Ka tsuʼuw jawaʼ a tákuy

Kit kʼalej ti índice

Ólchixchik kʼal a Jehová

Ka tákuy an kawintaláb tének

 Ajumtaláb 9

¿Jantʼiniʼ ti i ejtowal ku kʼwajiy más kulbél ti kʼimáʼ kʼal i yanél?

¿Jantʼiniʼ ti i ejtowal ku kʼwajiy más kulbél ti kʼimáʼ kʼal i yanél?

1. ¿Jaleʼ tin yéjenchal an atiklábchik ka tomkin jantʼiniʼ tin koniyal an éyal?

A Jehová tu ólchal yán jantʼoj lej alwaʼ. Kom pél jún i Dios axi etsʼey u kulbél, in léʼ abal wawáʼ jayej ku kʼwajiy kulbél ti kʼimáʼ kʼal i yanél (1 Timoteo 1:11). Jajáʼ in tómkiy a Adán ani a Eva. Tam an atiklábchik ka tomkin jantʼiniʼ tin koniyal an éyal, u kʼwajílchik más kulbél tin kʼimáʼ kom yab u jikʼél abal jún a kʼicháj ka jilkakiat an uxum o an inik kʼal patal in tsakámil. An belomchik axi chubax kwaʼal kin belkaʼ jawaʼ in koniyal an Éyal tin kwéntaj an tomkintaláb. Ka ajiy Lucas 2:1, 4, 5.

A Dios in léʼ abal axi tómkidhchik etsʼey ka kʼwajiy junax. A Jehová in léʼ abal axi tómkidhchik ka kʼakʼnaxin (Hebreos 13:4). Yab in kulbetnál an divorcio (Malaquías 2:16). Pero in ulal abal axi tómkidh in ejtowal kin jilaʼ in tomkíl ani ka tsáb wichiy ka tomkin max kʼambiyámej kʼal kʼeʼat. Ka ajiy Mateo 19:3-6, 9.

2. ¿Jawaʼ játs in uchbíl an inik ani an uxum axi tómkidh?

A Jehová in tsʼejkaʼ an inik ani an uxum abal tam ka tomkinchik, ka tólmíxin (Génesis 2:18). An inik in kwaʼal in uchbíl kin pidhaʼ in kʼimádhil ani in tsakámil an kʼapnél, an toltom ani kin exóbchij tin kwéntaj a Dios. Kwaʼal kin kʼanidhaʼ in kʼimádhil jantʼiniʼ in kʼanidhál tin kwetémtal. Axi tómkidhchik kwaʼal ka kʼanidháxin ani ka kʼakʼnaxin. Ani kom tsablom wálbidhchik in yéjenchal ka pakluanchíxin max in léʼchik ka kʼwajiy kulbél. Ka ajiy Efesios 4:31, 32; 5:22-25, 33, ani 1 Pedro 3:7.

 3. ¿In tomnál ka jiláxin axi tómkidhchik max yabáts in neʼdhál alwaʼ?

Imbáj. Max yabchik in neʼdhál alwaʼ, kwaʼal kin tsápnanchichik kin tejwamedhaʼ i kʼanidhomtaláb (1 Corintios 13:4, 5). In Káwintal a Dios yab in ulal ka jiláxinchik abal ka taley an pextaláb kʼal in tomkíl. Ka ajiy 1 Corintios 7:10-13.

4. ¿Jantʼoj in léʼ a Dios abal an tsakamchik?

A Jehová in léʼ abal an tsakamchik ka kʼwajiy kulbél. Jaxtám tin exóbchal jantʼiniʼ ti kin eyendhaʼ in ejatal. Jayej in léʼ abal an tsakamchik kin kanchij in alwáʼ jawaʼ in exlál in tátajchik (Colosenses 3:20). Jajáʼ in léʼ ka atsʼaʼ ta kwetémtal an kulbetaláb axi u waʼtsinal tam ka belkaʼ a Dios ani a Jesús. Ka ajiy Eclesiastés 11:9–12:1; Mateo 19:13-15NM, ani 21:15, 16.

5. ¿Jantʼoj in ejtowal kin tʼajaʼ an tatalábchik abal an tsakam ka kʼwajiy kulbél?

An tatalábchik kwaʼal ka tʼójon lej tsapik abal kin pidhaʼ in tsakámil in kʼimáʼ, an kʼapnél ani an toltom (1 Timoteo 5:8). Pero jayej kwaʼal kin exóbchij kin kʼanidhaʼ ani kin nitsʼbiy a Dios (Efesios 6:4). Tam jajáʼchik in kʼanidhál a Dios, an tsakamchik in nitsʼbiyal nixéʼ xi alwaʼ tʼiplab. Tam an tsakamchik ka exóbchin kʼal an Biblia, in yakʼwál jún i bél más alwaʼ abal in ejatal. Ka ajiy Deuteronomio 6:4-7 ani Proverbios 22:6.

Tam an tsakamchik kin tʼajaʼ jún jantʼoj alwaʼ, ka tʼajchij kin tsuʼuw abal jawaʼ in tʼajaʼ, ¡in tʼajaʼ lej alwaʼ! Jayej in yéjenchal ka exóbchin ani ka tsʼalan abal yab kin odhnaʼ in ejatal (Proverbios 22:15). Pero tam ka tsʼalaʼ kʼal i káw o kʼal i widhaxteʼ, yab ka kʼadhpidh odhnaʼ. Ka ajiy Colosenses 3:21.

An ólchixchik kʼal a Jehová in tsʼejkámal yán i libros axi u káw tin kwéntaj an tataláb ani an tsakamchik. Patal kaldhámej ti Biblia. Ka ajiy Salmo 19:7, 11.