Ka tsuʼuw jawaʼ a tákuy

Ólchixchik kʼal a Jehová

Ka tákuy an kawintaláb tének

¿Jantʼiniʼ a tsuʼtal an kʼicháj axi taʼtal?

¿Jantʼiniʼ a tsuʼtal an kʼicháj axi taʼtal?

¿A belal abal an xeʼtsintaláb...

  • ... neʼets kin aynanchij ejtíl xowéʼ?

  • ... neʼets ka kʼibatmej más?

  • ... neʼets ka alwaʼméj?

 AXI AN BIBLIA IN ÓLNÁL

«Ani a Dios neʼets kin tʼajchij [...] kin tsuʼuw expidh jawaʼ alwaʼ, ani yabáts neʼets ka waʼtsin ni jantʼoj yab alwaʼ abal yab ka ukʼin. Talíts an tsémláj, an ukʼiltaláb, an tʼeʼpintaláb, an yajchiktaláb. Yabáts waʼats jawaʼ yab alwaʼ ejtíl ti jaykʼiʼ.» (Apocalipsis [Revelación] 21:4, An it jilchith cau.)

AXÉʼ XI KÁW JANTʼINIʼ IN EJTOWAL TU JALKʼUNCHIJ I EJATAL

Neʼets ki koʼoy jún i tʼojláb lej alwaʼ axi ki kulbetnaʼ (Isaías 65:21-23).

Yabáts neʼets ku yawʼláts, ani ki yajchiknaʼ (Isaías 25:8; 33:24).

Neʼets ku kʼwajiy kulbél kʼal i yanel ani i jaʼúbchik abal etsʼey (Salmo 37:11, 29).

 ¿LEJ CHUBAX I EJTOWAL KI BELAʼ JAWAʼ IN ULAL AN BIBLIA?

Antsanaʼ, neʼets ki tsuʼuw expidh tsáb i tʼiplab:

  • A Dios in kwaʼal an awiltaláb abal kin putuw patal jawaʼ in ulúmal. Ti an Biblia, in ulal tin kwéntaj a Dios «Patal jawats ka léʼnaʼ a Ejtowal ka Tʼajaʼ» kom in awiltal yab jaykʼiʼ u júmbiyab kʼal ni jantʼoj (Revelación 15:3). Tam, max jajáʼ in ulal abal neʼets kin chiʼdhaʼ jún i tsabál lej alwaʼ, i ejtowal ki belaʼ kom in ejtowal kin putuw. Jantʼiniʼ in ulal an Biblia, «A Dios[...]patal in ejtowal kin tʼajaʼ» (Mateo 19:26).

  • A Dios in léʼits kin putuw jawaʼ in ulúmal. An Biblia in ulal abal a Jehová in léʼits kin wíchbanchij in ejatal axi tsémenek (Job 14:14,15).

    In Tsakámil a Dios in jeldhaʼ an yaʼulchik. ¿Ani jaleʼ tin tʼajaʼ? Kom játs axi in léʼak (Marcos 1:40, 41). Kʼal in tʼajbilábil in tejwamedhaʼ abal in Tátaj in léʼ kin tólmiy axi in yéjenchal (Juan 5:19).

    I ejtowal ki belaʼ abal a Jehová ani a Jesús in léʼchik abal ki koʼoy jún i ejataláb lej kulbél (Salmo 72:12-14; 145:16; 2 Pedro 3:9).

 KA KONÓWIY TA BAʼ

¿Jantʼiniʼ ti neʼets kin alwaʼmédhaʼ an xeʼtsintaláb a Dios?

Neʼets ka elaʼ an tokʼtsixtaláb ti an Biblia ti MATEO 6:9, 10 ani DANIEL 2:44.