Մատչելիության կարգավորում

Ընտրել լեզուն

Անցնել երկրորդական մենյուին

Անցնել բովանդակությանը

Եհովայի վկաներ

Հայերեն

Սատանա իրականում կա՞

Սատանա իրականում կա՞

Աստվածաշնչի պատասխանը

Այո՛, Սատանան իրական անձնավորություն է։ Նա «այս աշխարհի իշխանն» է՝ ոգեղեն մի արարած, որը դարձավ չար և ըմբոստացավ Աստծու դեմ (Հովհաննես 14:30; Եփեսացիներ 6:11, 12)։ Աստվածաշունչը հայտնում է, թե ինչպիսի անձնավորություն է նա՝ տալով նրան հետևյալ անուններն ու նկարագիրը։

Անձնավորություն, ոչ թե չարության անձնավորում

Ոմանց համար Սատանան ընդամենը մարդու ներսի չարությունն է։ Սակայն Աստվածաշնչում արձանագրված է մի զրույց, որը տեղի ունեցավ Աստծու և Սատանայի միջև։ Աստված կատարյալ է, ուստի չէր կարող խոսել իր ներսի «չար կողմի» հետ (2 Օրենք 32:4; Հոբ 2:1–6)։ Բացի այդ, Սատանան նաև փորձել է Հիսուսին, որը զերծ էր մեղքից (Մատթեոս 4:8–10; 1 Հովհաննես 3:5)։ Այսպիսով՝ Աստվածաշունչը ցույց է տալիս, որ Սատանան իրական անձնավորություն է և ոչ թե չարության անձնավորում։

Պե՞տք է արդյոք մեզ զարմացնի այն, որ շատերը չեն հավատում, որ Սատանան իրական է։ Բոլորովին, քանի որ Աստվածաշնչում ասվում է, որ նա իր նպատակներին հասնում է՝ դիմելով խաբեության ու խորամանկության (2 Թեսաղոնիկեցիներ 2:9, 10)։ Նրա ամենահաջողված հնարքը մարդկանց «կուրացնելն» է, որ չընդունեն իր գոյության փաստը (2 Կորնթացիներ 4:4

Այլ սխալ պատկերացումներ Սատանայի մասին

Կարծիք։ Սատանայի մեկ այլ անունն է Արուսյակ (Լյուցիֆեր)։

Փաստ։ Եբրայերեն այն բառը, որը որոշ Աստվածաշնչերում թարգմանվել է «Արուսյակ» կամ «Լյուցիֆեր», նշանակում է «փայլող» (Եսայիա 14:12)։ Համատեքստը ցույց է տալիս, որ այն վերաբերում է Բաբելոնի արքաների դինաստիային, որին Աստված խոնարհեցնելու էր, քանի որ նրանք ամբարտավան էին (Եսայիա 14:4, 13–20)։ Բաբելոնը շարունակեց կոչվել «փայլող» նույնիսկ իր անկումից հետո, սակայն արդեն հեգնական երանգով։

Կարծիք։ Սատանան Աստծու համար է աշխատում։

Փաստ։ Սատանան Աստծու թշնամին է։ Նա գործում է ընդդեմ Աստծու ծառաների և նենգաբար մեղադրում է նրանց (1 Պետրոս 5:8; Հայտնություն 12:10

 

Իմացիր ավելին

Արդյոք սա՞ էր Աստծու նպատակը

Գուցե մտածում ես, թե ինչու այսօր այդքան շատ խնդիրներ կան։ Աստվածաշունչը հայտնում է, որ շուտով մեծ փոփոխություններ են լինելու, որոնք կարող են օգուտներ բերել նաև քեզ։