Ka tsuʼuw jawaʼ a tákuy

Kit kʼalej ti índice

Olchixtaláb abal axi tamkudh

Olchixtaláb abal axi tamkudh

EXBADH TAMKUNTALÁB

ESCUELA ABAL AN ÓLCHIXCHIK. U kaniyáb an precursores axi in kwaʼal 23 ma ti 65 i tamub ani in kwaʼal in kulbétal kin tʼojonchij más a Dios, abal ka kʼalej ti domingo wákal al an tamkuntaláb abal jitaʼchik in léʼ ka kʼalej al axéʼ xi escuela. Ti plataforma neʼets ka olnáj an hora ani juʼtáj ti neʼets ka tʼajan.

 OLCHIXTALÁB ABAL AXI TAMKUDH

KOYDHOM. An koydhom neʼets ti tolmiychik. Ka lej otsʼówiy jawaʼ ti uchaʼ tin kwéntaj an laktem axi a ejtowal ka eyendhaʼ, tam kit beláts altáj ban local ani tam kit ulits kʼal an carro.

PUJNEL. Max yab ka uluwat kʼeʼat jantʼoj, neʼets ka jilan takudh an laktemchik abal axi neʼets ka pujan. Axi neʼets ka pujan kwaʼal ka ketlej ti an laktem axi in tomnál sábado dhajuw okʼxidh ka bináj an tʼilomtaláb. Axi neʼets ka pujan kwaʼal kin chiʼdhaʼ in tóltomil axi in tomnál.

TUMIN AXI A BINÁL KʼAL A KULBÉTAL. Pakwamej lej yan abal tatáʼ ka koʼoy juʼtáj kit ketlej, an sonido ani an video ani kʼeʼat más jantʼoj abal ki ejtow ki koʼoy axéʼ xi púlik tamkuntaláb ani antsanáʼ ku utey más kʼal a Jehová. An tumín axi a binal, játs axi i eyendhál abal ki jálbiy jawaʼ u pakwnal ani jayej abal ki tólmiy an olnomtaláb tin puwel an tsabál. Tin tonídh an local waʼats i cajas juʼtáj a ejtowal ka jolow an tumín axi a léʼ ka bínaʼ. I lej kʼakʼnál jawaʼ a binamalchik. An Kwenél i Ókʼnom in léʼ ti kʼakʼnanchij kom a binálchik kʼal a kulbétal.

KʼAʼAL TOLMIX. Ka tʼilaʼ abal axéʼ xi departamento EXPIDH pél abal jitaʼ in lej yéjenchal i TOLMIXTALÁB.

MAX A KʼIBAʼ JANTʼOJ. Max ka elaʼ jantʼoj axi yab a kʼál ka neʼdhaʼ juʼtáj tu dhayab jawaʼ kʼibnenek. Max a kʼibámal jantʼoj, kit kʼalej al axéʼ xi departamento. Jayej kwaʼal ka neʼdhaʼ al axéʼ xi departamento, an tsakamchik axi kʼwajat kʼibenek. Abal yab ti tʼepindha jantʼoj, ka lej beletnaʼ a tsakámil ani ka koʼoy etsʼey utat kʼal tatáʼ.

LAKTEM. Yab ka jilaʼ jantʼoj ban laktem axi yab neʼets ka eyendhaʼ. Ka tʼilaʼ abal expidh a ejtowal ka tákuy i laktem abal a yanel, abal axi neʼets kʼal tatáʼ al an carro o axi a exóbchal kʼal an Biblia, abal axi kʼeʼat jayej kin bajuw i laktem.

JITAʼ IN LÉʼ TI TOLMIX. Max a léʼ ti tolmix kʼal an tʼojláb axi ti púlik tamkuntaláb kit kʼalej al an departamento, Olchixtaláb ani Jitaʼ in léʼ ti tolmix.

Tʼojojodh kʼal an Kwenél i Ókʼnom in kʼál an Ólchixchik kʼal a Jehová