¿Jitaʼchik in tʼajál in kulbétal a Jehová xóʼ ta kʼicháj?

Tin puwél an tsabál wa’ats i ólchixchik kʼal a Jehová axi pil ti walkidh ani pil in bichówil. ¿Jantʼoj tu tolmiyámal ku kʼwajiy lej júnkudh?

¿Jantʼonéy in léʼ a Dios abal wawáʼ?

A Dios in léʼ abal patal an atiklábchik kin exlaʼ jawaʼ játs in kulbétal. ¿Jawaʼ játs in kulbétal, ani xowéʼ jitaʼchik kʼwajat in exóbchal an atikláb tin kwéntaj a Dios?

¿Jantʼiniʼ játs an ólchixchik kʼal Jehová?

¿Jáy i ólchix kʼal a Jehová a exlál? ¿Jantʼoj a exlál tin kwéntaj wawáʼ?

¿Jaleʼ ti punuw an bijláb ólchixchik kʼal a Jehová?

Ki tsuʼuw óx i tʼiplab jaleʼ ti punuw axéʼ xi bijláb.

¿Jantʼiniʼ ti tsáb elan an chubaxtaláb axi tal ti Biblia?

¿Jaleʼ ti ulal abal wawáʼ i ejtiyal an Biblia jantʼiniʼ tin tomnál?

¿Jaleʼ ti tsʼejkáʼ an Traducción del Nuevo Mundo?

¿Jaleʼ axéʼ xi wilkʼaxtaláb kʼal an Biblia yab ejtíl axi más?

¿Jantʼiniʼ tu tólmiyal ku junkun kʼal an epchalábchik axi ti tamkuntaláb?

In Káwintal a Dios in tʼajál abal ki koʼoy i jaʼúbchik axi chubax tu kʼanidhál. Ka exóbnaʼ jantʼiniʼ a ejtowal ka koʼoy jún i jaʼubláb jantʼiniʼ axéʼ.

¿Jantʼiniʼ tu tʼajnal an tamkuntaláb?

¿A konoyamal ta báʼ jantʼoj u tʼajnal ti tamkuntálabil? Neʼets ka lej jikʼpaʼ an exobchixtaláb kʼal an Biblia axi ka batsʼuw tanáʼ.

¿Jaleʼ tu kʼalel lej tsʼejkadh ti tamkuntaláb?

¿Exbadh abal a Dios jantʼiniʼ tu ku kʼwáʼchiman? Ka exóbnaʼ jantʼoj tam principios axi tal ti Biblia neʼets tu ku tólmiy ki tsuʼuw jantʼiniʼ ku kʼwáʼchiman.

¿Jantʼiniʼ a ejtowal ka okʼox exobnaʼ jawaʼ neʼets ka watʼbáj ti tamkuntaláb?

Max ka okʼxidh exóbnaʼ jawaʼ neʼets ka watʼbáj ti tamkuntaláb neʼets ti tólmiy abal ka exbay más.

¿Jantʼoj in léʼ kin uluw ku utey kʼal a Dios jantʼiniʼ i yanéláb?

Ka tsuʼuw jantʼiniʼ axéʼ xi tsʼejkantaláb in ejtowal ti tólmiy abal kit utey kʼal a Dios junax kʼal a yanél ani antsanáʼ kit más kʼanidháxin.

¿Jaleʼ ti tʼajál i púlik tamkuntaláb?

Tamub ti tamub i koʼoyal óx i púlik tamkuntaláb. ¿Jantʼiniʼ a ejtowal ka kanchij in alwáʼ axéʼchik xi tamkuntaláb?

¿Jantʼoj tam tsʼejkantaláb i tʼajal abal ki ólnaʼ in Eyaltal a Dios?

Tam u ólnom, i aynál an tʼiplab axi in jilaʼ a Jesús tam ti kʼwajiy tejéʼ ti Tsabál. ¿Jawaʼ játs an t’iplab axi in eyendhaʼ?

¿Jantʼoj játs jún i precursor?

Junchik i ólchix in tʼajál treinta, cincuenta o más i horas ti ólnom. ¿Jantʼoj in tʼajál abal tálchik kin leʼnaʼ kin tʼajaʼ?

¿Jantʼoj tam exobchixtaláb in batsʼuwal an precursores?

¿Jantʼoj tam exobchixtaláb in batsʼuwal jitaʼchik in jilál yán i kʼij abal ka tʼójon júnkudh al an tʼojláb ti ólchix?

¿Jantʼiniʼ tu tólmiyal an ókʼnomchik axi ti tamkuntaláb?

An ókʼnomchik in kwaʼal lej tsapik in bélomtal kʼal a Jehová jaxtám tin alwaʼ exóbchal ani in alwaʼ beletnál an tamkuntaláb. ¿Jantʼiniʼ játs an tolmixtaláb axi tu pidhál?

¿Jawaʼ játs in tʼojlábil an tolmix ókʼnom ti tamkuntaláb?

An tolmix ókʼnomchik in tólmiyal an tamkuntaláb abal ka tʼójon kʼal i kulbetaláb. Ka exóbnaʼ jantʼiniʼ in tʼojlábil in tólmiyal patal axi u kʼalel ti an tamkuntaláb.

¿Jantʼiniʼ tu tólmiyal an ókʼnom kʼal an circuito?

¿Jaleʼ tu tsaʼbix ti tamkuntaláb an ókʼnom kʼal an circuito? ¿Jantʼoj i éjtowal ki tʼajaʼ abal ki kanchij in alwáʼ nixéʼ xi tsaʼbixtaláb?

¿Jantʼiniʼ ti tólmiyal an epchalábchik axi in yajchiknál?

Tam u watʼel jún i yajchiktaláb, dhubatkʼij i tólmiyal an epchalábchik axi in yajchiknámal ani i tólmiyal kʼal an Biblia abal kin atsʼaʼ alwaʼ tin ichích. ¿Jantʼiniʼ ti tólmiyal?

¿Jitaʼ játs an «tʼojnal axi putudh ani tsalpadh»?

A Jesús in uluw abal neʼetsak kin bijiy jún i kwenél i atikláb axi neʼetsak ka kʼwajiy kin pidhaʼ in aykólilchik más i exóbchixtaláb tin kwéntaj a Dios. ¿Jantʼini tin tʼajál?

¿Jantʼiniʼ tu tʼojnal an Kwenél i Ókʼnom?

Ti kʼaʼál siglo waʼatsak jún i kwenél i ókʼnom ani i abatwálejchik axi in beletnalak patal an tamkuntaláb. ¿Ani xowéʼ?

¿Jantʼoj játs Betel?

Betel in kwaʼal jún i tsalap lej exbadh. Ka exlaʼ más tin kwéntaj axi u tʼojnalchik tanáʼ.

¿Jantʼoj u tʼajnal al jún i sucursal?

Jitákits in ejtowal kin tsaʼbiy an sucursal. ¡Tu lej kanal ka tsaʼbiy!

¿Jantʼiniʼ tu tʼajnal an publicaciones ani jantʼiniʼ tu jaluwab al pil i kawintaláb?

I tsʼejkál i publicaciones al más de setecientos i kawintaláb. ¿Jaleʼ ti tsápnanchal ki tʼajaʼ axéʼ xi tʼojláb?

¿Jantʼiniʼ ti tʼajchal kʼal an tumín axi u pakwnal kʼal an tʼojláb tu ólchix tin puwél an Tsabál?

¿Jaleʼ i bichówil yab ejtíl axi más an tamkuntaláb tam kwaʼal kin tsuʼuw kʼal an tumín?

¿Jaleʼ ani jantʼiniʼ ti tsʼejkál i Atáj Tamkuntaláb?

¿Jaleʼ ti bíjiyal juʼtáj tu tamkunal Atáj Tamkuntaláb? Ka exóbnaʼ más jantʼiniʼ axéʼchik xi atáj in tólmiyal patal axi u támkunal tanáʼ.

¿Jantʼiniʼ ti ejtowal ku tólmixin abal an Atáj Tamkuntaláb ka kʼwajiy tʼokat ani alabél?

Jún i Atáj Tamkuntaláb tʼokat ani alwaʼ tsʼejkadh in tʼajál abal an kwenchaláb ka káwin alwaʼ tin kwéntaj a Dios. ¿Jantʼoj tam tʼojláb u tʼajnal abal an Atáj Tamkuntaláb ka kʼwajiy tʼokat ani alabél?

¿Jantʼiniʼ ti ejtowal ki kanchij in alwaʼ an biblioteca axi kʼwajat ti Atáj Tamkuntaláb?

¿A léʼ ka más yanedhaʼ jawaʼ a exlál tin kwéntaj an Biblia? Ka eyendhaʼ an biblioteca axi kʼwajat ti Atáj Tamkuntaláb.

¿Jantʼoj neʼets ka elaʼ al an página ti Internet axi wawáʼ i eyendhál?

Neʼets ka elaʼ más i olchixtaláb tin kwéntaj wawáʼ ani jawaʼ i belál antsanáʼ jantʼiniʼ in tokʼtsixtal i konówixtalábchik tin kwéntaj an Biblia.

¿Neʼets ka tʼajaʼ tatáʼ in kulbétal a Dios?

A Jehová Dios ti lej kʼanidhál. ¿Jantʼiniʼ a ejtowal ka tejwaʼmédhaʼ ta ejatal abal a léʼ ka tʼajchij in kulbétal?