Ka tsuʼuw jawaʼ a tákuy

Kit kʼalej ti índice

 I EJATAL TU AYKOL KʼAL A CRISTO

Ku bajudhméj jantʼiniʼ u ólchix: Ka exóbnaʼ ta dhuchum cartas

Ku bajudhméj jantʼiniʼ u ólchix: Ka exóbnaʼ ta dhuchum cartas

JALEʼ TI LEJ EXBADH. An abatwále Pablo in dhuchaʼ 14 i cartas abal kin kanatbédhaʼ an epchalchik, a 1 Corintios pél jún kʼal nixéʼchik xi carta. Jún i carta in kwaʼal yan in alwáʼ: jitaʼ in dhuchál, in ejtowal kin takuy an káw axi neʼets kin eyendhaʼ ani jitaʼ in batsʼuwal in ejtowal kin ajiy yaníl. An carta lej alwaʼ abal ki ólchij an alwaʼ káw i yanél, i exlowál ani an atiklábchik axi yab i elál ban olnomtaláb. Ejtíl, walám kʼibat ki tsáb elaʼ jún i atikláb axi lej in kulbétnaʼ an alwaʼ káw, o abal ku tʼilmáts kʼal jún i atikláb axi u kʼwajíl al jún i atáj lej púlik, jún i atáj lej alwaʼ beletnadh juʼtáj yab u jilnal ku watʼey, o i atáj axi lej owdhachik. ¿Jantʼoj in tomnál ki tʼajaʼ ti kwéntaj tam ki dhúchunchij jún i carta jún i atikláb axi yab i exlál?

JANTʼINIʼ KA TʼAJAʼ

  • Ka dhuchaʼ an carta ejtíl max it kʼwajat ta tʼilom kʼal an atikláb. Ka olnaʼ a bíj ani ka ólchij jaleʼ ta dhuchál an carta. Walám a ejtowal ka tʼajchij jún i konowixtaláb ani ka olnaʼ an sitio ti Internet. A ejtowal ka uchaʼ abal u bináb i exobintaláb kʼal an Biblia ti Internet (axéʼ yabaye kʼwajat ti labkáw) o abal i ejtowal ki tsaʼbiy tin kʼimáʼ. Ka ólchij in bíj jún i capítulo in kʼál an publicación axi i eyendhál abal tu exóbchix. Kʼal an carta, a ejtowal ka abaʼ jún i tarjeta de contacto, jún i kanixtaláb o jún i tratado.

  • Yab ka dhuchaʼ yan. Max ka dhúchunchij yan, an atikláb yab neʼets kin léʼnaʼ kin ajiy patal (ka tsuʼuw an tʼiplab abal jún i carta).

  • Ka tʼajaʼ ti kwéntaj ka kʼwajiy alwaʼ dhuchadh an carta abal yab kin atsʼaʼ kʼibat kin ajiy, ka dhúchunchij jantʼoj axi kʼijidh, ka tawnaʼ jantʼiniʼ max pél a jaʼúb ani kʼal i kʼakʼnaxtaláb.