Եսայիա 51։1-23
51 «Լսեք ինձ դուք բոլորդ, որ ջանում եք արդարությամբ վարվել,Դուք, որ իմ՝ Եհովայիս բարեհաճությունն եք փնտրում:*
Հիշեք այն ժայռը, որից կերտվել եք,Այն հանքը, որտեղից դուրս եք բերվել:
2 Հիշեք Աբրահամին՝ ձեր հորը,Եվ Սառային,+ որը ծնեց ձեզ:
Երբ կանչեցի Աբրահամին, նա դեռ մեկ հոգի էր,+Եվ ես օրհնեցի նրան ու բազմաքանակ դարձրի:+
3 Ես՝ Եհովաս, կմխիթարեմ Սիոնին,+Կվերականգնեմ* նրա բոլոր ավերակները,+Նրա ամայի բնակավայրերը Եդեմի պես կդարձնեմ,+Անապատային հարթավայրերը՝ Եհովայի պարտեզի պես:+
Այնտեղ ցնծություն և ուրախություն կտիրի,Շնորհակալական խոսքեր ու քաղցրահունչ երգեր կհնչեն:+
4 Ուշադրություն դարձրու ինձ, ո՛վ իմ ժողովուրդ,Ականջ դիր իմ ձայնին, ո՛վ իմ ազգ:+
Ես օրենք կհաստատեմ+Եվ իմ արդարությունը ժողովուրդների համար լույս կդարձնեմ:+
5 Շուտով կհաստատվի իմ արդարությունը:+
Ես փրկություն կբերեմ+Եվ իմ զորությունը գործադրելով՝* ժողովուրդներին կդատեմ:+
Կղզիները ինձ կհուսան+Ու կսպասեն, որ զորությունս գործադրեմ:
6 Ձեր աչքերը հառեք դեպի երկինք,Ապա նայեք ներքև՝ երկրին:
Երկինքը ծխի պես կցրվի,Երկիրը հագուստի պես կմաշվի,Ու նրա բնակիչները կմեռնեն մժեղների պես:
Բայց իմ տված փրկությունը հավիտենական կլինի,+Իմ արդարությունը երբեք չի սասանվի:*+
7 Լսեք ինձ դուք բոլորդ, որ գիտեք, թե ինչն է արդար,Ո՛վ ժողովուրդ, որ իմ օրենքը* ձեր սրտում եք պահում:+
Մի՛ վախեցեք մահկանացու մարդկանց ծաղրանքներից,Մի՛ սարսափեք նրանց վիրավորանքներից,
8 Որովհետև ցեցը կուտի նրանց, ինչպես հագուստը,Ցեցի թրթուրը* կխժռի նրանց, ինչպես բուրդը:+
Բայց իմ արդարությունը կմնա հավիտյան,Իմ տված փրկությունը՝ սերնդեսերունդ»:+
9 Գործի՛ր, գործի՛ր, ո՛վ Եհովայի բազուկ,+Զորությա՛մբ գոտևորվիր:
Գործի՛ր, ինչպես վաղեմի օրերում,Ինչպես անցած-գնացած սերունդների ժամանակներում:
Չէ՞ որ դու էիր, որ ջախջախեցիր Ռախաբին,*+Խոցեցիր ծովահրեշին:+
10 Չէ՞ որ դու էիր, որ ցամաքեցրիր ծովը, ահռելի, խոր ջրերը,+Որ ծովի խորքում ճանապարհ բացեցիր, որպեսզի անցնեն փրկագնվածները:+
11 Եհովայի կողմից փրկագնվածները կվերադառնան,+Ուրախ բացականչություններով Սիոն կգան:+
Անվերջ ուրախությունը նրանց պսակը կլինի:+
Նրանք ցնծությամբ և բերկրանքով կլցվեն,Իսկ տրտմությունն ու հառաչանքը հօդս կցնդեն:+
12 «Ես, հենց ես եմ քեզ* մխիթարում:+
Պատճառ ունե՞ս վախենալու մահկանացու մարդուց, որը մեռնելու է,+Մարդուց, որը խոտի պես չորանալու է:
13 Ինչո՞ւ ես մոռանում Եհովային՝ քո Ստեղծչին,+Ով տարածել է երկինքը+ ու գցել երկրի հիմքը:
Մոռացար նրան և արդյունքում օրնիբուն վախի մեջ էիր քեզ նեղողի ցասումից,Ասես նա ի զորու էր քեզ ոչնչացնելու:
Հիմա ո՞ւր կորավ նրա ցասումը:
14 Ով շղթայված ու կռացած էր, շուտով ազատ կարձակվի,+Չի մահանա, գերեզմանի փոսում չի հայտնվի,Ոչ էլ հացի կարոտ կլինի:
15 Ես՝ Եհովաս, քո Աստվածն եմ,Ով փոթորկում է ծովը և ալեկոծում:+
Զորքերի տեր Եհովա է իմ անունը:+
16 Իմ խոսքերը բերանդ կդնեմ,Իմ ձեռքերի հովանու տակ քեզ կպատսպարեմ,+Որպեսզի հաստատեմ երկինքը, գցեմ երկրի հիմքը+Եվ Սիոնին ասեմ. «Դու իմ ժողովուրդն ես»:+
17 Արթնացի՛ր, արթնացի՛ր, վե՛ր կաց, ո՛վ Երուսաղեմ,+Որ խմել ես Եհովայի ցասման բաժակից:
Դու խմել ես ողջ գավաթը,Դատարկել ես բաժակը ու երերում ես:+
18 Քո ծնած որդիներից մեկը չկա, որ քեզ ուղղորդի,Քո մեծացրած որդիներից գեթ մեկը չկա, որ ձեռքիցդ բռնի:
19 Երկու աղետ է վրա հասել քեզ.
Ավեր ու թալան, սով ու սուր:+
Ո՞վ քեզ կկարեկցի,Քեզ ո՞վ կմխիթարի:+
20 Որդիներդ ուշաթափվել են,+Նրանք ընկած են փողոցի ամեն անկյունումԻնչպես ցանցում բռնված վայրի ոչխարներ:
Նրանք լիուլի զգացել են իմ ողջ ցասումը, քո Աստծու՝ Եհովայի պատիժը»:
21 Ուստի լսիր, խնդրում եմ, ո՛վ կին,Որ կեղեքված ու հարբած ես, բայց ոչ գինուց:
22 Ահա թե ինչ է ասում Եհովան՝ քո Տերը, քո Աստվածը,Ով պաշտպանում է իր ժողովրդին.
«Ես կվերցնեմ քո ձեռքից այն բաժակը, որից խմելով՝ երերում ես,+Կվերցնեմ այդ գավաթը՝ իմ ցասման բաժակը:
Դու այլևս երբեք չես խմի դրանից:+
23 Ես այն կտամ քեզ տանջողների ձեռքը,+Ովքեր ասում էին քեզ. «Կռացիր, որ վրայովդ անցնենք»:
Եվ դու էլ մեջքդ դեմ էիր տալիս, որ նրանք անցնեն վրայով,Ինչպես գետնի վրայով, ինչպես փողոցով»:
Ծանոթագրություններ
^ Բռց.՝ «Եհովային եք փնտրում»:
^ Բռց.՝ «Կմխիթարեմ»:
^ Բռց.՝ «իմ բազկով»:
^ Կամ՝ «անվերջ կլինի»:
^ Կամ՝ «ուսուցումը», «առաջնորդությունը»:
^ Կամ հնարավոր է՝ «Որդը»:
^ Խոսքը Սիոնի մասին է:
