Ka tsuʼuw jawaʼ a tákuy

Kit kʼalej ti índice

Ólchixchik kʼal a Jehová

Ka tákuy an kawintaláb tének

 AJUMTALÁB 14

Ka olnaʼ an tsalapchik axi más exbadh

Ka olnaʼ an tsalapchik axi más exbadh

Hebreos 8:1

RESUMEN: Ka tólmiy kin exbay an tʼilomtaláb jitaʼchik ti atsʼál. Ka tejwamédhaʼ jantʼiniʼ tu júmbinal an tsalapchik axi más exbadh, in bij an tʼilomtaláb ani an exobintaláb axi a léʼ abal kin exbaychik.

JANTʼINIʼ KA TʼAJAʼ

  • Ka tsalpay jaleʼ a binál an tʼilomtaláb. Ka tsalpay jantʼoj a léʼ abal kin exbaychik kʼal an tʼilomtaláb axi a binál: walám a léʼ ka olnaʼ jantʼoj, ka tólmiy kin belaʼchik jún i exobchixtaláb, o walám expidh a léʼ ka kanatbédhaʼ. Ka tʼilaʼ axéʼ biyat it exóbal abal ka bínaʼ an tʼilomtaláb. Ka tʼajaʼ ti kwéntaj max patal an tsalapchik axi más exbadh neʼets ti tólmiy abal ka éxbayat an tʼilomtaláb.

  • Ka tejwamédhaʼ an tsalap in kʼál an tʼilomtaláb. Tin nakél an tʼilomtaláb ka eyendhaʼ pílchik i káw abal ka olnaʼ wilkʼidh an tsalap in kʼál an tʼilomtaláb.

  • Ka olnaʼ an tsalapchik axi más exbadh kʼal i káw axi ka éxbayat dhubat. An tsalapchik axi exbadh kwaʼal ka kʼwajiy júnkudh kʼal in tsalap an tʼilomtaláb ani ka wilkʼaʼ ban kʼij axi bíjidhits. Yab ka eyendhaʼ kʼeʼat i tsalap axi yab kwaʼal kin tsuʼuw kʼal an tʼilomtaláb. Ka olnaʼ jawa játs an tsalapchik axi más exbadh ani yab ka eyendhaʼ yan. Okʼxidh ka olnaʼ kʼeʼat i tsalap axi exbadh ka wéʼ koydhaʼ a káwintal ani ka tejwamédhaʼ abal neʼets ka olnaʼ kʼeʼat i tsalap.