Ka tsuʼuw jawaʼ a tákuy

Kit kʼalej ti índice

Ólchixchik kʼal a Jehová

Ka tákuy an kawintaláb tének

 I EJATAL TU AYKOL KʼAL A CRISTO

¿Jantʼiniʼ ku tʼojojon abal an Conmemoración?

¿Jantʼiniʼ ku tʼojojon abal an Conmemoración?

Axéʼ xi tamub abal okʼox neʼets ki koʼoy más i kʼij abal ku tʼojojon abal an Conmemoración tin kwéntaj in tsémtal a Cristo. Tam an Conmemoración ka tʼajan al an semana, yab neʼets ka tʼajan an tamkuntaláb I Ejatal ani i Tʼojlábil ani, tam kin bajuw tin taltal an semana yab neʼets ki koʼoy an tʼilomtaláb público nibal an Exobintaláb kʼal an revista La Atalaya. ¿Jantʼiniʼ i ejtowal ki eyendhaʼ alwaʼ nixéʼ xi kʼij? Antsanáʼ jantʼiniʼ ti kʼaʼál siglo, xowéʼ ta kʼicháj, jayej in tomnál ku tʼojojon abal axéʼ xi exbadh tamkuntaláb (Lu 22:7-13; km-S 3/15 1). Pero, ¿jantʼiniʼ i ejtowal ki tʼojojoy i tsalápil ani ichích?

  • Ki lupudh tsalpay jaleʼ ti lej exbadh ku kʼalej (1Co 11:23-26).

  • Ki ólonchij a Jehová ani ki tsalpay jantʼiniʼ ti kʼwajat i junkudhtal kʼal jajáʼ (1Co 11:27-29; 2Co 13:5).

  • Ki ajiy i olchixtaláb kaldhach ti Biblia tin kwéntaj an Conmemoración ani ki lupudh tsalpay (Jn 3:16; 15:13).

Talchik i ólchix in ajiyal an ajumtaláb kʼal an Biblia tin kwéntaj an Conmemoración, axéʼ kʼwajat ban folleto Examinando las Escrituras diariamente ani in lupudh tsalpayalchik kʼal an ajumtaláb. Talchik in eyendhál jawaʼ kʼwajat alál. Jayej kʼeʼat in exobnál an olchixtaláb axi in kwaʼal an revista La Atalaya tin kwéntaj an Conmemoración ani an kʼanidhomtaláb axi a Jehová ani a Jesús tu tejwamédhanchij. Jawákits axi ka eyendhaʼ abal ki tʼojojon abal an Conmemoración neʼets ti tólmiy ki utey más kʼal a Jehová ani a Jesús.