Ka tsuʼuw jawaʼ a tákuy

Kit kʼalej ti índice

Ólchixchik kʼal a Jehová

Ka tákuy an kawintaláb tének

 I EJATAL TU AYKOL KʼAL A CRISTO

Ku bajudhméj jantʼiniʼ u ólchix: Ka tólmiy an atiklábchik axi chubax in léʼ kin bajuw ti aykol kʼal a Cristo

Ku bajudhméj jantʼiniʼ u ólchix: Ka tólmiy an atiklábchik axi chubax in léʼ kin bajuw ti aykol kʼal a Cristo

JALEʼ TI EXBADH: A Jehová in tólmiyal an atiklábchik axi chubax in léʼ kin bajuw ti aykol kʼal a Cristo abal ka tsʼatʼey tin ichích jawaʼ kʼwajatchik in exobnál (Hch 13:48; 1Co 3:7). Wawáʼ u tolmix kʼal a Jehová tam i aliyal an atiklábchik axi dhubatkʼij in tʼajál jawaʼ in exobnál (1Co 9:26). Axéʼchik xi atikláb in yéjenchal kin exbay abal okʼox kwaʼal ka pujan max in léʼ kin kʼániy in ejatal. (1Pe 3:21). Kwaʼal ki tólmiy jitaʼchik u exóbal kʼal an Biblia abal kin tʼajaʼ i jalkʼuxtaláb tin ejatal, ka olnomáts, kin exóbchij kʼeʼat ani kin pidhaʼ in ejatal a Jehová, abal antsanáʼ kin bajuwchik ti aykol kʼal a Cristo (Mt 28:19, 20).

JANTʼINIʼ KI TʼAJAʼ

  • Ka tʼilchal jitaʼ a exóbchal kʼal an Biblia abal an exobintaláb pél abal ki tólmiy kin exlaʼ a Jehová ani kin kʼakʼnaʼ (Jn 17:3).

  • Abal kin aynanchij kin exlaʼ más a Jehová, ka tólminchij abal kin jilaʼ i tʼajbiláb axi yab tekedh ani kin koʼoy i alwaʼ junkuwál.

  • Ka tólmiy kin tsapikmedhaʼ in bélomtal okʼxidh ani talbél ka pujan (Hch 14:22).

TALBÉL TA TSUʼÚMAL AN VIDEO A JEHOVÁ NEʼETS TI TÓLMIY, KA TÓKʼTSIY AXÉʼCHIK XI KONOWIXTALÁB:

  • ¿Jantʼoj in ejtowal kin tʼajaʼ abal jún i atikláb ka jikʼey kin pidhaʼ in ejatal a Jehová ani ka pujan?

  • ¿Jantʼiniʼ in ejtowal an ókʼnomchik kin tólmiy an exóbalchik kʼal an Biblia abal kin exlaʼchik a Jehová?

  • ¿Jantʼoj tu exóbchal tin kwéntaj a Jehová Isaías 41:10?

  • ¿Jantʼoj neʼets tu ku tólmiy ki tʼojonchij a Jehová tin tekédh bélits abal u wálbidh?

¿Jantʼiniʼ i ejtowal ku tólmixin kʼal a Jehová al an tʼojláb ki tʼajaʼ i aykol kʼal a Cristo?