Եսայիա 35։1-10
35 Անապատն ու չոր երկիրը ցնծությամբ կլցվեն,+Անապատային հարթավայրը խինդով կլցվի ու կծաղկի զաֆրանի* պես:+
2 Այն փարթամորեն կծաղկի,+Կցնծա ու հրճվանքով կբացականչի:
Այն կօժտվի Լիբանանի փառքով,+Կարմեղոսի+ ու Սարոնի+ վայելչությամբ:
Մարդիկ կտեսնեն Եհովայի փառքը, մեր Աստծու փառահեղությունը:
3 Զորացրեք թույլ ձեռքերը,Ամրացրեք դողդոջուն ծնկները:+
4 Նրանց, ում սիրտը լի է անհանգստությամբ, ասեք.
«Ուժե՛ղ եղեք: Մի՛ վախեցեք:
Ձեր Աստվածը կգա, որ վրեժ առնի,Աստված կգա, որ հատուցի,+Նա կգա ու ձեզ կփրկի»:+
5 Այդ ժամանակ կույրերի աչքերը կտեսնեն,+Եվ խուլերի ականջները կբացվեն:+
6 Այդ ժամանակ կաղերը եղջերուի պես կցատկոտեն,+Եվ համրերը ուրախությունից կբացականչեն:+
Անապատում ջրեր կժայթքեն,Անապատային հարթավայրում գետեր կհոսեն:
7 Արևախանձ վայրը եղեգնաշատ լիճ կդառնա,Ծարավուտ երկրում ջրի աղբյուրներ կհորդեն:+
Այնտեղ, ուր շնագայլերի որջեր էին,+Կանաչ խոտ, եղեգ ու պապիրուս կաճեն:
8 Այնտեղ մի մեծ ճանապարհ կլինի,+Մի ուղի, որը Սրբության ճանապարհ կկոչվի:
Անմաքուրը դրանով չի անցնի,+Այդ ուղով կընթանան միայն նրանք, ում թույլ կտրվի,Ոչ մի հիմար դրա վրա ոտք չի դնի:
9 Այնտեղ առյուծ չի լինի,Ոչ մի գիշատիչ գազան այնտեղով չի անցնի.
Դրանց չես տեսնի այնտեղ:+
Այդ ուղով միայն փրկագնվածները կքայլեն:+
10 Եհովայի կողմից փրկագնվածները կվերադառնան+
Եվ ուրախ բացականչություններով Սիոն կգան:+
Նրանց գլխին կդրվի հարատև ուրախության պսակը:+
Նրանք խինդ ու ցնծություն կվայելեն,Վիշտն ու հառաչանքը անհետ կկորչեն:+
Ծանոթագրություններ
^ Կամ՝ «քրքումի»:
