Եսայիա 50։1-11
50 Ահա թե ինչ է ասում Եհովան.
«Մի՞թե ես ձեր մորը դուրս անելիս ամուսնալուծության վկայական+ եմ տվել
Կամ մի՞թե պարտքերիս համար եմ ձեզ վաճառել:
Դուք ձեր հանցանքների պատճառով եք+ վաճառվել,Ձեր մայրը ձեր իսկ անօրենությունների համար է դուրս արվել:+
2 Եվ ուրեմն ինչո՞ւ ոչ ոք չկար, երբ ես գալիս էի:
Ինչո՞ւ ոչ ոք չէր պատասխանում, երբ կանչում էի:+
Մի՞թե իմ ձեռքը այնքան կարճ է, որ չկարողանամ ձեզ փրկագնել,Մի՞թե ես ուժ չունեմ, որ ձեզ փրկեմ:+
Ահա ես իմ սաստումով ցամաքեցնում եմ ծովը,+Անապատ եմ դարձնում գետերը:+
Դրանց ձկները փտում են առանց ջրի,Սատկում են ծարավից:
3 Ես երկինքը խավարով եմ պատում,+Մռայլ քրձով եմ այն պարուրում»:
4 Գերիշխան Տեր Եհովան սովորեցնում է ինձ, թե ինչ խոսեմ,*+Որ իմանամ՝ ինչպես վհատվածին ճիշտ խոսքով* օգնեմ:*+
Ամեն առավոտ նա ինձ արթնացնում է,Բացում է ականջս, որ լսեմ ուսումնառու աշակերտի պես:+
5 Գերիշխան Տեր Եհովան բացել է ականջներս,Եվ ես չեմ ընդդիմացել,+ թիկունք չեմ դարձրել:+
6 Մեջքս դեմ եմ արել ինձ հարվածողներինԵվ այտերս՝ իմ մորուքը փետողներին:
Երեսս չեմ ծածկել վիրավորանքներից ու թքից:+
7 Բայց Գերիշխան Տեր Եհովան ինձ կօգնի:+
Դրա համար էլ ես նվաստացած չեմ զգա,Դրա համար էլ երեսս պնդացրել եմ՝ դարձրել կայծքարի պես,+Եվ գիտեմ, որ չեմ ամաչի:
8 Ինձ արդար հայտարարողը կողքիս է.
Ո՞վ կարող է ինձ մեղադրել:*+
Եկեք իրար հետ դատարանի առաջ կանգնենք:
Ո՞վ իմ դեմ դատ ունի. թող մոտենա ինձ:
9 Գերիշխան Տեր Եհովան ինձ կօգնի.
Ո՞վ ինձ մեղավոր կհայտարարի:
Նրանք բոլորն էլ հագուստի պես կմաշվեն,Ցեցը նրանց կուտի:
10 Ո՛վ մարդիկ, ձեր մեջ ո՞վ է վախենում Եհովայից ու լսում նրա ծառայի ձայնին,+Ո՞վ է թանձր խավարի մեջ քայլել և զրկված եղել լույսից.
Թող նա Եհովայի անվանը հուսա և իր Աստծուն ապավինի:
11 Աստված ասում է. «Դուք բոլորդ, որ կրակ եք վառումԵվ կայծեր եք արձակում,Քայլեք ձեր վառած կրակի լույսով,Ձեր բոցավառած կայծերի միջով:
Ահա թե իմ ձեռքը ձեզ վրա ինչ կբերի.
Սաստիկ ցավերի մեջ կփռվեք գետնին»:
Ծանոթագրություններ
^ Կամ հնարավոր է՝ «պատասխանեմ»:
^ Բռց.՝ «խոսքով»:
^ Կամ՝ «ինձ ուսումնավարժ լեզու է տալիս»: Բռց.՝ «ինձ ուսյալների լեզու է տալիս»:
^ Կամ՝ «ինձ հետ վիճել»:
