Ka tsuʼuw jawaʼ a tákuy

Kit kʼalej ti índice

 ABAL KU BAJUDHMÉJ JANTʼINIʼ U EXÓBCHIX

Ku tʼójon júnkudh abal ku olnomáts juʼtáj waʼats yán i kawintaláb

Ku tʼójon júnkudh abal ku olnomáts juʼtáj waʼats yán i kawintaláb

An atiklábchik más in kulbetnál kin atsʼaʼ tin kwéntaj in Eyaltal a Jehová tam u tawnáb tin káwintal. Walám jaxtám ban tamub 33 ti Pentecostés, a Jehová in tʼajaʼ abal i judíos «axi tin puwel an tsabál» kin atsʼaʼ an alwaʼ káw tin káwintal, bélits abal walám in exbayalak kʼeʼat i kawintaláb ejtíl an hebreo o an griego (Hch 2:5, 8). Xowéʼ ta kʼicháj waʼats yán i tamkuntaláb al pílchik i kawintaláb axi in tʼójonchal junax jún i kwenchaláb. ¿Jantʼoj in yéjenchal an epchalchik abal kin tʼojonchij alwaʼ axéʼ xi kwenchaláb ani yab kin itʼixbédhaʼ an atiklábchik?

  • Kwaʼal ku tʼilmáts (Pr 15:22): An ókʼnomchik axi in okʼnál an olnomtaláb al kʼalekʼij tam tamkuntaláb kwaʼal ka tʼilmátschik abal kin exlaʼ jantʼiniʼ ti neʼets ka tʼajan an olnomtaláb. An tamkuntalábchik axi pílchik i kawintaláb walám tu ku konchij yab ku olnomáts ban atáj juʼtáj jajáʼchik u ólnom max an kwenchaláb yab lej púlik. Pero max an kwenchaláb púlik ani u owelchik abal kin talaʼ ólchij, walám tu ku konchij ku ólnomats al patal an atájchik ani talbél ki ólchijchik tam ki elaʼ jún i atikláb axi in kawnál in kawintalábil (od-S pág. 93 párr. 37). O walám tu ku konchij ki tolmiychik kin aliy i atikláb axi in kawnál in kawintalábil abal jajáʼchik kin tsaʼbiy (km-S 7/12 pág. 5, recuadro). Kwaʼal ki tʼilaʼ abal ba jún i atáj awits ka waʼtsin i atiklábchik axi in kawnál pílchik i kawintaláb. Ki tʼajaʼ ti kwéntaj abal an éyal in ulal abal kwaʼal ki eyendhaʼ tekedh, in bij an atikláb, in número de celular ani juʼtáj u kʼwajíl.

  • Ku tʼójon júnkudh (Ef 4:16): In tomnál ki lej tʼajaʼ ti kwéntaj an olchixtaláb axi in binal an ókʼnom axi in okʼnál an olnomtaláb. ¿I exóbchal jitaʼ tin kwéntaj an Biblia ani in káwintal yab junat kʼal axi in kʼál an tamkuntaláb? Walám axéʼ xi atikláb neʼets kin tʼojonchij más dhubat a Jehová max ka exóbchat kʼal an Biblia tin káwintal, i ejtowal ki aliy jún epchal al píl i tamkuntaláb o grupo kʼal axi ka exóbchat tin káwintal.

  • Kwaʼal ku tʼojojon (Pr 15:28; 16:1): Max juʼtáj it ólnom, ka elaʼ jún i atikláb axi in kawnál kʼeʼat i kawintaláb, ka tsápnanchij ka ólchij an alwaʼ káw. Abal kit kʼwajiy tʼojojodh, ka tsalpay jawaʼ tam kawintaláb u kawnáb juʼtáj it ólnom, ka paʼbaʼ an Biblia ani talchik i videos al nixéʼ xi kawintalábchik. Jayej a ejtowal ka eyendhaʼ an aplicación JW Language abal ka exóbnaʼ ti tsapnédhom al pílchik i kawintaláb.