Ղևտական 24։1-23
24 Եհովան շարունակեց խոսել Մովսեսի հետ՝ ասելով.
2 «Պատվիրիր Իսրայելի որդիներին, որ ծեծված ձիթապտղի մաքուր յուղ բերեն քեզ մոտ լուսակալի համար+, որպեսզի ճրագը միշտ վառված լինի+։
3 Ահարոնը պետք է հոգ տանի, որ հանդիպման վրանում՝ Վկայության վարագույրից դուրս, լուսակալը երեկոյից մինչև առավոտ միշտ վառված լինի Եհովայի առաջ։ Սա ձեզ համար կանոն է դարեդար, սերնդեսերունդ։
4 Մաքուր ոսկուց պատրաստված ճրագակալի+ վրայի ճրագները+ նա պետք է միշտ Եհովայի առաջ պատրաստ պահի+։
5 Վերցրու բարձրորակ ալյուր և դրանից տասներկու օղակաձև հացեր թխիր։ Յուրաքանչյուր հացը պետք է լինի արդուի երկու տասներորդ չափով ալյուրից։
6 Դրանք երկու շարքով իրար վրա դիր (յուրաքանչյուր շարքում վեց հատ+) մաքուր ոսկուց պատրաստված սեղանի վրա՝ Եհովայի առաջ+։
7 Յուրաքանչյուր շարքի վրա մաքուր կնդրուկ դիր, և այն հիշեցման հաց կլինի+՝ հրկիզվող ընծա Եհովայի համար։
8 Շաբաթից շաբաթ նա միշտ պետք է հացը դնի Եհովայի առաջ+։ Իմ և Իսրայելի որդիների միջև սա ուխտ է դարեդար։
9 Այն պետք է լինի Ահարոնինը և նրա որդիներինը+, ու նրանք պետք է սուրբ վայրում ուտեն այն+, որովհետև քահանայի համար սա անչափ սուրբ է հրկիզվող ընծաներից, որոնք մատուցվում են Եհովային. դա կանոն է դարեդար»։
10 Այնպես եղավ, որ մի իսրայելացի կնոջ որդի, որը եգիպտացու որդի էր+, դուրս եկավ Իսրայելի որդիների մոտ ու ճամբարում սկսեց կռվել+ մի իսրայելացու հետ։
11 Իսրայելացի կնոջ որդին սկսեց անարգել և անիծել+ Անունը+։ Ուստի նրան բերեցին Մովսեսի մոտ+։ Նրա մոր անունը Սալոմիթ էր, որը Դանի ցեղից Դաբրիի աղջիկն էր։
12 Այդ մարդուն կալանքի+ վերցրին, մինչև որ Եհովայի խոսքը հստակ կհայտնվեր նրանց+։
13 Եհովան խոսեց Մովսեսի հետ՝ ասելով.
14 «Ճամբարից դուրս հանեք+ անիծողին, ու բոլոր նրանք, ովքեր լսել են նրա խոսքերը, թող իրենց ձեռքերը+ դնեն նրա գլխին, և ողջ ժողովը թող քարկոծի նրան+։
15 Իսկ դու Իսրայելի որդիներին ասա. «Եթե որևէ մեկը անիծի իր Աստծուն, պետք է պատասխան տա իր մեղքի համար։
16 Եհովայի անունն անարգողը անպատճառ պետք է մահվան մատնվի+։ Ողջ ժողովը անպատճառ պետք է քարկոծի նրան։ Ինչպես պանդուխտը, այնպես էլ բնիկը պետք է մահվան մատնվեն, եթե անարգեն Անունը+։
17 Եթե մի մարդ սպանի որևէ հոգու, անպայման մահվան պետք է մատնվի+։
18 Եթե ինչ-որ մեկը սպանի ուրիշի ընտանի կենդանու հոգին, պետք է փոխհատուցի. հոգու դիմաց՝ հոգի+։
19 Եթե որևէ մեկը վնաս հասցնի իր մերձավորին, ապա ինչպես ինքն է արել, այնպես էլ նրան պետք է արվի+։
20 Կոտրվածքի դիմաց՝ կոտրվածք, աչքի դիմաց՝ աչք, ատամի դիմաց՝ ատամ։ Ինչ վնաս որ նա հասցրել է մարդուն, նույնը նրան պետք է անել+։
21 Անասուն սպանողը+ պետք է փոխհատուցի+, իսկ մարդ սպանողը պետք է մահվան մատնվի+։
22 Մեկ դատավճիռ պետք է լինի ձեզ համար, ինչպես պանդուխտի, այնպես էլ բնիկի համար+, քանի որ ես Եհովան եմ՝ ձեր Աստվածը»»+։
23 Դրանից հետո Մովսեսը խոսեց Իսրայելի որդիների հետ, և նրանք անիծողին ճամբարից դուրս տարան ու քարկոծեցին+։ Իսրայելի որդիներն արեցին այնպես, ինչպես Եհովան Մովսեսին պատվիրել էր։
