Ka tsuʼuw jawaʼ a tákuy

Kit kʼalej ti índice

 I EJATAL TU AYKOL KʼAL A CRISTO

Neʼets ka tʼajan ti kwéntaj abal it xeʼets tʼokat ani it lej kʼakʼnax

Neʼets ka tʼajan ti kwéntaj abal it xeʼets tʼokat ani it lej kʼakʼnax

Kʼal jawaʼ in tʼajál, an mimláb axi u wenkʼonal jantʼiniʼ i ólchix kʼal a Jehová walám kin ejtow kin tolmiy in tomkíl abal jayej kin leʼnaʼ kin tʼojonchij a Jehová. Walám an inik kin leʼnaʼ kin jalkʼuy in éy talbél tin lej kuxuyamal an mimláb (1Pe 2:21-23; 3:1, 2). Max tatáʼ kʼwajat a yajchiknál jantʼoj axi yab in tomnál, ka aynanchij ka tʼajaʼ jawaʼ tekedh abal yab ti ataʼ an kʼibataláb (Ro 12:21). Walám neʼets ka tolmiy más a tomkíl kʼal jawaʼ ka tʼajaʼ ani yab kʼal jawaʼ ka uluw.

Ka tsapnanchij ka exbay jawaʼ in atsʼál a tomkíl (Flp 2:3, 4). Ka tʼajaʼ ti kwéntaj jantʼoj in atsʼál ani ka yajnanchij, ani ka tsápnanchij ka putuw kʼal patal jawaʼ pél a uchbíl ta kʼimáʼ. Ka exóbnaʼ ka otsʼówiy (Snt 1:19). Ka tejwamédhanchij i kʼayaʼtaláb a tomkíl ani ka tejwamédhanchij abal a kʼanidhál. Walám tatáʼ etsʼey neʼets ka tejwamédhanchij abal a kʼanidhál ani a kʼakʼnál ani jajáʼ yab ti kʼakʼnanchij, pero in tomnál ka tʼilaʼ abal a Jehová in tʼajál ti kwéntaj an iniktaláb ani an putudhtaláb axi a kwaʼal (1Pe 2:19, 20).

TALBÉL TA TSUʼÚMAL AN VIDEO A JEHOVÁ TU PIDHÁL AN KANATALÁB AXI I YÉJENCHAL ABAL KI KÚXUY AN KʼIBATALÁB, KA TÓKʼTSIY AXÉʼ XI KONOWIXTALÁBCHIK:

  • ¿Jantʼiniʼ pélak in ejatal a Grace Li tam ti itej ti tómkidh?

  • ¿Jaleʼ in leʼnaʼ kin exlaʼ an chubaxtaláb?

  • ¿Kʼal jantʼoj ti tolmiyat an epchal Grace abal kin kuxuy an kʼibataláb axi in tametnaʼ talbél ti pujan?

  • ¿Jantʼoj in konchij a Jehová an epchal Grace tin kwéntaj in tomkíl?

  • ¿Jantʼoj tam lablixtaláb in batsʼuwámal an epchal Grece kom xeʼets tʼokat ani in lej kʼakʼnál in tomkíl?

Neʼets ka batsʼuw yán i lablixtaláb max it xeʼets tʼokat ani it lej kʼakʼnax