Ka tsuʼuw jawaʼ a tákuy

Kit kʼalej ti índice

Ólchixchik kʼal a Jehová

Ka tákuy an kawintaláb tének

 I EJATAL TU AYKOL KʼAL A CRISTO

«A Pablo in kʼakʼnanchij a Dios ani kanatbéj»

«A Pablo in kʼakʼnanchij a Dios ani kanatbéj»

Tam ti an epchalchik axi ti Roma in exlaʼchik abal a Pablo neʼetsak abal tiwaʼ, talchik i epchal beláts 64 kilómetros abal ka tamuwat. ¿Jantʼoj in atsʼaʼ a Pablo kʼal jawaʼ in tʼajaʼchik an epchal? Tam ti a Pablo in tsuʼuw axéʼ «in kʼakʼnanchij a Dios ani kanatbéj» (Hch 28:15). A Pablo etsʼey in kanatbedhálak an epchalchik, pero xowéʼ jajáʼ in yéjenchalak ka kanatbedháj kom u neʼdhábak abal ti wikʼaxteʼ (2Co 13:10).

Xowéʼ ta kʼicháj an ókʼnomchik axi ti circuito in tsaʼbiyal an tamkuntaláb abal kin kanatbédhaʼ an epchalchik. Pero jajáʼchik jayej u tsekel, u tʼeʼpinalchik ani tam junchikíl yab kanat in atsʼalchik. ¿Jantʼoj i ejtowal ki tʼajaʼ abal ki kanatbédhaʼ an ókʼnom axi ti circuito ani in kʼimádhil, ani antsanáʼ ku «junax kanatbedháxin»? (Ro 1:11, 12).

  • Ku kʼalej tu támkunal abal ku kalej tu ólnom. An ókʼnom axi ti circuito u lej kanatbél tam kin tsuʼuw an tsapláb axi tʼajál abal ku olnomáts ban semana tam tu tsaʼbiyal (1Te 1:2, 3; 2:20). Ka tsápnanchij ka tʼajaʼ an precursorado auxiliar ban ítsʼ tam ti tsaʼbiyal an ókʼnom axi ti circuito. ¿Jaleʼ ti yab a kaniyal an ókʼnom axi ti circuito o in kʼimádhil ti júnaʼ ti ólnom o ka bínaʼ jún i exóbintaláb kʼal an Biblia? Jajáʼchik in kulbetnál ti ólnom kʼal patal an epchal axi ban tamkuntaláb, jaxtám yab ki tidhebéj max yabaye owat i kalel tit ólnom ani yab ka tsalpay abal yab a ejtowal ti ólnom.

  • Ki batsʼuw kʼal i kulbétal. ¿I ejtowal ki matinchij i kʼimáʼ abal ka jilkʼonchik o ki kaniychik ti kʼapul? Antsanáʼ kʼwajat i tejwamédhal abal i kʼanidhálchik. Jajáʼchik yab in konoyal jún i kʼapnél axi lej jalbidh (Lu 10:38-42).

  • Ki otsʼówiy jawaʼ tu exóbchal ani ki belkaʼ. An ókʼnom axi ti circuito tu tólmiyal kʼal i kʼanidhomtaláb abal ki tʼojonchij más a Jehová. Walám junchikíl tsapik an exobintaláb axi tu ku pidhaʼ (1Co 5:1-5). Max ki koʼoy i tsaʼataláb ani ku bélkaxin, jajáʼchik yab neʼets kin atsʼaʼ kʼibat kin tʼajaʼ in tʼojlábil (Heb 13:17).

  • Ki kʼakʼnanchij. Ka uchaʼ an ókʼnom kʼal an circuito ani in kʼimádhil abal a kʼakʼnál an tolmixtaláb axi ti pidhámal. A ejtowal kit utey ka uchaʼ o ka dhúchunchij jún i uw. (Col 3:15).