Ka tsuʼuw jawaʼ a tákuy

Kit kʼalej ti índice

 I EJATAL TU AYKOL KʼAL A CRISTO

¿Jay in jalbíl i pidhál in káwintal a Dios?

¿Jay in jalbíl i pidhál in káwintal a Dios?

A Jehová in tʼajaʼ abal ka dhuchan an Biblia, tanáʼ i elál in tsalápil a Jehová ani jawaʼ jajáʼ in ulúmal (2Pe 1:20, 21). An tsalap axi más exbadh axi an Biblia in tejwamedhál pél abal a Jehová neʼets kin eyendhaʼ jún i Eyaltaláb abal kin tʼokedhaʼ in bij, axéʼ tu pidhál jún i aychixtaláb, kom neʼets ki batsʼuw yán i lablixtaláb axi taʼtal a kʼicháj. An Biblia in tejwamedhál abal a Jehová pél jún i Dios lej kʼanidhom (Sl 86:15).

Patal wawáʼ i pidhál yán in jalbíl an Biblia. Pero neʼets ki tejwamédhaʼ abal i pidhál más in jalbíl max ki ajiy chudhel ani ki tsápnanchij ki tʼajaʼ jawaʼ i exobnál, ¿kʼwajat i tʼajál? In tomnál ki tejwamédhaʼ kʼal jawaʼ i tʼajál, abal u tsalpax ejtíl jitaʼ in uluw axéʼ xi káw: «¡U lej kʼanidhál a káwintal!» (Sl 119:97 TNM).

TALBÉL TA TSUʼÚMAL AN VIDEO JAJÁʼCHIK IN PIDHAʼ YÁN IN JALBÍL AN BIBLIA: PEJACH (WILLIAM TYNDALE), KA TÓKʼTSIY AXÉʼ XI KONOWIXTALÁBCHIK:

  • ¿Jaleʼ ti a William Tyndale in wílkʼaʼ jún i pejach kʼal an Biblia?

  • ¿Jaleʼ in kwaʼal yán in jalbíl an tsapláb axi in tʼajaʼ a William Tyndale abal kin wílkʼaʼ an Biblia?

  • ¿Jantʼiniʼ ti uldháj ti Inglaterra talchik i Biblia axi in wílkʼaʼ a William Tyndale?

  • ¿Jantʼiniʼ i ejtowal ki tejwamédhaʼ abal i pidhál in jalbíl in Káwintal a Dios?