած մրուրի»:
^ Կամ՝ «բարձր անկյունային աշտարակների»:
^ Բռց.՝ «աղիքները»:
