Եսայիա 41։1-29
41 «Լուռ լսեք ինձ, կղզինե՛ր,Ուժով լցվեք, ազգություննե՛ր,Մոտեցեք և ապա խոսեք:+
Եկեք միասին դատի հավաքվենք:
2 Ո՞վ է արևելքից կանչել մի մարդու:+
Ո՞վ է նրան իր մոտ* կանչել՝ արդարություն գործադրելու,Ո՞վ է նրան կանչել, որ ազգերին նրա ձեռքը հանձնի,Որ թագավորներին նրան հպատակեցնի:+
Ո՞վ է նրանց փոշիացնում նրա սրով,Հողմահալած ծղոտի պես նրանց ցիրուցան անում նրա աղեղով:
3 Նա հետապնդում է այդ բոլորին՝ անարգելք արշավելով,Եվ անցնում է իր չանցած ճանապարհներով:
4 Ո՞ւմ ձեռքի գործն է սա, ո՞վ է այս ամենն արել,Ո՞վ է դեռ սկզբից սերունդներին կանչում իրար հետևից.
Ես՝ Եհովաս, որ Առաջինն եմ:+
Մինչև վերջին սերունդն էլ ես նույնը կլինեմ»:+
5 Կղզիներում բնակվողները տեսան ու վախեցան,Երկրի ծայրերում ապրողները դողացին,Նրանք հավաքվեցին ու եկան:
6 Նրանք օգնում են իրարԵվ մեկը մյուսին ասում. «Ուժե՛ղ եղիր»:
7 Արհեստավորը ոգևորում է մետաղագործին,+Դարբնի մուրճով մետաղը հարթեցնողըՈգևորում է զնդանի վրա կոփողին
Եվ ասում. «Լա՛վ է զոդված»:
Ապա կուռքն ամրացվում է մեխերով, որ շուռ չգա:
8 «Մինչդեռ դու, ո՛վ Իսրայել, իմ ծառան ես,+Դու, ո՛վ Հակոբ, ում ընտրել եմ ես,+Իմ ընկեր Աբրահամի սերունդն ես:+
9 Քեզ բերեցի երկրի ծայրերից,+Քեզ կանչեցի երկրի ամենահեռավոր մասերից:
Ես ասացի քեզ. «Դու իմ ծառան ես,+Ես ընտրել եմ քեզ, չեմ մերժել:+
10 Մի՛ վախեցիր, որովհետև ես քեզ հետ եմ,+Մի՛ մտահոգվիր, որովհետև ես քո Աստվածն եմ:+
Ես կզորացնեմ ու կօգնեմ քեզ,+Արդարություն հաստատող իմ աջ ձեռքով ամուր կբռնեմ քեզ»:
11 Բոլոր նրանք, ովքեր ցասումով են լցվում քո դեմ,Ամոթով կմնան ու կնվաստացվեն:+
Քո դեմ կռվողները ի չիք կլինեն ու կկործանվեն:+
12 Քո դեմ պայքարողներին կփնտրես, բայց չես գտնի:
Քո դեմ պատերազմող մարդիկ չեղածի հաշիվ կլինեն, ասես չեն էլ եղել:+
13 Չէ՞ որ ես՝ Եհովաս՝ քո Աստվածը, ամուր բռնել եմ քո աջ ձեռքըԵվ ասում եմ. «Մի՛ վախեցիր, ես կօգնեմ քեզ»:+
14 Մի՛ վախեցիր, ո՛վ անպաշտպան* Հակոբ,+Ո՛վ Իսրայել, ես կօգնեմ քեզ»,–Ասում է Եհովան՝ քեզ Փրկագնողը՝+ Իսրայելի Սուրբը:
15 «Ահա ես կամն եմ դարձրել քեզ՝+Երկսայր ատամներով կալսելու նոր գործիք:
Դու լեռները ոտնակոխ կանես և կճխլես,Բլուրները մղեղ* կդարձնես:
16 Դու դրանք կքամհարես,Քամին դրանք կքշի կտանի,Հողմամրրիկը ցիրուցան կանի:
Դու կուրախանաս Եհովայով,+Կպարծենաս Իսրայելի Սրբով»:+
17 «Կարիքավորներն ու խեղճերը ջուր են փնտրում, բայց չկա:
Նրանց լեզուն չորացել է ծարավից:+
Ես՝ Եհովաս, կօգնեմ նրանց:+
Ես՝ Իսրայելի Աստվածս, նրանց չեմ թողնի:+
18 Լերկ բլուրների վրա գետեր կբխեցնեմ,+Հարթավայրերում՝ աղբյուրներ,+Անապատը կվերածեմ եղեգնաշատ լճի,Անջուր երկիրը՝ ջրի աղբյուրների:+
19 Անապատում մայրի, ակացիա, մրտենի ու սոճի կտնկեմ,+Անապատային հարթավայրում՝ գիհի,Ինչպես նաև հացենի ու նոճի,+
20 Որպեսզի բոլոր մարդիկ տեսնեն ու իմանան,Ուշադրություն դարձնեն ու հասկանան,Որ Եհովայի ձեռքն է դա արել,Իսրայելի Սուրբն է արարել»:+
21 «Ներկայացրեք ձեր գործը»,– ասում է Եհովան:
«Բերեք ձեր փաստարկները»,– ասում է Հակոբի Թագավորը:
22 «Բերեք ձեր ապացույցները և ասեք մեզ, թե ինչ է լինելու:
Պատմեք՝ ինչ է եղել անցյալում,Որ մտածենք այդ ամենի մասին և իմանանք՝ ինչ կլինի արդյունքում,Հայտնեք մեզ, թե ինչ է սպասվում:+
23 Պատմեք, թե ինչ է լինելու ապագայում,Որպեսզի իմանանք, որ դուք աստված եք:+
Այո՛, մի լավ կամ վատ բան արեք,Որ տեսնենք ու ապշենք:+
24 Բայց դուք չեղածի հաշիվ եքԵվ ոչ մի ձեռքբերում չունեք:+
Ամեն ոք, ով ընտրում է ձեզ, գարշելի է:+
25 Ես հյուսիսից կանչել եմ մի մարդու, և նա կգա այնտեղից:+
Այդ մարդն արևելքից է,+ նա կկանչի իմ անունը:
Նա կկոխկրտի ղեկավարներին, ինչպես կավը,+Կտրորի նրանց, ինչպես բրուտը՝ թաց կավը:
26 Ո՞վ է հենց սկզբից այս մասին ասել, որ իմանանք,Ո՞վ է վաղեմի ժամանակներից հայտնել դա, որ ասենք. «Նա ճիշտ է»:+
Իսկապես որ, ոչ ոք չի ազդարարել դա,Ոչ ոք չի ասել,Ոչ ոք մի խոսք անգամ ձեզնից չի լսել:+
27 Ես առաջինն էի, որ Սիոնին ասացի.
«Ահա թե ինչեր են լինելու»:+
Ես բարի լուր բերող կուղարկեմ Երուսաղեմ:+
28 Նայում էի, բայց ոչ ոք չկար,Նրանց մեջ մեկն էլ չկար, որ խորհուրդ տար:
Շարունակ հարցնում էի, բայց պատասխանող չկար:
29 Նրանք բոլորը ընդամենը պատրանք են,*Ոչինչ չեն կարող անել:
Նրանց մետաղյա պատկերները* փուչ* և ունայն են»:+
Ծանոթագրություններ
^ Այսինքն՝ իրեն ծառայելու:
^ Կամ՝ «խեղճ»: Բռց.՝ «որդ»:
^ Այսինքն՝ հացահատիկի թեփ:
^ Կամ՝ «չեղածի հաշիվ են»:
^ Կամ՝ «ձուլածո արձանները»:
^ Բռց.՝ «քամի»:
