Սաղմոսներ 73։1-28
Ասափի+ երգը:
73 Աստված իսկապես բարի է Իսրայելի հանդեպ,Մաքուր սիրտ ունեցողների հանդեպ:+
2 Մինչդեռ ես ճիշտ ուղուց գրեթե շեղվել էի,Քիչ էր մնում՝ ոտքերս սայթաքեին,+
3 Որովհետև անօրենների խաղաղությունը տեսնելով՝Այդ գոռոզների հանդեպ լցվել էի նախանձով:+
4 Նրանց մարմինն առողջ է,*Եվ նրանց մահն անգամ անցավ է:+
5 Նրանք մյուս մարդկանց պես նեղություն չեն քաշում,+Ուրիշների պես չեն տառապում:+
6 Դրա համար էլ գոռոզությունը նրանց վզնոցն է դարձել,+Եվ իբրև հագուստ բռնություն են հագել:
7 Գիրությունից* նրանց աչքերը դուրս են պրծել,Այնպիսի հաջողության են հասել, որ չէին էլ երազել:
8 Նրանք ծաղրում են և չար բաներ ասում,+Մեծամտաբար կեղեքումներով են սպառնում:+
9 Այնպես են պարծենում, ասես երկնքի պես բարձր են,Երկրի վրա շրջում ու մեծ-մեծ խոսում են:
10 Դրա համար Աստծու* ժողովուրդը նրանց կողմն է շրջվում,Նրանց առատ ջրերից է խմում:
11 Նրանք ասում են. «Աստված ի՞նչ գիտի:+
Մի՞թե Բարձրյալն իսկապես տեղյակ է»:
12 Ահա այսպիսին են անօրենները,Միշտ էլ հեշտ է նրանց կյանքը,+Նրանք շարունակ ավելացնում են իրենց հարստությունը:+
13 Փաստորեն, իզուր եմ իմ սիրտը մաքուր պահել,Ձեռքերս լվացել՝ անմեղությունս փաստել,+
14 Օրնիբուն տառապանք եմ կրել,+Ամեն առավոտ խրատվել:+
15 Բայց եթե իմ այս մտքերը բարձրաձայնեի,Քո ժողովրդի հանդեպ նենգաբար վարված կլինեի:
16 Ես փորձում էի հասկանալ այդ ամենըԵվ դրա պատճառով կորցրել էի մտքիս անդորրը,
17 Մինչև որ Աստծու վեհապանծ սրբարանը մտաԵվ նրանց ապագան իմացա:
18 Իրոք որ, դու նրանց սայթաքուն տեղ ես կանգնեցրել,+Որ ընկնեն ու կործանվեն:+
19 Այնքա՜ն հանկարծակի են նրանք ոչնչանալու,+Այնքա՜ն անսպասելի է նրանց ահազդու վերջը գալու:
20 Ո՛վ Եհովա, ինչպես երազն է չքանում, երբ մարդ արթնանում է,Այնպես էլ դու նրանց պատկերը կջնջես,* երբ գործի անցնես:
21 Սիրտս դառնացած էր,+Եվ հոգուս խորքում* սուր ցավ էի զգում:
22 Ես անխոհեմ էի ու չէի հասկանում,Բանականություն չունեցող կենդանու պես էի քո աչքում:
23 Բայց հիմա միշտ քեզ եմ վստահում,Իմ աջ ձեռքից բռնել ես դու:+
24 Քո խորհրդով ինձ առաջնորդում ես,+Իսկ հետո ինձ փառքի կարժանացնես:+
25 Էլ ո՞վ ունեմ երկնքում:
Եվ քանի դեռ դու կաս իմ կյանքում,Ես այս երկրի վրա ուրիշ ոչինչ չեմ ցանկանում:+
26 Թե սիրտս ու մարմինս տկարանան,Աստված ժայռ է իմ սրտի համար և իմ բաժինն է հավիտյան:+
27 Ովքեր հեռու են մնում քեզնից, կկործանվեն,Դու կվերացնես* բոլոր նրանց, ովքեր դավաճանաբար թողնում են քեզ:*+
28 Իսկ ինձ համար լավ է Աստծուն մոտենալը:+
Գերիշխան Տեր Եհովային դարձրել եմ իմ ապաստանըԵվ հռչակում եմ նրա բոլոր գործերը:+
Ծանոթագրություններ
^ Կամ՝ «Նրանց փորը ճարպակալած է»:
^ Կամ՝ «Բարեկեցությունից»:
^ Բռց.՝ «նրա»:
^ Բռց.՝ «կարհամարհես»:
^ Բռց.՝ «երիկամներումս»:
^ Բռց.՝ «կլռեցնես»:
^ Կամ՝ «անբարոյականություն են գործում՝ թողնելով քեզ»:
