Սաղմոսներ 97։1-12
97 Թագավոր է դարձել Եհովան.+
Թող երկիրը ցնծա,+Թող բազում կղզիներն ուրախանան:+
2 Ամպերով ու թանձր խավարով է նա պարուրված,+Արդարության ու արդարադատության վրա է նրա գահը հիմնված:+
3 Նրա առջևից կրակ է բոցկլտում+Եվ նրան շրջապատող թշնամիներին լափում:+
4 Նրա կայծակի շիթերը երկիրը լուսավորում են,Այդ տեսարանից երկիրը ցնցվում է:+
5 Լեռները մոմի պես հալվում են Եհովայի առաջ՝+Ողջ երկրի Տիրոջ առաջ:
6 Երկինքը պատմում է նրա արդարության մասին,Բոլոր ժողովուրդները ականատես են լինում նրա փառքին:+
7 Թող ամոթով մնան բոլոր կուռք պաշտողները՝+Իրենց փուչ աստվածներով պարծեցողները:+
Խոնարհվեք նրա առաջ,* բոլո՛ր աստվածներ:+
8 Լսելով քո դատավճիռները, Եհո՛վա,Հուդայի քաղաքները* ցնծում են,+Սիոնը ուրախանում է:+
9 Չէ՞ որ դու, ո՛վ Եհովա, ամբողջ երկրին տիրող Բարձրյալն ես,Մյուս բոլոր աստվածներից անսահման բարձր ես:+
10 Եհովայի՛ն սիրողներ, ատեք այն, ինչ չար է:+
Իրեն նվիրվածների կյանքը նա պահպանում է,+Անօրենների ձեռքից նրանց ազատում է:+
11 Լույս է շողում արդարների համար,+Ուրախություն է մաքուր սիրտ ունեցողների համար:
12 Ո՛վ արդարներ, Եհովայով ուրախացեք,Նրա սուրբ անունը փառաբանեք:
