Երեմիա 31։1-40
31 «Այդ ժամանակ,– ասում է Եհովան,– ես Աստված կլինեմ Իսրայելի բոլոր ընտանիքների համար, և նրանք իմ ժողովուրդը կլինեն»:+
2 Ահա թե ինչ է ասում Եհովան.
«Սրից փրկված ժողովուրդը անապատում բարեհաճության արժանացավ:
Իսրայելը գնում էր այնտեղ, որտեղ կարող էր հանգիստ առնել»:
3 Հեռվից Եհովան ինձ մոտ եկավ ու ասաց.
«Հավերժական սիրով քեզ սիրեցի,Դրա համար էլ հավատարիմ սիրով դեպի ինձ ձգեցի:*+
4 Քեզ նորից կվերակառուցեմ, և դու կվերակառուցվես,+Ո՛վ Իսրայելի կույս, դու կրկին քո դափերը կվերցնեսԵվ կգնաս ուրախ-ուրախ պարելու:+
5 Դու դարձյալ խաղողի այգիներ ես տնկելու Սամարիայի լեռներում:+
Խաղողագործները կտնկեն դրանք ու կվայելեն դրանց պտուղը:+
6 Կգա օրը, երբ Եփրեմի լեռներում ժամապահները կգոչեն.
«Վե՛ր կացեք, եկե՛ք բարձրանանք Սիոն՝ մեր Աստված Եհովայի մոտ»»:+
7 Սա է ասում Եհովան.
«Ցնծությամբ կանչե՛ք Հակոբին:
Ուրախությամբ բացականչե՛ք, որովհետև ազգերի մեջ առաջնորդ եք:+
Հրապարակե՛ք դա, գովաբանե՛ք Աստծուն ու ասե՛ք.
«Ո՛վ Եհովա, փրկիր քո ժողովրդին՝ ողջ մնացած իսրայելացիներին»:+
8 Ես հետ կբերեմ նրանց հյուսիսի երկրից,+Կհավաքեմ երկրի ամենահեռավոր վայրերից:+
Նրանց մեջ կլինեն կույր ու կաղ,+ հղի ու ծննդաբերող:
Որպես մեծ ժողովուրդ՝ նրանք բոլորը միասին կվերադառնան այստեղ:+
9 Նրանք կգան լացելով:+
Ես կառաջնորդեմ նրանց, երբ աղաչեն, որ բարեհաճ լինեմ նրանց հանդեպ:
Ես կտանեմ նրանց ջրի վտակների մոտ,+Ուղիղ ճանապարհով, որտեղ չեն սայթաքի,Որովհետև ես Իսրայելի Հայրն եմ, և Եփրեմը իմ առաջնեկն է»:+
10 Լսե՛ք Եհովայի խոսքը, ազգե՛ր,Եվ հեռավոր կղզիներում ազդարարե՛ք այն ու ասե՛ք.+
«Իսրայելին ցրիվ տվողը կհավաքի նրան:
Նա կպահպանի նրան, ինչպես հովիվն է պահպանում իր հոտը:+
11 Եհովան կփրկագնի Հակոբի սերունդներին+Եվ կազատի նրա ձեռքից, ով նրանցից ուժեղ է:+
12 Նրանք կգան և ուրախությամբ կբացականչեն Սիոնի բարձունքի վրա+Ու կշողան՝ տեսնելով Եհովայի բարությունը,*Տեսնելով հացահատիկը, գինին,+ յուղը,Հոտի գառներն ու հորթերը:+
Նրանք կդառնան լավ ոռոգված պարտեզի նման+Եվ այլևս չեն նվաղի»:+
13 «Այդ ժամանակ կույս աղջիկները ուրախությամբ կպարեն,Կպարեն նաև երիտասարդներն ու տարեցները միասին:+
Նրանց սուգը ցնծության կվերածեմ,+Կմխիթարեմ և նրանց վիշտը ուրախությամբ կփոխարինեմ:+
14 Քահանաներին առատ* կերակուրներով կկշտացնեմ,– ասում է Եհովան,–Եվ իմ ժողովուրդը իմ բարությամբ* կհագենա:+
15 Եհովան ասում է.
