Սաղմոսներ 61։1-8
-
Աստված թշնամիներից պաշտպանող ամուր աշտարակ է
-
«Ես առհավետ քո վրանում կհյուրընկալվեմ» (4)
-
Նվագավարին. կատարումը՝ լարային գործիքների նվագակցությամբ: Դավթի երգը:
61 Ո՛վ Աստված, օգնության աղաղակս լսիր,Իմ աղոթքին ականջ դիր:+
2 Երկրի ծայրերում էլ լինեմ, ես քեզ կկանչեմ,Երբ որ վհատվեմ:+
Հանիր ինձ բարձր ժայռի վրա, ուր ես չեմ կարող հասնել,+
3 Որովհետև դու իմ ապաստանն ես,Թշնամուցս ինձ պաշտպանող ամուր աշտարակ ես:+
4 Ես առհավետ քո վրանում կհյուրընկալվեմ,+Քո թևերի տակ կպատսպարվեմ:+ (Սելա)
5 Ո՛վ Աստված, դու լսեցիր իմ երդումները:
Դու տվեցիր ինձ այն ժառանգությունը,Որ ստանում են քո անունը պատվողները:+
6 Դու թագավորի կյանքը կերկարացնես,+Եվ նա կապրի սերնդից սերունդ՝ երկար տարիներ:
7 Քո առաջ, ո՛վ Աստված, նա գահակալ կլինի* հավիտյան,+Քո սիրով* ու հավատարմությամբ պաշտպանիր նրան:+
8 Այդժամ ես դարեդար կգովերգեմ* քո անունը,+Ամեն օր կկատարեմ իմ երդումները:+
Ծանոթագրություններ
^ Կամ՝ «կապրի»:
^ Բառարանում տես «Հավատարիմ սեր»:
^ Կամ՝ «նվագակցությամբ կգովերգեմ»:
