Ka tsuʼuw jawaʼ a tákuy

Kit kʼalej ti índice

 KʼALÁB AXI TI BIBLIA | GÉNESIS 9 MA TI 11

«Tin puwél an tsabál expidh u kawnabak junkats i kawintaláb»

«Tin puwél an tsabál expidh u kawnabak junkats i kawintaláb»

11:1-4, 6-9

Ti Babel, a Jehová in jálkʼunchij in kawintalábil an atikláb kom jekʼombéjchik, axéʼ in tʼajaʼ abal ka bukʼlaxin. Xowéʼ ta kʼicháj, kʼwajat in tamkuyal jún i púlik mudhél i atikláb axi tin púwel an Tsabál abal ka kʼakʼnáj ani ka tʼojonchat junkudh, axéʼchik xi atikláb kʼwajat ti exóbchinal an «kawintaláb axi tʼokat» (Sof 3:9; Ap 7:9). An «kawintaláb axi tʼokat» pel patal an exobchixtaláb axi a Jehová tu pidhál, in tsalápil axi kʼwajat ti Biblia.

Patal jitaʼ in exobnál jún i it kawintaláb yab expidh in exobnál yan i káw. Kwaʼal kin exóbnaʼ ti tsalpax al nixéʼ xi kawintaláb. Aniyej wawáʼ, kom kʼwajat i exobnál an «kawintaláb axi tʼokat» i tsalapil neʼets ti jalkʼunal (Ro 12:2). Axéʼ játs jantʼoj axi kwaʼal ki aynanchij ki tʼajaʼ abal in bichówil a Jehová etsʼey ka kʼwajiy junkudh (1Co 1:10).