Մատչելիության կարգավորում

Ընտրել լեզուն

Անցնել երկրորդական մենյուին

Անցնել բովանդակությանը

Եհովայի վկաներ

Հայերեն

Աստված անուն ունի՞

Աստված անուն ունի՞

Աստվածաշնչի պատասխանը

Բոլոր մարդիկ անուն ունեն։ Տրամաբանական չէ՞, որ Աստված էլ կունենա անուն։ Մարդկանց, հատկապես ընկերների հետ շփվելիս կարևոր է նրանց դիմել անունով։ Իսկ եթե դիմում ենք Աստծուն, մի՞թե կարևոր չէ նրան էլ անունով դիմել։

Աստվածաշնչում Աստված ասում է. «Ես Եհովան եմ։ Սա է իմ անունը» (Եսայիա 42:8)։ Չնայած Աստված տարբեր տիտղոսներ ունի, ինչպես օրինակ՝ «Ամենակարող Աստված», «Գերիշխան Տեր» և «Արարիչ», նա մարդկանց հրավիրում է իրեն դիմել անունով (Ծննդոց 17:1; Գործեր 4:24; 1 Պետրոս 4:19

Աստվածաշնչի շատ թարգմանություններում Աստծու անունը գրված է Ելք 6:3-ում. «Աբրահամին, Իսահակին ու Հակոբին ես հայտնվել եմ որպես Ամենակարող Աստված, բայց իմ Եհովա անունով ես ինձ հայտնի չեմ դարձրել նրանց»։

Աստվածաշնչի հայերեն թարգմանություններում հանդիպում է Աստծու անվան «Եհովա» տարբերակը։ Թեև շատ գիտնականներ նախընտրում են Աստծու անվան արտասանության «Յահվե» ձևը, սակայն ամենատարածված ձևը «Եհովան» է։ Աստվածաշնչի առաջին մասը եբրայերեն է գրվել, լեզու, որը կարդում են աջից ձախ։ Այդ լեզվով Աստծու անունը գրվել է հետևյալ չորս բաղաձայններով יהוה։ Այս չորս եբրայերեն տառերը տառադարձվում են ՅՀՎՀ քառագրով։

Իմացիր ավելին

Աստված անուն ունի՞

Աստծուն կարելի է տարբեր կերպերով կոչել՝ Ամենակարող, Արարիչ, Տեր։ Այս տեսանյութը ընդգծում է, որ Աստծու անունը Աստվածաշնչում հանդիպում է ավելի քան 7 000 անգամ։

Նոր Կտակարանը և Եհովա անունը

Ի՞նչ են ցույց տալիս հնագույն ձեռագրերը։

Ի՞նչ է նշանակում իմանալ Աստծու անունը

Իմացիր Աստծու անունը, նրա անվան նշանակությունը և այն, թե ինչ է մեզ սովորեցնում այդ անունը։