Առակներ 18։1-24
18 Մեկուսանալով մարդն իր եսասիրական ցանկությունների վրա է կենտրոնանում.
Նա մերժում է իմաստությունը:
2 Հիմարը չի ուզում որևէ բան հասկանալ,Նրան միայն դուր է գալիս ասել այն, ինչ մտածում է:+
3 Երբ չարագործը գալիս է, արհամարհանք էլ է գալիս,Եվ որտեղ անպատվություն կա, կա նաև խայտառակություն:+
4 Մարդու խոսքերը խոր ջրեր են:+
Իմաստության աղբյուրը առատահոս վտակ է:
5 Չարագործի կողմը բռնելը+Կամ արդարին արդարադատությունից զրկելը լավ չէ:+
6 Հիմարի խոսքերը վեճ են հրահրում,+Եվ նրա լեզուն իրեն ծեծելու առիթ է տալիս:+
7 Հիմարի խոսքերը իր կործանումն են,+Եվ նրա լեզուն որոգայթ է իր համար:
8 Զրպարտողի խոսքերը նման են համեղ պատառների,+Որոնք մարդիկ ագահորեն կուլ են տալիս, և դրանք ստամոքսն են իջնում:+
9 Ծույլ աշխատողը ավերողի եղբայրն է:+
10 Եհովայի անունը ամուր աշտարակ է:+
Այնտեղ է փախչում արդարը և պաշտպանություն ստանում:*+
11 Հարուստի ունեցվածքը նրա համար ամուր քաղաք է:
Նրա երևակայության մեջ այն բարձր պարիսպ է:+
12 Անկումից առաջ մարդու սիրտը հպարտանում է,+Իսկ փառքին խոնարհությունն է նախորդում:+
13 Առանց լսելու պատասխան տալըԱնմիտ է և նվաստացուցիչ:+
14 Մարդու ոգին ամրացնում է նրան հիվանդության ժամանակ,+Բայց եթե ոգին խոցված է, ո՞վ կարող է դիմանալ:*+
15 Հասկացողություն ունեցողի սիրտը գիտելիք է ձեռք բերում,+Իմաստունների ականջը գիտելիք է փնտրում:
16 Մարդու տված նվերը լայն դուռ է բացում իր առաջ:+
Այն մեծամեծների մոտ մտնելու հնարավորություն է տալիս:
17 Ով դատարանում առաջինն է խոսում, նա ճիշտ է թվում,+Մինչև որ չի գալիս մյուս կողմը և հարցաքննում նրան:+
18 Վիճակ գցելը դադարեցնում է վիճաբանությունները+Եվ հարթում է զորեղ հակառակորդների միջև եղած տարաձայնությունը:
19 Այն եղբայրը, որին վիրավորել են, ամուր քաղաքից ավելի անառիկ է,+Եվ կան վեճեր, որոնք ամրոցի դարպասների նիգերի* են նման:+
20 Մարդն իր խոսքերի պտուղներով կլցնի իր ստամոքսը,+Նա կկշտանա իր ասածներով:
21 Մահն ու կյանքը լեզվի իշխանության տակ են:+
Ով սիրում է խոսել, իր խոսքերի պտուղը կուտի:+
22 Նա, ով լավ կին է գտել, գանձ է գտել+Ու Եհովայի բարեհաճությունն է վայելում:+
23 Աղքատը աղաչելով է խոսում,Բայց հարուստը կոպիտ է պատասխանում:
24 Կան ընկերներ, որ պատրաստ են միմյանց հոշոտելու,+Բայց կա ընկեր, որ եղբորից էլ նվիրված է:+
Ծանոթագրություններ
^ Բռց.՝ «վեր է բարձրանում»: Այսինքն՝ անհասանելի է դառնում և ապահով լինում:
^ Կամ՝ «Բայց եթե մարդը հուսալքված է, կարո՞ղ է դիմանալ»:
^ Փայտե կամ երկաթե ձող՝ դռան հետևից գցելու և այն փակելու համար:
