Թվեր 24։1-25
24 Բաղաամը, տեսնելով, որ Եհովայի կամքն է,* որ Իսրայելն օրհնվի, այլևս չգնաց չարագուշակ նախանշաններ փնտրելու նրա դեմ:+ Բաղաամը շրջվեց դեպի անապատը
2 և երբ նայեց ու տեսավ Իսրայելին՝ ցեղ առ ցեղ ճամբար դրած,+ Աստծու ոգին նրա վրա եկավ:+
3 Այլաբանորեն խոսելով՝ նա ասաց.+
«Բեորի որդի Բաղաամի խոսքերը՝Այն մարդու, որի աչքերը բացվել են,
4 Աստծու ասածները լսողի խոսքերը՝Այն մարդու, որն Ամենակարողից տրված տեսիլք է տեսելԵվ աչքերը բացված՝ խոնարհվել է.+
5 «Որքա՜ն գեղեցիկ են վրաններդ, ո՜վ Հակոբ,Բնակատեղերդ, ո՜վ Իսրայել:+
6 Դրանք ձգվում են մինչև հեռուներն, ինչպես հովիտներ,+Ինչպես գետի մոտ փռված պարտեզներ,Ինչպես Եհովայի տնկած հալվեի ծառեր,*Ինչպես ջրերի մոտ աճած մայրիներ:
7 Նրա դույլերից շարունակ ջուր է հոսում,Նրա սերմը* առատ ջրերի մոտ է ցանվում:+
Նրա թագավորը+ Ագագից մեծ կլինի,+Նրա թագավորությունը կպանծացվի:+
8 Եգիպտոսից նրան հանել է ԱստվածԵվ իր ուժով, որ ահեղ է, ինչպես եղջյուրները վայրի ցլի,Նրա կողքին է միշտ կանգնած:
Իրեն կեղեքող ազգերին նա կկլանի,+Նրանց ոսկորները կկրծոտի,Իր նետերով նրանց կխոցոտի:
9 Ինչպես մի առյուծ, նա մեկնվել է ու պառկել գետնին,Ո՞վ կհամարձակվի վրդովել այդ առյուծին:
Քեզ օրհնողները կօրհնվեն,Քեզ անիծողները կանիծվեն»»:+
10 Սա լսելով՝ Բաղակը ցասումով լցվեց Բաղաամի հանդեպ և ափերը զայրացած իրար զարկելով՝ ասաց Բաղաամին. «Քեզ կանչել էի, որ անիծես թշնամիներիս,+ իսկ դու արդեն երեք անգամ է՝ օրհնում ես նրանց:
11 Հենց հիմա հեռացի՛ր, գնա քո տո՛ւն: Ես մտադրվել էի պատվել քեզ,+ բայց Եհովան զրկեց քեզ պատվից»:
12 Բաղաամն ասաց Բաղակին. «Ես քո ուղարկած պատգամաբերներին չասացի՞.
13 «Եթե անգամ Բաղակը ինձ իր տունը տա՝ լցված արծաթով ու ոսկով, միևնույն է, ես չեմ կարող, Եհովայի հրամանից անցնելով, իմ ուզածն* անել՝ լինի լավ, թե վատ: Կխոսեմ միայն այն, ինչ Եհովան կասի ինձ»:+
14 Ես հիմա հետ կգնամ իմ ժողովրդի մոտ: Բայց արի քեզ ասեմ, թե ապագայում* այս ժողովուրդն ինչ կանի քո ժողովրդին»:
15 Եվ սկսեց այլաբանորեն խոսել՝ ասելով.+
«Բեորի որդի Բաղաամի խոսքերը՝Այն մարդու, որի աչքերը բացվել են,+
16 Աստծու ասածները լսողի խոսքերը՝Այն մարդու, որն ունի Բարձրյալի տված գիտելիքները,Որն Ամենակարողից տրված տեսիլք է տեսելԵվ աչքերը բացված՝ խոնարհվել է.
17 «Ես կտեսնեմ նրան, բայց ոչ հիմա,Կնայեմ նրան, բայց ոչ շուտով:
Հակոբից մի աստղ+ կծագի,Իսրայելից+ գավազան+ կելնի:
Նա կջարդի Մովաբի գլուխը,*+Ռազմատենչ որդիների գանգերը:
18 Իսրայելն իր քաջությունը ցույց կտա,Եդոմը նրա կալվածքը կդառնա,+Սեիրն+ իր թշնամուն բաժին կընկնի:+
19 Հակոբից դուրս կգա նա, ով կհպատակեցնի թշնամիներին,+Կվերացնի քաղաքի կործանումից հետո ողջ մնացածներին»»:
20 Նայելով Ամաղեկին՝ Բաղաամը շարունակեց իր այլաբանական խոսքը.
«Ամաղեկն առաջինն էր* ազգերից,+Նրա վերջը կործանում կլինի»:+
21 Նայելով կենեցիներին՝+ նա շարունակեց իր խոսքը և ասաց.
«Ապահով է բնակավայրդ, բույնդ ժայռի վրա ես դրել:
22 Բայց կգա մեկը, որ ձեզ՝ կենեցիներիդ, հրի կմատնի:
Ինչքա՞ն մնաց, որ Ասորեստանը ձեզ գերի տանի»:
23 Բաղաամը շարունակեց իր խոսքը.
«Վա՜յ ձեզ: Ո՞վ ողջ կմնա, երբ Աստված իրագործի դա:
24 Կիտիմի+ ծովեզրից նավեր կգանԵվ կճնշեն Ասորեստանին:+
Նրանք կնեղեն Եբերին,Բայց նրանց* վերջն էլ կգա»:
25 Այնուհետև Բաղաամը+ վեր կացավ ու իր ճամփով գնաց: Բաղակն էլ իր ճամփով գնաց:
Ծանոթագրություններ
^ Բռց.՝ «որ Եհովայի աչքին հաճելի է»:
^ Խոսքը Aquilaria ընտանիքին պատկանող ծառատեսակի մասին է, որից անուշաբույր բուսանյութ էին ստանում:
^ Կամ՝ «սերունդները»:
^ Բռց.՝ «սրտինը»:
^ Կամ՝ «օրերի վերջում»:
^ Կամ՝ «քունքերը»:
^ Այսինքն՝ առաջինն էր, որ առանց որևէ պատճառի հարձակվել էր Իսրայելի վրա Եգիպտոսից նրանց դուրս գալուց հետո:
^ Բռց.՝ «նրա»:
