Ka tsuʼuw jawaʼ a tákuy

Kit kʼalej ti índice

Ólchixchik kʼal a Jehová

Ka tákuy an kawintaláb tének

 AJUMTALÁB 10

Ka exóbnaʼ ka jalkʼuy in kawídh a káwintal

Ka exóbnaʼ ka jalkʼuy in kawídh a káwintal

Proverbios 8:4, 7

RESUMEN: Abal jitaʼchik ti atsʼál kin exbay jawaʼ a léʼ ka uluw ani kin kulbétnaʼ, ka tʼajaʼ ti kwéntaj in kawídh a káwintal, in adhík ani jantʼiniʼ ta ulal an káw.

JANTʼINIʼ KA TʼAJAʼ

  • Ka tʼajaʼ ti kwéntaj in kawídh a káwintal. Kit káwin kawidh abal ka olnaʼ jún i exobchixtaláb axi exbadh, jayej abal ka kanatbéj jitaʼ ti otsʼówiyal. Axéʼ jayej in tomnál ka tʼajaʼ tam ka ajiy jún i bolixtaláb axi in binál an Biblia. Ka tsaʼkaʼ a káwintal okʼxidh ka olnaʼ jantʼoj axi a léʼ abal kit atsʼanchat, jayej ka tsaʼkaʼ abal ka tejwamédhaʼ i tʼeʼpintaláb o i jikʼeltaláb.

  • Ka tʼajaʼ ti kwéntaj jantʼiniʼ it káw. Kit káwin más tʼilkʼats tam ka léʼnaʼ ka uluw jantʼoj kʼijidh, o tam ka léʼnaʼ ka uluw jáy in owel o in puwel in kwaʼal jantʼoj. Ka tʼajaʼ más kʼochól a káwintal abal ka tejwamédhaʼ i tʼeʼpintaláb o i jikʼeltaláb.

  • Ka tʼajaʼ ti kwéntaj in adhík a káwintal. Kit káwin más dhubat max a léʼ ka olnaʼ jantʼoj axi kʼijidh. Kit káwin más kʼayúm tam ka léʼnaʼ ka uluw jún i exobchixtaláb axi exbadh.