«Մի ձայն է լսվում Ռամայում՝+ ողբի և դառնագին լացի ձայն.
Ռաքելը լաց է լինում իր որդիների* համար:+
Նա չի ուզում մխիթարվել,Որովհետև նրանք այլևս չկան»»:+
16 Սա է ասում Եհովան.
«Լաց մի՛ եղիր, աչքերիցդ սրբիր արտասուքը,Որովհետև վարձատրվելու ես գործերիդ համար,– ասում է Եհովան,–Որդիներդ վերադառնալու են թշնամու երկրից:+
17 Քո ապագայի համար հույս կա,+– ասում է Եհովան,–Նրանք կվերադառնան իրենց տարածքները:+
18 Լսել եմ, թե ինչպես էր Եփրեմը ողբում.
«Ես ասես մի հորթ լինեի, որը վարժված չէ լուծ կրելու համար:
Դու ինձ խրատեցիր, ու ես ուղղվեցի:
Հետ դարձրու ինձ, և ես անմիջապես հետ կդառնամ,Որովհետև դու Եհովան ես՝ իմ Աստվածը:
19 Ես հետ դարձա ու զղջացի,+Խելքի եկա ու դառնացած՝ ազդրիս հարվածեցի:
Պատանեկությանս տարիներին գործած մեղքերի պատճառովԵս ամաչեցի ու ինձ նվաստացած զգացի»:+
20 Մի՞թե Եփրեմը թանկագին որդի, կամ՝ սիրելի զավակ չէ ինձ համար:+
Թեև հաճախ նախատում եմ նրան, բայց, մեկ է, հիշում եմ:
Այդ պատճառով էլ սիրտս խոր ցավ է զգում* նրա համար:+
Ես անկասկած նրան խղճալու եմ,– ասում է Եհովան:+–
21 Քեզ համար ճանապարհի նշաններ դիրԵվ նշանասյուներ կանգնեցրու:+
Ուշադրություն դարձրու այն ճանապարհին՝ այն ուղուն, որով պետք է գնաս:+
Հե՛տ դարձիր, ո՛վ Իսրայելի կույս, հե՛տ դարձիր քո քաղաքները:
22 Դեռ երկա՞ր ես թափառելու, ո՛վ անհավատարիմ դուստր:
Եհովան նոր բան է ստեղծել երկրի վրա.
Կինը ձգտելու է ունենալ ամուսնու հավանությունը»:*
23 Սա է ասում Զորքերի տեր Եհովան՝ Իսրայելի Աստվածը. «Երբ գերիներին հավաքեմ, Հուդայի երկրում և դրա քաղաքներում նորից կասեն. «Թող Եհովան օրհնի քեզ, ո՛վ արդար բնակավայր,+ սո՛ւրբ լեռ»:+
24 Հուդայում միասին կբնակվեն քաղաքի բնակիչները, հողագործներն ու հովիվները:+
25 Հոգնածին ուժ կտամ և հյուծվածին կհագեցնեմ»:+
26 Այդ ժամանակ զարթնեցի ու բացեցի աչքերս. ես անուշ քնել էի:
27 «Օրեր են գալիս,– ասում է Եհովան,– երբ Իսրայելն ու Հուդան կլցնեմ մարդկանցով և անասուններով:+
28 Ինչպես ուշադիր հետևում էի նրանց, որ արմատախիլ անեմ, քանդեմ, ավերեմ, կործանեմ ու վնասեմ,+ այդպես էլ հետևելու եմ, որ կառուցեմ ու տնկեմ,+– ասում է Եհովան:–
29 Այդ օրերին այլևս չեն ասի՝ «Հայրերը թթու խաղող կերան, բայց դրա թթու համը որդիներն առան»,+
30 այլ ամեն մարդ իր իսկ մեղքի պատճառով կմեռնի: Ով թթու խաղող ուտի, նա էլ կառնի դրա թթու համը:
31 Օրեր են գալիս,– ասում է Եհովան,– երբ Իսրայելի և Հուդայի հետ նոր ուխտ եմ կապելու:+
32 Այս մեկը նման չի լինի այն ուխտին, որ կապեցի նրանց նախահայրերի հետ այն օրը, երբ նրանց ձեռքից բռնած՝ հանեցի Եգիպտոսից:+ Եհովան ասում է. «Նրանք խախտեցին իմ այդ ուխտը,+ թեպետ ես նրանց միակ տերն* էի»:
33 Ուխտը, որ կկապեմ Իսրայելի հետ այդ օրերից հետո, սա է. իմ օրենքը նրանց ներսում կդնեմ+ և նրանց սրտում կգրեմ:+ Ես նրանց Աստվածը կլինեմ, իսկ նրանք՝ իմ ժողովուրդը,– ասում է Եհովան:+–
34 Նրանցից ոչ մեկը իր դրացուն կամ իր եղբորը այլևս չի սովորեցնի՝ ասելով՝ «Ճանաչի՛ր Եհովային»,+ քանի որ բոլորը՝ թե՛ հասարակ, թե՛ անվանի մարդիկ,* կճանաչեն ինձ,+– ասում է Եհովան:– Ես կներեմ նրանց անօրենությունը և նրանց մեղքն այլևս չեմ հիշի»:+
35 Սա է ասում Եհովան՝Նա, ով արևը տվել է ցերեկը լուսավորելու համարԵվ լուսնի ու աստղերի համար կանոններ է հաստատել, որ գիշերը լուսավորեն,Ով փոթորկում է ծովը և ալեկոծում այն,Ում անունը Զորքերի տեր Եհովա է.+
36 «Եթե այս կանոններն այլևս չգործեն,– ասում է Եհովան,–Ապա Իսրայելի սերունդը ընդմիշտ կդադարի իմ առաջ ազգ լինելուց»:+
37 Ահա թե ինչ է ասում Եհովան. «Ինչպես որ անհնար է երկինքը չափել և երկրի հիմքերը հետազոտել, այնպես էլ անհնար է, որ ես մերժեմ Իսրայելի ողջ սերնդին նրա արածների պատճառով,– ասում է Եհովան:+–
38 Օրեր են գալիս,– ասում է Եհովան,– երբ քաղաքը Եհովայի համար կվերակառուցվի+ Անանայելի աշտարակից+ մինչև Անկյան դարպասը:+
39 Եվ չափման լարը+ կձգվի ուղիղ դեպի առաջ մինչև Գարեբ բլուրը ու կշրջվի դեպի Գոաթ:
40 Ողջ հովիտը, որտեղ գցում են դիակներն ու թափում մոխիրը,* ինչպես նաև բոլոր դարավանդները* մինչև Կեդրոնի հովիտը,+ ընդհուպ մինչև Ձիերի դարպասի+ անկյունը՝ դեպի արևելք, սուրբ կլինեն Եհովայի համար:+ Դրանք այլևս երբեք արմատախիլ չեն լինի և չեն ոչնչացվի»:
Ծանոթագրություններ
^ Կամ՝ «շարունակ հավատարիմ սեր ցուցաբերեցի քո հանդեպ»:
^ Կամ՝ «Եհովայի տված լավ բաները»: Բառարանում տես «Բարեսիրություն»:
^ Բռց.՝ «ճարպոտ»:
^ Բառարանում տես «Բարեսիրություն»:
^ Կամ՝ «երեխաների»:
^ Կամ՝ «աղիքներս գալարվում են»:
^ Կամ՝ «պտտվելու է տղամարդու շուրջը»:
^ Կամ հնարավոր է՝ «ամուսինը»:
^ Բռց.՝ «փոքրից մեծ»:
^ Կամ՝ «ճարպոտ մոխիրը»: Խոսքը զոհաբերված կենդանիների ճարպով ներծծված մոխրի մասին է:
^ Աստիճանաձև դասավորված հողահարթակներ:
