Սաղմոսներ 140։1-13
Նվագավարին: Դավթի երգը:
140 Ո՛վ Եհովա, ազատիր ինձ չարագործներից,Պաշտպանիր ինձ բռնասեր մարդկանցից,+
2 Նրանցից, ովքեր չար բաներ են ծրագրում իրենց սրտում,+Ովքեր ողջ օրը կռիվ են հրահրում:
3 Նրանք սրում են իրենց լեզուն, որ այն օձի լեզվի պես խայթի,+Իժի թույն կա նրանց շուրթերին:+ (Սելա)
4 Ո՛վ Եհովա, պաշտպանիր ինձ անօրեններից,+Պատսպարիր ինձ բռնասեր մարդկանցից,Նրանցից, ովքեր ծրագրում են վայր գցել ինձ:
5 Մեծամիտներն իմ դեմ գաղտնի թակարդ են լարում,Ճամփեզրին պարաններով ցանց են ձգում,+Ինձ համար ծուղակներ են պատրաստում:+ (Սելա)
6 Ես ասում եմ Եհովային. «Դու իմ Աստվածն ես:
Ականջ դիր, ո՛վ Եհովա, օգնության իմ աղաչանքներին»:+
7 Ո՛վ Գերիշխան Տեր Եհովա, իմ հզո՛ր Փրկիչ,Դու պաշտպանում ես գլուխս, երբ պատերազմի եմ դուրս գալիս:+
8 Ո՛վ Եհովա, մի՛ կատարիր անօրենների ցանկությունները,Մի՛ թող՝ նրանց դավերը հաջողվեն,Որ հպարտությամբ չլցվեն:+ (Սելա)
9 Թող ինձ պաշարողների ասած չար բաներըԻրենց իսկ գլխին լցվեն:+
10 Նրանց վրա թող այրվող ածուխներ թափվեն,+Թող նրանք կրակը գցվեն,Թող խոր փոսը* նետվեն,+ որ էլ երբեք դուրս չելնեն:
11 Զրպարտող մարդը թող երկրի վրա տեղ չունենա:+
Թող չարիքը հետապնդի բռնասեր մարդկանց ու կործանի նրանց:
12 Գիտեմ, որ Եհովան խեղճերին կպաշտպանիԵվ աղքատների համար արդարություն կհաստատի:+
13 Անշուշտ, արդարները քո անունը կգովաբանեն,Ուղղամիտները միշտ քո մտերմությունը կվայելեն:*+
