Ka tsuʼuw jawaʼ a tákuy

Kit kʼalej ti índice

 I EJATAL TU AYKOL KʼAL A CRISTO

«Etsʼey ki tsalpay expidh kʼal jawaʼ alwaʼ»

«Etsʼey ki tsalpay expidh kʼal jawaʼ alwaʼ»

¿Kʼal jantʼoj i ejtowal ki tsalpay? A Filipenses 4:8 in ulal abal kwaʼal ki tsalpay expidh kʼal jawaʼ chubax, jawaʼ tekedh, jawaʼ bolidh, jawaʼ tʼokat, jawaʼ winat alwaʼ, ani kʼal jawaʼ in kulbetnál a Dios. Axéʼ xi káw yab in léʼ kin uluw abal éxpidhits neʼets ki tsalpay kʼal an Biblia. Pero kwaʼal ki koʼoy ti tsalápil expidh i tsalap axi a Jehová in kulbetnál. Yab in tomnál ki tsalpay kʼal jantʼoj axi tu ku odhnanchij i putudhtal kʼal a Jehová (Sl 19:14).

Kʼibat neʼets ki atsʼaʼ ki tixkʼaʼ an kidháb tsalap kom u wálbidh, ani kom a Satanás, an abatnom kʼal an xeʼtsintaláb, in léʼ tu ku kʼambiy (2Co 4:4). A Satanás in eyendhál yan jantʼoj abal tu ku odhnanchij i tsalápil, ejtíl, an televisión, an radio, an Internet ani i dhuchadh uw. In tomnál ki lej tʼajaʼ ti kwéntaj jantʼoj neʼets ki jilaʼ ka otsits ti tsalápil, kom jawaʼ ki odhaʼ ti tsalápil neʼets ka tejwaméj ti tʼajbilábil (Snt 1:14, 15).

TALBÉL TA TSUʼÚMAL AN VIDEO KI POJKAʼ AN TʼAJBILÁBCHIK AXI TU ODHNANCHAL I PUTUDHTAL KʼAL A JEHOVÁ: YAB KU KʼIJIDHBÉJ KʼAL JAWAʼ KIDHÁB, KA TÓKʼTSIY AXÉʼ XI KONOWIXTALÁBCHIK:

  • ¿Jantʼoj in metʼalak an epchal ban teléfono? ¿Jantʼiniʼ ti odhnanchat in tsalápil?

  • ¿Jantʼiniʼ ti tolmiyat kʼal an texto axi ti Gálatas 6:7, 8 ani Salmo 119:37?