Եսայիա 49։1-26
49 Լսեք ինձ, կղզինե՛ր,Ուշադրություն դարձրեք, հեռավո՛ր ազգեր:+
Եհովան կանչեց ինձ նախքան իմ ծնվելը:*+
Երբ դեռ մորս արգանդում էի, նա հիշատակեց իմ անունը:
2 Լեզուս* սրածայր թուր դարձրեց,Իր ձեռքի հովանու տակ ինձ պատսպարեց,+Ինձ սրած նետ դարձրեց,Իր կապարճում թաքցրեց:
3 Նա ասաց ինձ. «Դու իմ ծառան ես, ո՛վ Իսրայել,+Քո միջոցով ցույց կտամ իմ փառահեղությունը»:+
4 Սակայն ես ասացի. «Զուր տեղն եմ այսքան ջանք գործադրել,Ապարդյուն և անիմաստ եմ ուժերս վատնել:
Բայց, ինչ խոսք, Եհովան է ինձ դատողը,*Իմ Աստվածն է ինձ վարձատրողը»:*+
5 Եվ հիմա Եհովան, ով կազմավորել է ինձ մորս արգանդում, որ իր ծառան լինեմ,Ասել է, որ Հակոբին իր մոտ վերադարձնեմ,Որպեսզի Իսրայելը իր մոտ հավաքվի:+
Ես Եհովայի աչքում կփառավորվեմ,Իմ Աստվածը իմ զորության աղբյուրը կլինի:
6 Նա ասաց. «Ես քեզ ոչ միայն իմ ծառան եմ նշանակել,Որ վերականգնես Հակոբի ցեղերըԵվ վերադարձնես Իսրայելի ողջ մնացածներին,Այլև քեզ լույս եմ դարձրել ազգերի համար,+Որպեսզի փրկությունը, որ ես տալիս եմ, մինչև երկրի ծայրերը հասնի»:+
7 Եհովան՝ Իսրայելի Սուրբն ու Փրկագնողը,+ ասում է նրան, ով արհամարհված է,+ ով ատված է ազգի կողմից, իշխանավորների ծառա է.
«Եհովան, ով հավատարիմ է,+Իսրայելի Սուրբը, ով ընտրել է քեզ,+Այնպես կանի, որ թագավորները տեսնեն ու վեր կենան,Իշխանները խոնարհվեն»:
8 Ահա թե ինչ է ասում Եհովան.
«Երբ եկավ բարեհաճություն ցույց տալու ժամանակը, ես քեզ պատասխանեցի,+Երբ եկավ փրկության օրը, ես քեզ օգնեցի:+
Քեզ պահպանում էի, որ քեզ տամ որպես երաշխիք* ժողովրդի համար,+Վերականգնեմ երկիրը, ամայացած ժառանգական տիրույթները վերադարձնեմ իմ ժողովրդին,+
9 Բանտարկյալներին ասեմ՝ «Դո՛ւրս ելեք»,+Խավարի մեջ եղողներին՝+ «Դեպի լո՛ւյսը եկեք»:
Նրանք, ինչպես մի հոտ, ճանապարհներին կարածեն,Բոլոր արահետների* մոտ նրանց համար արոտավայրեր կլինեն:
10 Նրանք սոված չեն մնա ու ծարավ չեն լինի,+Կիզիչ տապից ու արևից չեն տառապի,+Քանի որ նրանց առաջնորդելու եմ ես, որ գթասիրտ եմ նրանց հանդեպ:+
Ես նրանց ջրի աղբյուրների մոտ կտանեմ:+
11 Իմ բոլոր լեռները ճանապարհ կդարձնեմ,Մայրուղիներս վեր կխոյացնեմ:+
12 Ահա մարդիկ են գալիս հեռուներից,+Ոմանք՝ հյուսիսից և արևմուտքից,Ոմանք էլ՝ Սինիմ երկրից»:+
13 Ուրախ բացականչիր, ո՛վ երկինք, ցնծա, ո՛վ երկիր,+Թող լեռները հրճվեն և ցնծությամբ բացականչեն,+Որովհետև Եհովան իր ժողովրդին մխիթարել է,+Տառապյալների հանդեպ նա գթասիրտ է:+
14 Սիոնն ասում էր. «Եհովան թողել է ինձ,+Եհովան մոռացել է ինձ»:+
15 Բայց մի՞թե մայրը կմոռանա իր կաթնակեր երեխայինԿամ չի կարեկցի իր արգանդում կրած զավակին:
Թե անգամ մայրն էլ մոռանա, ես երբեք քեզ չեմ մոռանա:+
16 Տես, քո անունը իմ ափերի վրա փորագրել եմ,Պարիսպներդ միշտ աչքիս առաջ են:
17 Որդիներդ շտապում են վերադառնալ,Իսկ քեզ քարուքանդ անողներն ու ամայացնողները կհեռանան:
18 Բարձրացրու աչքերդ և շուրջդ նայիր:
Բոլոր որդիներդ հավաքվել+ ու քեզ մոտ են գալիս:
«Երդվում եմ իմ գոյությամբ,– ասում է Եհովան,–
Դու նրանց որպես զարդեր քեզ վրա կկրես,Հարսնացուի պես նրանցով կզարդարվես:
19 Քո տարածքները, որ ավերվել ու ամայացել էին,Քո երկիրը, որ փլատակ էր դարձել,+Այժմ այնքան խիտ կբնակեցվի, որ նեղվածք կլինի,+Իսկ քեզ խժռողները+ հեռու կլինեն քեզնից:+
20 Որդիներդ, որ ունեցար որդեկորույս դառնալուց հետո, կասեն քեզ.
«Մեզ համար այստեղ շատ նեղվածք է, ապրելու տեղ տուր մեզ»:+
21 Եվ դու մտքումդ կասես.
«Ո՞վ է նրանց հայրը, ո՞ւմ շնորհիվ լույս աշխարհ եկան,Չէ՞ որ ես կորցրել էի զավակներիս և ամուլ էի,Գերեվարվել էի և անազատության մեջ էի:
Ուրեմն ո՞վ մեծացրեց նրանց,+Չէ՞ որ ես բոլորովին մենակ էի մնացել:+
Որտեղի՞ց ի հայտ եկան նրանք»»:+
22 Ահա թե ինչ է ասում Գերիշխան Տեր Եհովան.
«Ես կբարձրացնեմ ձեռքս, որ ազգերը տեսնեն,Ժողովուրդների համար նշանասյուն կկանգնեցնեմ:+
Նրանք գրկած կբերեն քո որդիներին,Իրենց ուսերի վրա առած՝ կբերեն քո աղջիկներին:+
23 Թագավորները քեզ համար խնամակալներ կլինեն,+Եվ իշխանուհիները՝ դայակներ:
Նրանք քո առաջ ծնկի կգան ու մինչև գետին կխոնարհվեն,+Քո ոտքերի փոշին կլիզեն:+
Եվ դու կիմանաս, որ ես Եհովան եմ,Ինձ վրա հույս դնողները ամոթով չեն մնա»:+
24 Մի՞թե հնարավոր է հզոր մարդուց խլել նրա գերեվարածներին,Հնարավո՞ր է բռնակալի ձեռքից ազատել գերիներին:
25 Բայց Եհովան ասում է.
«Հզոր մարդուց անգամ գերիները կխլվեն,+Բռնակալի ձեռքում եղող գերեվարվածները կազատվեն:+
Ես դուրս կգամ նրանց դեմ, ովքեր դուրս են գալիս քո դեմ,+Քո որդիներին կփրկեմ:
26 Քեզ կեղեքողներին կստիպեմ, որ իրենց իսկ միսը ուտեն,Քաղցր գինու տեղ նրանք իրենց իսկ արյունով կհարբեն:
Բոլոր մարդիկ ստիպված կլինեն ընդունել, որ ես Եհովան եմ՝+Քո Փրկիչն+ ու քեզ Փրկագնողը,+ Հակոբի Հզորը»:+
Ծանոթագրություններ
^ Կամ՝ «իմ մոր արգանդում եղածս ժամանակից»:
^ Բռց.՝ «Բերանս»:
^ Կամ՝ «Եհովան ինձ արդարությամբ կդատի»:
^ Կամ՝ «պարգևատրողը»:
^ Բռց.՝ «ուխտ»:
^ Կամ հնարավոր է՝ «լերկ բլուրների»:
