Ka tsuʼuw jawaʼ a tákuy

Kit kʼalej ti índice

Ólchixchik kʼal a Jehová

Ka tákuy an kawintaláb tének

 I EJATAL TU AYKOL KʼAL A CRISTO

Ki exóbchij i tsalápil

Ki exóbchij i tsalápil

Tam i tsuʼtal jún i wits lej alabél, an ót axi waʼats ban kʼaylál o jantʼiniʼ u paʼíl an jáʼ ban itseʼ, ¿i tsalpayal abal a Jehová in tsʼejkámal? Bélits abal yab i «tsuʼtal» a Jehová, jawaʼ in tsʼejkámal tu tólmiyal ki exlaʼ jantʼiniʼ in éy. (Ro 1:20). Tam ki lupudh tsalpay kʼal jawaʼ i tsuʼtal, i ejtowal ki exlaʼ abal a Jehová: lej tsapik, kʼanidhom, tsalpadh, alwaʼ inik ani bolidh (Sl 104:24).

¿Jantʼoj a tsuʼtal chudhél kʼal jawaʼ in tsʼejkámal a Jehová? Bélits max i kʼwajíl al bichow, a ejtowal ka tsuʼuw i tsʼitsin ani i teʼlom. Ki lej tʼajaʼ ti kwéntaj jawaʼ in tsʼejkámal a Jehová in ejtowal kin tʼajaʼ abal ki wéʼ ukʼchiy an tʼeʼpintaláb ani tu tólmiyal ki lej belaʼ abal a Jehová etsʼey neʼets tu ku beletnaʼ (Mt 6:25-32). Max a kwaʼal i tsakam, ka tólminchij kin exlaʼ jantʼiniʼ in éy a Jehová. Max ki lej kʼakʼnanchij jawaʼ a Jehová in tsʼejkámal neʼets ki atsʼaʼ abal u kʼwajat más utat kʼal jajáʼ (Sl 8:3, 4).

TALBÉL TA TSUʼÚMAL AN VIDEO BÉLITS ABAL YAB U TSUʼTAB A DIOS, JAWAʼ IN TSʼEJKÁMAL IN TEJWAMEDHÁL IN ÉY: AN TAJAXTALÁB ANI AN COLORES, KA TÓKʼTSIY AXÉʼ XI KONOWIXTALÁBCHIK:

  • ¿Jantʼiniʼ tu tólmiyal an pigmentos ki tsuʼuw i colores?

  • ¿Jantʼiniʼ tu tsʼejkanal an colores axi u pitsʼotsʼol?

  • ¿Jaleʼ i tsuʼtal an kʼaylál al yán i colores?

  • ¿Jantʼoj tam colores axi lej alabél a tsuʼúmal juʼtáj i kʼwajíl?

  • ¿Jaleʼ in tomnál ki jolkʼaʼ i kʼij abal ki tsuʼuw jawaʼ in tsʼejkámal a Jehová?

¿Jantʼoj tu exóbchal tin kwéntaj a Jehová an tajaxtaláb ani an colores?