Սաղմոսներ 145։1-21
Գովաբանության երգ: Դավթի երգը:
א [Ալեֆ]*
145 Կմեծարեմ քեզ, ո՛վ իմ Աստված, իմ Թագավո՛ր,+Քո անունը կգովերգեմ հավիտյան, դարեդար:+
ב [Բեթ]
2 Ամբողջ օրը քեզ փառք կտամ,+Քո անունը կգովերգեմ հավիտյան, դարեդար:+
ג [Գիմել]
3 Մեծ է Եհովան և արժանի ամենայն գովաբանության,+Չենք կարող ըմբռնել չափը նրա մեծության:+
ד [Դալեթ]
4 Սերնդեսերունդ մարդիկ քո արածները կգովաբանեն,Քո զորավոր գործերի մասին կպատմեն:+
ה [Հե]
5 Նրանք քո մեծափառ վայելչության մասին կխոսեն,+Եվ ես քո զարմանահրաշ գործերի շուրջ կխորհրդածեմ:
ו [Վավ]
6 Նրանք ակնածանք ներշնչող գործերիդ* մասին կխոսեն,Եվ ես քո մեծության մասին կհռչակեմ:
ז [Զային]
7 Նրանք քո անսահման բարության շուրջ կխորհեն,Եվ նրանց բերանից գովաբանության խոսքեր կբխեն:+
Քո արդարության մասին ցնծությամբ կերգեն:+
ח [Խեթ]
8 Եհովան կարեկից ու գթառատ է,+Շուտ չի բարկանում և հավատարիմ սիրով լի է:+
ט [Տեթ]
9 Եհովան բոլորին բարությամբ* է վերաբերվում,+Նրա գթասրտությունը ակներև է իր բոլոր գործերում:
י [Յոդ]
10 Ո՛վ Եհովա, քո բոլոր գործերը քեզ փառք կբերեն,+Քեզ նվիրվածները քո գովքը կերգեն:+
כ [Կաֆ]
11 Քո թագավորության փառքի մասին կհռչակեն+Եվ քո հզորության մասին կխոսեն,+
ל [Լամեդ]
12 Որ մարդկանց հայտնի դարձնեն քո հզոր գործերը+Եվ քո թագավորության վեհաշուք փառքը:+
מ [Մեմ]
13 Հավերժական թագավորություն է քո թագավորությունը,Սերնդեսերունդ շարունակվում է քո իշխանությունը:+
ס [Սամեխ]
14 Եհովան աջակցում է բոլոր նրանց, ովքեր ուր որ է կընկնեն,+Վեր է բարձրացնում բոլոր նրանց, ովքեր վհատությունից կռացած են:+
ע [Ային]
15 Բոլորի աչքերը հույսով լի նայում են քո ձեռքին,Դու նրանց ուտելիք ես տալիս ճիշտ ժամանակին:+
פ [Պե]
16 Դու ձեռքդ բաց ես անումԵվ ամեն կենդանի արարածի փափագը գոհացնում:+
צ [Ցադե]
17 Եհովան միշտ արդարությամբ է վարվում+Եվ վստահարժան* է իր բոլոր գործերում:+
ק [Կոֆ]
18 Եհովան մոտ է բոլոր նրանց, ովքեր իրեն են կանչում,+Ովքեր անկեղծորեն* են իրեն աղոթում:+
ר [Ռեշ]
19 Նա իրենից վախեցողների փափագը գոհացնում է,+Լսում է նրանց օգնության աղաղակն ու նրանց փրկում է:+
ש [Շին]
20 Բոլոր իրեն սիրողներին Եհովան պահպանում է,+Իսկ բոլոր անօրեններին նա վերացնելու է:+
ת [Թավ]
21 Եհովային ուղղված գովաբանություն կհնչի իմ բերանից:+
Թող ամեն կենդանի արարած նրա սուրբ անունը փառաբանի հավիտյանս հավիտենից:+
